Shah Rukh Khan: ಸೌತ್ ನಟನ ಬಗ್ಗೆ ಶಾರುಖ್ ಟ್ವೀಟ್ ವೈರಲ್, ಏನಂದ್ರು ನಟ?

ಆರ್‌ಆರ್‌ಆರ್ ಚಿತ್ರದ ಯಶಸ್ಸಿನೊಂದಿಗೆ ರಾಮ್ ಚರಣ್ ಇಮೇಜ್‌ನ ಜನಪ್ರಿಯತೆ ಹೆಚ್ಚಾಗಿದೆ. ಇತ್ತೀಚೆಗಷ್ಟೇ ರಾಮ್ ಚರಣ್ ಅವರಿಗೆ ಪ್ರತಿಷ್ಠಿತ ಪ್ರಶಸ್ತಿ ಬಂದಿತ್ತು. ಟ್ರೂ ಲೆಜೆಂಡ್-ಫ್ಯೂಚರ್ ಯಂಗ್ ಇಂಡಿಯಾ ಪ್ರಶಸ್ತಿ ರಾಮ್ ಚರಣ್ ಅವರಿಗೆ ಸಂದಿದೆ. ಇತ್ತೀಚಿಗೆ ರಾಮ್ ಚರಣ್ ಕುರಿತು ಶಾರುಖ್ ಖಾನ್ ಮಾಡಿರುವ ಟ್ವೀಟ್ ವೈರಲ್ ಆಗುತ್ತಿದೆ.

ರಾಮ್ ಚರಣ್ ಅವರು ತಮ್ಮ ನಟನಾ ಪ್ರತಿಭೆಗೆ ವಿಶೇಷ ಮನ್ನಣೆ ಪಡೆದರು. ಚೀತಾ ಚಿತ್ರದ ಮೂಲಕ ಟಾಲಿವುಡ್‌ಗೆ ಎಂಟ್ರಿ ಕೊಟ್ಟಿದ್ದರು. ಮೊದಲ ಸಿನಿಮಾದಲ್ಲೇ ಬೆಳ್ಳಿತೆರೆಯಲ್ಲಿ ಮಿಂಚಿದರು. ಅವರ ಇತ್ತೀಚಿನ ಚಿತ್ರ RRR ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ಕ್ರೇಜ್ ಅನ್ನು ಸೃಷ್ಟಿಸಿದೆ.

ರಾಜಮೌಳಿ ನಿರ್ದೇಶನದ ಆರ್‌ಆರ್‌ಆರ್ ಚಿತ್ರದ ನಂತರ ಮೆಗಾ ಪವರ್‌ಸ್ಟಾರ್ ರಾಮ್ ಚರಣ್ ಟಾಪ್ ನಿರ್ದೇಶಕರಲ್ಲೊಬ್ಬರಾದ ಶಂಕರ್ ಅವರೊಂದಿಗೆ ಪ್ಯಾನ್-ಇಂಡಿಯನ್ ಪ್ರಾಜೆಕ್ಟ್ ಮಾಡುತ್ತಿದ್ದಾರೆ. ಸದ್ಯ ಈ ಸಿನಿಮಾ ಶೂಟಿಂಗ್ ನಡೆಯುತ್ತಿದೆ. ದಿಲ್ ರಾಜು ನಿರ್ಮಿಸುತ್ತಿದ್ದಾರೆ. ಕಿಯಾರಾ ಅಡ್ವಾಣಿ ನಾಯಕಿಯಾಗಿ ನಟಿಸುತ್ತಿದ್ದಾರೆ. ಕೆಲ ವರ್ಷಗಳಿಂದ ಶೂಟಿಂಗ್ ಗೆ ಬ್ರೇಕ್ ಕೊಟ್ಟಿದ್ದ ಚಿತ್ರತಂಡ ಇದೀಗ ಶರವೇಗದಲ್ಲಿ ಶೂಟಿಂಗ್ ಮುಗಿಸುತ್ತಿದೆ.

ಆರ್‌ಆರ್‌ಆರ್ ಚಿತ್ರದ ಯಶಸ್ಸಿನೊಂದಿಗೆ ದೇಶಾದ್ಯಂತ ಚರಣ್ ಅಭಿಮಾನಿಗಳು ಹೆಚ್ಚಾಗಿದ್ದಾರೆ. ಈ ಹಿನ್ನೆಲೆಯಲ್ಲಿ ಇತ್ತೀಚೆಗಷ್ಟೇ ರಾಮ್ ಚರಣ್ ಅವರಿಗೆ ಪ್ರತಿಷ್ಠಿತ ಪ್ರಶಸ್ತಿ ಲಭಿಸಿದೆ. ಟ್ರೂ ಲೆಜೆಂಡ್-ಫ್ಯೂಚರ್ ಯಂಗ್ ಇಂಡಿಯಾ ಪ್ರಶಸ್ತಿ ರಾಮ್ ಚರಣ್ ಅವರಿಗೆ ಸಂದಿದೆ.

ಬಾಲಿವುಡ್ ಬಾದ್ ಶಾ ಶಾರುಖ್ ಖಾನ್ ಇತ್ತೀಚೆಗಷ್ಟೇ ರಾಮ್ ಚರಣ್ ಕುರಿತು ಟ್ವೀಟ್ ಮಾಡಿದ್ದರು. ಇದೀಗ ಆ ಟ್ವೀಟ್ ವೈರಲ್ ಆಗುತ್ತಿದೆ. ಟ್ವಿಟ್ಟರ್ ನಲ್ಲಿ ಅಭಿಮಾನಿಗಳೊಂದಿಗೆ ಸಂವಾದ ನಡೆಸಿದ ಶಾರುಖ್ ಗೆ ಅಭಿಮಾನಿಯೊಬ್ಬ ಚರಣ್ ಬಗ್ಗೆ ಒಂದು ಮಾತು ಹೇಳುವಂತೆ ಕೇಳಿದ್ದಾರೆ.

ಇದಕ್ಕೆ ಉತ್ತರಿಸಿದ ಶಾರುಖ್, ಚರಣ್ ನನ್ನ ಹಳೆಯ ಗೆಳೆಯ. ನಮ್ಮ ಮಕ್ಕಳು ಅವರನ್ನು ತುಂಬಾ ಇಷ್ಟಪಡುತ್ತಾರೆ ಎಂದು ಪ್ರತಿಕ್ರಿಯಿಸಿದರು. ಇದೀಗ ಈ ಟ್ವೀಟ್ ವೈರಲ್ ಆಗಿದೆ. ಶಾರುಖ್ ಖಾನ್ ಈ ಹಿಂದೆ ರಾಮ್ ಚರಣ್ ಶೂಟಿಂಗ್ ವೇಳೆ ಸದ್ದು ಮಾಡಿದ್ದರು.

ಈ ಹಿಂದೆ ನಟರಿಬ್ಬರೂ ಶೂಟಿಂಗ್ ಸೆಟ್​​ನಲ್ಲಿ ಭೇಟಿಯಾಗಿದ್ದಾಗ ಪರಸ್ಪರ ಮಾತನಾಡಿದ್ದರು. ಈ ಫೋಟೋಗಳು ವೈರಲ್ ಆಗಿದ್ದವು.