Jacqueline Fernandez: ಟ್ರೆಡಿಷನಲ್ ಲುಕ್​ನಲ್ಲಿ ಮಿಂಚಿದ ಜಾಕ್ಲಿನ್, ರಕ್ಕಮ್ಮನ ಲುಕ್​ಗೆ ಫ್ಯಾನ್ಸ್ ಕ್ಲೀನ್ ಬೋಲ್ಡ್

ಜಾಕ್ವೆಲಿನ್ ಫರ್ನಾಂಡೀಸ್ ಬಾಲಿವುಡ್ ನ ಖ್ಯಾತ ನಾಯಕಿಯರಲ್ಲಿ ಒಬ್ಬರು. ಶ್ರೀಲಂಕಾದ ಈ ಬೆಡಗಿ 2006 ರಲ್ಲಿ ಮಿಸ್ ಯೂನಿವರ್ಸ್ ಶ್ರೀಲಂಕಾ ಕಿರೀಟವನ್ನು ಪಡೆದರು. ಅವರು 2006 ರಲ್ಲಿ ಶ್ರೀಲಂಕಾಕ್ಕಾಗಿ ವಿಶ್ವ ಸುಂದರಿ ಸ್ಪರ್ಧೆಯಲ್ಲಿ ಸ್ಪರ್ಧಿಸಿದ್ದರು. ಜಾಕ್ವೆಲಿನ್ ಸಿಡ್ನಿ ವಿಶ್ವವಿದ್ಯಾಲಯದಿಂದ ಸಮೂಹ ಸಂವಹನದಲ್ಲಿ ಪದವಿ ಪಡೆದಿದ್ದಾರೆ.

ಅವರು ಶ್ರೀಲಂಕಾದಲ್ಲಿ ಟಿವಿ ವರದಿಗಾರರಾಗಿಯೂ ಕೆಲಸ ಮಾಡಿದ್ದಾರೆ. ನಂತರ 2009 ರಲ್ಲಿ, ಅವರು ಭಾರತದ ಫ್ಯಾಂಟಸಿ ನಾಟಕ ಅಲ್ಲಾದೀನ್‌ಗಾಗಿ ಆಡಿಷನ್ ನೀಡಿದರು. ಈ ಮೂಲಕ ನಟಿಯಾಗಿ ತಮ್ಮ ವೃತ್ತಿಜೀವನವನ್ನು ಪ್ರಾರಂಭಿಸಿದರು.

ಹೌಸ್‌ಫುಲ್ 2 ನಲ್ಲಿನ ಅಭಿನಯಕ್ಕಾಗಿ ಅವರು ಅತ್ಯುತ್ತಮ ಪೋಷಕ ನಟಿಗಾಗಿ IFA ಪ್ರಶಸ್ತಿಗಳಲ್ಲಿ ನಾಮನಿರ್ದೇಶನವನ್ನು ಪಡೆದರು. ಆಕೆ ಪ್ರಮುಖ ಪಾತ್ರದಲ್ಲಿ ನಟಿಸಿದ ಕಿಕ್ (ಹಿಂದಿ), ಭಾರತದಲ್ಲಿ ಅತಿ ಹೆಚ್ಚು ಗಳಿಕೆ ಮಾಡಿದ ಚಲನಚಿತ್ರಗಳಲ್ಲಿ ಒಂದಾಯಿತು.

ಇದೀಗ ಈ ಸುಂದರಿ ಸ್ಯಾಂಡಲ್​ವುಡ್​ಗೂ ಕಾಲಿಟ್ಟಿದ್ದು, ರಕ್ಕಮ್ಮನಾಗಿ ಕಿಚ್ಚ ಸುದೀಪ್ ಜೊತೆ ವಿಕ್ರಾಂತ್ ರೊನ ಚಿತ್ರದಲ್ಲಿ ಸೊಂಟ ಬಳುಕಿಸಿದ್ದಾರೆ. ರಕ್ಕಮ್ಮನ ಲುಕ್​ಗೆ ಕನ್ನಡ ಸಿನಿ ರಸಿಕರು ಕ್ಲೀನ್ ಬೋಲ್ಡ್ ಆಗಿದ್ದಾರೆ.

ನಿನ್ನೆಯಷ್ಟೇ (ಜೂನ್ 22) ವಿಕ್ರಾಂತ್ ರೋಣ ಚಿತ್ರದ ಪ್ರೀ ಟ್ರೈಲರ್ ರಿಲೀಸ್ ಇವೆಂಟ್​ಗಾಗಿ ಜಾಕ್ಲಿನ್ ಬೆಂಗಳೂರಿಗೆ ಆಗಮಿಸಿದ್ದರು. ಈ ವೇಳೆ ಅವರು ಸಾರಿಯಲ್ಲಿ ಮಿಂಚಿದ್ದು, ಅವರ ಪೋಟೋಗಳು ಎಲ್ಲಡೆ ಸಖತ್ ವೈರಲ್ ಆಗುತ್ತಿದೆ. ಅಲ್ಲದೇ ಅವರ ಈ ಟ್ರೆಡಿಶನಲ್ ಲುಕ್​ಗೆ ಅಭಿಮಾಣಿಗಳು ಮೆಚ್ಚುಗೆಯ ಮಾತುಗಳನ್ನಾಡುತ್ತಿದ್ದಾರೆ.

ನೋಡಲು ಸಿಂಪಲ್ ಆಗಿ ಕಾಣುವ ಈ ಸೀರೆಯಲ್ಲಿ ಜಾಕ್ಲಿನ್ ಸುಂದರವಾಗಿ ಕಾಣುತ್ತಿದ್ದು, ನೆಟ್ಟಿಗರು ರಕ್ಕಮ್ಮನಿಗೆ ಈ ರೀತಿ ಟ್ರೆಡಿಶನಲ್ ಲುಕ್​ ನಲ್ಲಿಯೇ ಸೂಮದರವಾಗಿ ಕಾಣುತ್ತೀರಿ ಎಂದು ಕಾಮೆಂಟ್​ಗಳನ್ನು ಮಾಡುತ್ತಿದ್ದಾರೆ.

ಸಾಮಾಜಿಕ ಜಾಲತಾಣದಲ್ಲಿ ಸೀರೆ ಉಟ್ಟಿಕೊಂಡು ಫೋಟೋ ಹಂಚಿಕೊಂಡಿರುವ ಜಾಕ್ಲಿನ್, ರಕ್ಕಮ್ಮಾ ರೆಡಿ ಎಂದು ಕ್ಯಾಪ್ಷನ್ ನೀಡಿದ್ದಾರೆ. ಇತ್ತೀಚೆಗಷ್ಟೇ ವಿಕ್ರಾಂತ್ ರೋಣದ ರಾ.. ರಾ.. ರಕ್ಕಮ್ಮಾ ಹಾಡು ರಿಲೀಸ್ ಆಗಿ ಸೂಪರ್ ಹಿಟ್ ಆಗಿದೆ.