Shah Rukh Khan-Kajol: ಸ್ಟಾರ್ ಕಿಡ್ಸ್ ಆರ್ಯನ್ ಖಾನ್, ನ್ಯಾಸಾ ದೇವಗನ್ ಡೇಟಿಂಗ್! ಬೀಗರಾಗುವ ಬಗ್ಗೆ ಶಾರುಖ್, ಕಾಜೋಲ್ ಮಾತು

ತೆರೆ ಮೇಲೆ ಶಾರುಖ್-ಕಾಜೋಲ್ ಮಾಡಿದ ಮೋಡಿ ಮರೆಯಲು ಆಗಲ್ಲ. ಈಗಲೂ ಅಭಿಮಾನಿಗಳಿಗೆ ಶಾರುಖ್-ಕಾಜೋಲ್ ಜೋಡಿ ಫೇವರಿಟ್ ಆಗಿದೆ. ಇದೀಗ ಈ ಇಬ್ಬರು ಸ್ಟಾರ್​ಗಳ ಮಕ್ಕಳು ಸಖತ್ ಕ್ಲೋಸ್ ಆಗಿದ್ದಾರೆ. ಆಗಾಗ ಪಾರ್ಟಿಗಳಲ್ಲೂ ಒಟ್ಟಿಗೆ ಕಾಣಿಸಿಕೊಳ್ತಾರೆ.

ಶಾರುಖ್ ಖಾನ್ ಮಗ ಆರ್ಯನ್ ಖಾನ್ ಹಾಗೂ ಕಾಜೋಲ್ ಮಗಳು ನ್ಯಾಸಾ ದೇವಗಲ್ ನಡುವೆ ಕುಚ್ ಕುಚ್ ಹೋತಾ ಹೈ ಎಂದು ನೆಟ್ಟಿಗರು ಕಮೆಂಟ್ ಮಾಡಿದ್ದಾರೆ. ಇಬ್ಬರ ಡೇಟಿಂಗ್ ಸುದ್ದಿ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.

ಇನ್ನೂ ಈ ಸೂಪರ್ ಸ್ಟಾರ್ಗಳಿಗೆ ಮಕ್ಕಳದ್ದೇ ಚಿಂತೆಯಾಗಿದೆಯಂತೆ. ಒಮ್ಮೆ ಕರಣ್ ಜೋಹರ್, ನ್ಯಾಸಾ ದೇವಗನ್ ಅವರ ಹೆಸರನ್ನು ಆರ್ಯನ್ ಖಾನ್ ಜೊತೆ ಸೇರಿಸಿದಾಗ ಶಾರುಖ್ ಖಾನ್ ಟೆನ್ಶನ್ ಆಗಿದ್ದರಂತೆ.

ಆರ್ಯನ್ ಖಾನ್ ಮತ್ತು ನ್ಯಾಸಾ ದೇವಗನ್ ಕುಟುಂಬದ ಸ್ನೇಹಿತರಾಗಿದ್ದು, ಅನೇಕ ಬಾರಿ ಒಟ್ಟಿಗೆ ಕಾಣಿಸಿಕೊಂಡಿದ್ದಾರೆ. ಆರ್ಯನ್ ಖಾನ್ ನಿರ್ದೇಶಕರಾಗಿ ಬಾಲಿವುಡ್​ಗೆ ಎಂಟ್ರಿ ಕೊಡುತ್ತಿದ್ದಾರೆ. ಆರ್ಯನ್ ಖಾನ್ ತಮ್ಮ ತಂದೆ ಶಾರುಖ್ ಖಾನ್ ಜಾಹೀರಾತಿನಲ್ಲೂ ಕಾಣಿಸಿಕೊಂಡ್ರು. ಕಾಜೋಲ್ ಮಗಳು ನ್ಯಾಸಾ ಸದ್ಯಕ್ಕೆ ಲಂಡನ್​ನಲ್ಲಿ ಓದುತ್ತಿದ್ದಾರೆ.

2007ರಲ್ಲಿ ಆರ್ಯನ್ ಖಾನ್ ಮತ್ತು ನ್ಯಾಸಾ ನಡುವಿನ ಸಂಬಂಧದ ಕುರಿತು ಶಾರುಖ್ ಖಾನ್ ಫುಲ್ ಟೆನ್ಷನ್ ಆಗಿದ್ರು. ಶಾರುಖ್ ಖಾನ್ ಮತ್ತು ಕಾಜೋಲ್ ಜೊತೆ ಟಿವಿ ಶೋ ಕಾಫಿ ವಿತ್ ಕರಣ್ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ರು.

ಕರಣ್ ಜೋಹರ್ ಶಾರುಖ್ ಖಾನ್ ಅವರನ್ನು ಕೇಳಿದರು ಆರ್ಯನ್ ಖಾನ್ ಮತ್ತು ನ್ಯಾಸಾ ದೇವಗನ್  10 ವರ್ಷಗಳ ನಂತರ ಡೇಟಿಂಗ್ ಮಾಡಲು ಪ್ರಾರಂಭಿಸಿದರೆ ನಿಮ್ಮ ಪ್ರತಿಕ್ರಿಯೆ ಏನು ಎಂದು 2007ರಲ್ಲಿ ಕರಣ್ ಪ್ರಶ್ನೆ ಮಾಡಿದ್ರು.

ಈ ಪ್ರಶ್ನೆಗೆ ಪ್ರತಿಕ್ರಿಯಿಸಿದ ಶಾರುಖ್ ಖಾನ್, ಈ ಆಲೋಚನೆಯೇ ನನ್ನ ಮನಸ್ಸನ್ನು ನಡುಗಿಸುತ್ತದೆ. ಕಾಜೋಲ್ ಅವರ ಸಂಬಂಧಿಯಾಗಲು ನನಗೆ ಭಯವಾಗ್ತಿದೆ ಎಂದು ಶಾರುಖ್ ಖಾನ್ ತಮಾಷೆ ಮಾಡಿದ್ರು. ಆದರೆ ಇವರಿಬ್ಬರ ಸಂಬಂಧದ ವಿಚಾರದಲ್ಲಿ ಬಾಲಿವುಡ್ ಕಿಂಗ್ ಟೆನ್ಷನ್ ನಲ್ಲಿದ್ದರಂತೆ.

ಕರಣ್ ಜೋಹರ್ ಕಾಜೋಲ್​ಗೆ ಅದೇ ಪ್ರಶ್ನೆಯನ್ನು ಕೇಳಿದ್ದರು. ಇದಕ್ಕೆ ಪ್ರತಿಕ್ರಿಯೆಯಾಗಿ ಕಾಜೋಲ್ ತುಂಬಾ ಕಂಫರ್ಟಬಲ್ ಆಗಿ ಕಾಣಿಸಿಕೊಂಡಿದ್ದಾರೆ. ದಿಲ್ವಾಲೇ ದುಲ್ಹನಿಯಾ ಲೇ ಜಾಯೇಂಗೇ ಎಂದು ನಗುತ್ತಲೇ ಹೇಳಿದ್ರು. ಕಾಜೋಲ್ ಈ ಸಂಬಂಧದ ಬಗ್ಗೆ ಯಾವುದೇ ಸಮಸ್ಯೆ ಇಲ್ಲ ಎಂದಿದ್ದಾರೆ.