The Last Hurrah: ದಕ್ಷಿಣ ಭಾರತದ ನಟಿ-ನಿರ್ದೇಶಕಿ Revathy ನಿರ್ದೇಶನದಲ್ಲಿ ನಟಿಸಲಿದ್ದಾರೆ Kajol

ಬಹುಭಾಷಾ ನಟಿ ಹಾಗೂ ನಿರ್ದೇಶಕಿ ರೇವತಿ ಹಾಗೂ ಬಾಲಿವುಡ್​ ನಟಿ ಕಾಜೋಲ್​ ಅವರು ತಮ್ಮ ಹೊಸ ಸಿನಿಮಾ ಪ್ರಕಟಿಸಿದ್ದಾರೆ. ರೇವತಿ ನಿರ್ದೇಶನದ ಸಿನಿಮಾದಲ್ಲಿ ಕಾಜೋಲ್ ನಟಿಸುತ್ತಿದ್ದಾರೆ. ಈ ವಿಷಯವನ್ನು ಕಾಜೋಲ್​ ಕೆಲವೇ ನಿಮಿಷಗಳ ಹಿಂದೆ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.

ನಟಿಯಾಗಿ ಯಶ್ಸು ಕಂಡ ನಂತರ ನಿರ್ದೇಶನದತ್ತ ಮುಖ ಮಾಡಿದ ಪ್ರತಿಭಾವಂತ ಕಲಾವಿದೆ ರೇವತಿ. ಹಿಂದಿ, ತೆಲುಗು ಹಾಗೂ ತಮಿಳು ಸಿನಿಮಾಗಳಲ್ಲಿ ನಟಿಸುತ್ತಲೇ ಸಿನಿಮಾಗಳಿಗೆ ಆ್ಯಕ್ಷನ್​ ಕಟ್ ಹೇಳುತ್ತಿದ್ದಾರೆ. ಇವರು ಈಗ The Last Hurrah ಸಿನಿಮಾವನ್ನು ನಿರ್ದೇಶನ ಮಾಡುತ್ತಿದ್ದಾರೆ.

The Last Hurrah ಈ ಸಿನಿಮಾದ ಕಥೆ ನೈಜ ಘಟನೆ ಆಧಾರಿತವಾಗಿದ್ದು, ನಗು ಮುಖದಿಂದಲೇ ದೊಡ್ಡ ದೊಡ್ಡ ಸಮಸ್ಯೆಗಳನ್ನು ಎದುರಿಸುತ್ತಲೇ ಹೋರಾಟ ನಡೆಸಿದ ತಾಯಿ. ಈ ಪಾತ್ರದಲ್ಲಿ ಕಾಜೋಲ್​ ನಟಿಸಲಿದ್ದಾರೆ.

ಈ ಸಿನಿಮಾದ ಕಥೆ ಕೇಳಿದ ಕೂಡಲೇ ಕಾಜೋಲ್ ಅವರು ಸುಜಾತಾ ಪಾತ್ರದ ಜೊತೆ ಕನೆಕ್ಟ್​ ಆಗಿ ಬಿಟ್ಟರಂತೆ. ಅದಕ್ಕೆ ಆಗಲೇ ಸಿನಿಮಾಗೆ ಗ್ರೀನ್ ಸಿಗ್ನಲ್ ತೋರಿದರಂತೆ. ಈ ಹೊಸ ಸಿನಿಮಾ ವಿಷಯವನ್ನು ರೇವತಿ ಜತೆಗಿನ ಫೋಟೋ ಶೇರ್​ ಮಾಡುವ ಮೂಲಕ ಕಾಜೋಲ್​ ಖುಷಿಯಿಂದ ಇನ್​ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ.

ಸೂರಜ್​ ಸಿಂಗ್ ಹಾಗೂ ಶ್ರದ್ಧಾ ಅಗರ್ವಾಲ್ ಅವರು ನಿರ್ಮಿಸುತ್ತಿರುವ ಸಿನಿಮಾ ಇನ್ನೂ ಪ್ರೀ-ಪ್ರೊಡಕ್ಷನ್ ಹಂತದಲ್ಲಿದೆ. ಈ ಚಿತ್ರಕ್ಕೆ ಸಮ್ಮೀರ್ ಅರೋರಾ ಕಥೆ ಬರೆದಿದ್ದಾರೆ. ಕಾಜೋಲ್ ಅವರು ತಮ್ಮ ಪತಿ ಜತೆ ತಾನಾಜಿ ಸಿನಿಮಾದಲ್ಲಿ ನಟಿಸಿದ ನಂತರ ಒಟಿಟಿಗೆ ತ್ರಿಭಂಗ ಮೂಲಕ ಎಂಟ್ರಿ ಕೊಟ್ಟರು. 

ಭರತನಾಟ್ಯ ಕಲಾವಿದೆ ರೇವತಿ ಅವರು ತೆಲುಗು, ತಮಿಳು, ಮಲಯಾಳಂ ಹಾಗೂ ಹಿಂದಿ ಸಿನಿಮಾಗಳಲ್ಲಿ ನಟಿಸಿದ್ದಾರೆ. ನಟನೆಯ ಜೊತೆಗೆ ಸಿನಿಮಾ ನಿರ್ದೇಶನದಲ್ಲೂ ಹೆಸರು ಮಾಡಿದ್ದಾರೆ. 1983ರಲ್ಲಿ ತಮಿಳು ಸಿನಿಮಾ ಮಾನ್​ ವಾಸೈ ಮೂಲಕ ಬಣ್ಣದ ಲೋಕಕ್ಕೆ ಎಂಟ್ರಿ ಕೊಟ್ಟರು.

ತೆಲುಗು ಹಾಗೂ ತಮಿಳಿನಲ್ಲಿ ಸ್ಟಾರ್​ ನಟರ ಜೊತೆ ನಟಿಸಿರುವ ರೇವತಿ 80-90ರ ದಶಕದಲ್ಲಿ ದಕ್ಷಿಣ ಭಾರತದ ಟಾಪ್​ ನಟಿಯರಲ್ಲಿ ಒಬ್ಬರಾಗಿದ್ದರು. ಮಲಯಾಳಂನಲ್ಲಿ ಅವರ ಅಭಿನಯದ ಬಹುನಿರೀಕ್ಷಿತ ಸಿನಿಮಾ ಭೂತಕಾಲಂ. ಸಿನಿಮಾಗಳ ಜೊತೆಗೆ ಒಟಿಟಿಗಾಗಿ ಮಾಡುತ್ತಿರುವ ಪ್ರಾಜೆಕ್ಟ್​ಗಳಲ್ಲೂ ಬ್ಯುಸಿಯಾಗಿದ್ದಾರೆ.