Kiaraa Advani: ಸಿದ್ಧಾರ್ಥ್, ಕಿಯಾರಾ ಮದುವೆ ಡೇಟ್ ಫಿಕ್ಸ್; ರಾಜಸ್ಥಾನದ ಅರಮನೆಯಲ್ಲಿ ಅದ್ಧೂರಿ ವಿವಾಹ

ನಟ ಸಿದ್ಧಾರ್ಥ್ ಮಲ್ಹೋತ್ರಾ ಮತ್ತು ನಟಿ ಕಿಯಾರಾ ಅಡ್ವಾಣಿ ಮದುವೆ ತಯಾರಿ ಜೋರಾಗಿದ್ದು, ಕಿಯಾರಾ ತನ್ನ ವಧುವಿನ ಡ್ರೆಸ್ ಕೂಡ ಆಯ್ಕೆ ಮಾಡಿದ್ದಾರೆ. ರೆಡ್ ಡ್ರೆಸ್ ನಲ್ಲಿ ಕಿಯಾರಾ ಮಿಂಚಲಿದ್ದಾರೆ.  ನಟ ಸಿದ್ದಾರ್ಥ್ ವೈಟ್ ಶೇರ್ವಾನಿ ಸೆಲೆಕ್ಟ್ ಮಾಡಿದ್ದಾರಂತೆ.

ಫೆಬ್ರವರಿ 4ರಿಂದಲೇ ಮದುವೆ ಕಾರ್ಯಕ್ರಮಗಳು ಶುರುವಾಗಲಿದೆ. 4 ಮತ್ತು 5 ರಂದು ಮೆಹಂದಿ, ಅರಿಶಿನ ಶಾಸ್ತ್ರ ಕಾರ್ಯಕ್ರಮ ನಡೆಯಲಿದೆ. ಜೊತೆಗೆ ಅದ್ದೂರಿ ಮೂಸಿಕಲ್ ನೈಟ್ ಕೂಡ ಇರಲಿದೆ. ಜನವರಿ 6 ರಂದು ರಾಜಸ್ಥಾನದ ಜೈಸಲ್ಮೇರ್ ನಲ್ಲಿರುವ ಸೂರ್ಯಗಢ ಅರಮನೆಯಲ್ಲಿ ವಿವಾಹ ನಡೆಯಲಿದೆ. ಪಂಜಾಬಿ ಶೈಲಿಯಲ್ಲಿ ಈ ತಾರಾ ಜೋಡಿ ಮದುವೆ ನಡೆಯಲಿದೆ.

ಕಿಯಾರಾ ಅಡ್ವಾಣಿ ಮತ್ತು ಸಿದ್ಧರ್ ಮಲ್ಹೋತ್ರಾ ಇಬ್ಬರೂ 2021 ರಲ್ಲಿ ಶೇರ್ಷಾ ಚಿತ್ರದಲ್ಲಿ ಒಟ್ಟಿಗೆ ನಟಿಸಿದ್ದರು. ಬಹುದಿನಗಳಿಂದ ಡೇಟಿಂಗ್ ಮಾಡ್ತಿದ್ದ ಈ ಜೋಡಿ ಇದೀಗ ಮದುವೆ ಆಗ್ತಿದ್ದಾರೆ. (ಫೋಟೋ: Instagram)

ಕಿಯಾರಾ ಅಡ್ವಾಣಿ ಅವರ ಮದುವೆಯ ಸುದ್ದಿಯನ್ನು ಇಲ್ಲಿಯವರೆಗೆ ಬಹಳ ಗೌಪ್ಯವಾಗಿ ಇಡಲಾಗಿತ್ತು. ಇದೀಗ ಮದುವೆ ವಿಚಾರ ವೈರಲ್ ಆಗಿದೆ. ವಿಶೇಷ ಚಾರ್ಟರ್ಡ್ ವಿಮಾನದಲ್ಲಿ ರಾಜಸ್ಥಾನವನ್ನು ತಲುಪುತ್ತಾರೆ. (ಫೋಟೋ: Instagram)

ತಮ್ಮ ಮದುವೆಗೆ ಪ್ರೀ ವೆಡ್ಡಿಂಗ್ ಶೂಟ್ ಕೂಡ ಮಾಡಿದ್ದಾರೆ ಎಂಬ ಮಾತು ಬಾಲಿವುಡ್ ನಲ್ಲಿ ಕೇಳಿಬರುತ್ತಿದೆ. ಮದುವೆಗೆ ಬರುವ ಅತಿಥಿಗಳಿಗಾಗಿ ಕಿಯಾರಾ ಮತ್ತು ಸಿದ್ಧಾರ್ಥ್ ಮಲ್ಹೋತ್ರಾ ರಾಜಸ್ಥಾನದ ಸ್ಟಾರ್ ಹೋಟೆಲ್​ನಲ್ಲಿ ರೂಮ್ ಕೂಡ ಬುಕ್ ಮಾಡಿದ್ದಾರೆ. (ಫೋಟೋ: Instagram)

ಪ್ರಿನ್ಸ್ ಮಹೇಶ್ ಬಾಬು ಅವರ ತೆಲುಗು ಚಿತ್ರ ಭಾರತ್ ಅನು ನೇನು ಚಿತ್ರದ ಮೂಲಕ ಕಿಯಾರಾ ಅಡ್ವಾಣಿ ನಾಯಕಿಯಾಗಿ ಸಿನಿಮಾ ರಂಗಕ್ಕೆ ಎಂಟ್ರಿ ಕೊಟ್ರು. ಚಿತ್ರ ಹಿಟ್ ಆದ ನಂತರ ಮೆಗಾ ಪವರ್ ಸ್ಟಾರ್ ರಾಮ್ ಚರಣ್ ಜೊತೆ ವಿಧೇಯ ರಾಮ ಚಿತ್ರದಲ್ಲಿ ನಟಿಸಿದ್ದಾರೆ. (ಫೋಟೋ: Instagram)

ಬಾಲಿವುಡ್ ಲವ್ ಬರ್ಡ್ಸ್ ಶೀಘ್ರದಲ್ಲೇ ಇಬ್ಬರು ಮದುವೆಯಾಗುವುದಾಗಿ ಈ ಹಿಂದೆ ಅಧಿಕೃತವಾಗಿ ಘೋಷಿಸಿದ್ರು. ಇಬ್ಬರು ಒಟ್ಟಿಗೆ ಇರುವ ಫೋಟೋಗಳು ಸಖತ್ ವೈರಲ್ ಆಗಿತ್ತು. (ಫೋಟೋ: Instagram)

ಮದುವೆಗೆ ಊಟ ಮೆನು ಕೂಡ ಫೈನಲ್ ಮಾಡಿದ್ದಾರೆ. ಕಿಯಾರಾ ಮತ್ತು ಸಿದ್ಧಾರ್ಥ್ ಮಲ್ಹೋತ್ರಾ ಮದುವೆ ಬರುವ ಅತಿಥಿಗಳಿಗಾಗಿ ಪಂಜಾಬಿ ಸ್ಟೈಲ್ನಲ್ಲಿ ಊಟ ಮೆನು ಸಿದ್ದಪಡಿಸಲಾಗಿದೆ. ಮದುವೆಯ ನಂತರ ದೆಹಲಿ ಮತ್ತು ಮುಂಬೈನಲ್ಲಿ ಆರತಕ್ಷತೆ ಏರ್ಪಡಿಸಿ ಸಿನಿಮಾ ಸೆಲೆಬ್ರಿಟಿಗಳಿಗೆ ಪಾರ್ಟಿ ನೀಡಲಿದ್ದಾರಂತೆ. (ಫೋಟೋ: Instagram)

ಶೇರ್ಷಾ ಚಿತ್ರದಲ್ಲಿ ಜೊತೆಯಾಗಿ ನಟಿಸಿ ಯಶಸ್ಸು ಕಂಡಿದ್ದ ಈ ಜೋಡಿಯ ದಾಂಪತ್ಯ ಜೀವನವೂ ಯಶಸ್ವಿಯಾಗಲಿ ಎಂದು ಬಾಲಿವುಡ್ ಆಪ್ತರು ಹಾರೈಸುತ್ತಿದ್ದಾರೆ. ಸದ್ಯ ಕಿಯಾರಾ ತೆಲುಗಿನಲ್ಲಿ ರಾಮ್ ಚರಣ್ ಅವರ ಶಂಕರ್ ಚಿತ್ರದಲ್ಲಿ ನಟಿಸುತ್ತಿದ್ದಾರೆ. (ಫೋಟೋ: Instagram)