Khushi Kapoor: ಶ್ರೀದೇವಿಯ ಎರಡನೇ ಮಗಳು ಖುಷಿ ಬಾಲಿವುಡ್​ ಎಂಟ್ರಿ: ಮಾಹಿತಿ ಕೊಟ್ಟ ಬೋನಿ ಕಪೂರ್​..!

ಶ್ರೀದೇವಿ ಅವರ ಎರಡನೇ ಮಗಳು ಹಾಗೂ ನಟಿ ಜಾಹ್ನವಿ ಕಪೂರ್​ ತಂಗಿ ಖುಷಿ ಕಪೂರ್ ಇನ್ನೇನು ಬಾಲಿವುಡ್​ಗೆ ಎಂಟ್ರಿ ಕೊಡಲಿದ್ದಾರೆ.

ಜಾಹ್ನವಿ ಕಪೂರ್​ ಸಿನಿರಂಗಕ್ಕೆ ಎಂಟ್ರಿ ಕೊಟ್ಟಾಗಲೇ ಖುಷಿಯ ಲಾಂಚ್​ ಬಗ್ಗೆಯೂ ಚರ್ಚೆ ಆರಂಭವಾಗಿತ್ತು.

ಸದ್ಯ ಮಾಡೆಲಿಂಗ್​ನಲ್ಲಿ ಬ್ಯುಸಿಯಾಗಿರುವ ಖುಷಿಗೆ ಸಿನಿಮಾಗೆ ಬರುವ ಆಲೋಚನೆ ಇಲ್ಲ ಎಂದು ಹೇಳಲಾಗಿತ್ತು.

ಆದರೆ ಈಗ ಖುಷಿ ಬಾಲಿವುಡ್​ ಎಂಟ್ರಿಗೆ ವೇದಿಕೆ ಸಜ್ಜಾಗಿದೆ. ಈ ಕುರಿತಾಗಿ ಫಿಲಂ ಮೇಕರ್​ ಬೋನಿ ಕಪೂರ್​ ಸ್ಪಷ್ಟಪಡಿಸಿದ್ದಾರೆ.

ಇಂಗ್ಲಿಷ್​ ಪತ್ರಿಕೆಯೊಂದಕ್ಕೆ ಸಂದರ್ಶನ ನೀಡಿರುವ ಬೋನಿ ಕಪೂರ್​, ಸದ್ಯದಲ್ಲೇ ಖುಷಿ ಬಾಲಿವುಡ್​ ಎಂಟ್ರಿ ಬಗ್ಗೆ ಪ್ರಕಟಣೆ ಹೊರ ಬೀಳಲಿದೆ ಎಂದಿದ್ದಾರೆ.

ಆದರೆ, ಖುಷಿಯನ್ನು ತಾನು ಲಾಂಚ್​ ಮಾಡುವುದಿಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ.

ಖ್ಯಾತ ನಿರ್ದೇಶಕರೊಬ್ಬರು ಖುಷಿಯನ್ನು ತಮ್ಮ ಸಿನಿಮಾದ ಮೂಲಕ ಲಾಂಚ್ ಮಾಡಲಿದ್ದಾರಂತೆ.

ಇತ್ತೀಚೆಗಷ್ಟೆ ಖುಷಿ ತಮ್ಮ ಇನ್​ಸ್ಟಾಗ್ರಾಂ ಖಾತೆಯನ್ನು ಪಬ್ಲಿಕ್​ ಮಾಡುವ ಮೂಲಕ ಸುದ್ದಿಯಲ್ಲಿದ್ದರು.

ಮಾಡೆಲಿಂಗ್​ ಮಾಡುತ್ತಾ ಸಿಕ್ಕಾಪಟ್ಟೆ ಬ್ಯುಸಿಯಾಗಿರುವ ಖುಷಿ ಯಾವ ನಿರ್ದೇಶಕ ಹಾಗೂ ಪ್ರೊಡಕ್ಷನ್​ ಹೌಸ್​ನ ಸಿನಿಮಾದ ಮೂಲಕ ತಮ್ಮ ಸಿನಿ ಜೀವನ ಆರಂಭಿಸಲಿದ್ದಾರೆ ಅನ್ನೋ ಕುತೂಹಲ ಸಿನಿಪ್ರಿಯರನ್ನು ಕಾಡುತ್ತಿದೆ,.