Elephant Death: ಗರ್ಭಿಣಿ ಕಾಡಾನೆ ಹತ್ಯೆ: ನ್ಯಾಯಕ್ಕಾಗಿ ಅಭಿಯಾನ ಆರಂಭಿಸಿದ ಬಿ-ಟೌನ್​ ತಾರೆಯರು..!

ಆಹಾರ ಅರಸುತ್ತಾ ಬಂದಿದ್ದ ಕಾಡಾನೆಗೆ ಸಿಡಿಮದ್ದಿಟ್ಟಿದ್ದ ಅನಾನಸ್​ ಕೊಡಲಾಗಿದ್ದು, ಅದು ಆನೆಯ ಬಾಯಲ್ಲೇ ಸ್ಫೋಟಗೊಂಡಿದೆ. ಅದರಿಂದಾದ ನೋವನ್ನು ಕಡಿಮೆ ಮಾಡಿಕೊಳ್ಳಲು 15 ವರ್ಷದ ಗರ್ಭಿಣಿ ಆನೆ ನದಿಗೆ ಇಳಿದಿದೆ. ಈ ವಿಷಯವನ್ನು ಅರಣ್ಯಾಧಿಕಾರಿಯೊಬ್ಬರು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡ ನಂತರವೇ ಈ ಘಟನೆ ಬೆಳಕಿಗೆ ಬಂದಿದೆ.

ಈ ಅಮಾನವೀಯ ಘಟನೆಯನ್ನು ಖಂಡಿಸಿ ಹಲವಾರು ಮಂದಿ ನ್ಯಾಯಕ್ಕಾಗಿ ಆಗ್ರಹಿಸುತ್ತಿದ್ದಾರೆ. ಪ್ರಾಣಿ ಪ್ರಿಯ ನಟ ಜಾನ್​ ಅಬ್ರಾಹಂ ಸಹ ನಮಗೆ ನಾಚಿಕೆಯಾಗಬೇಕು... ಮನುಷ್ಯರೆಂದು ಹೇಳಿಕೊಳ್ಳಲು ನಾಚಿಕೆಯಾಗಬೇಕು. ನಾವುಗಳು ವೈರಸ್​ಗಳು... ಎಂದು ಬಹಳ ನೋವಿನಿಂದ ಟ್ವೀಟ್​ ಮಾಡಿದ್ದಾರೆ. ಪ್ರಾಣಿಗಳ ವಿರುದ್ಧ ನಡೆಯುವ ಕ್ರೌರ್ಯಕ್ಕೆ ಅಂತ್ಯ ಹಾಡಬೇಕು ಎಂದು ಆಗ್ರಹಿಸಿದ್ದಾರೆ.

ಘಟನೆ ಬಗ್ಗೆ ಕೇಳಿ ಆತಂಕಗೊಂಡ ನಟಿ ಅನುಷ್ಕಾ ಆರೋಪಿಗಳನ್ನು ಹುಡುಕಿ ಶಿಕ್ಷೆ ನೀಡಿ ಎಂದು ಆಗ್ರಹಿಸಿದ್ದಾರೆ.

ಶ್ರದ್ಧಾ ಕಪೂರ್ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿರುವ ಚಿತ್ರದ ಜೊತೆ ಆರೋಪಿಗಳನ್ನು ಹುಡುಕುವಂತೆ ಸಾರ್ವಜನಿಕರಲ್ಲಿ ಮನವಿ ಮಾಡಿದ್ದಾರೆ. ಆನೆ ಮಾತ್ರವಲ್ಲ ಬೀದಿ ನಾಯಿಗಳಿಗೂ ಹೀಗೆ ತೊಂದರೆ ಕೊಡುವವರ ವಿರುದ್ಧವೂ ಕ್ರಮ ಜರುಗಿಸಬೇಕೆಂದಿದ್ದಾರೆ.

ಪ್ರಾಣಿ ಪ್ರಿಯೆಯಾಗಿರುವ ಆಲಿಯಾ ಭಟ್​ ಸಹ ಈ ಘಟನೆ ಬಗ್ಗೆ ಕೇಳಿ ಮರುಗಿದ್ದಾರೆ. ಇದು ಭಯಾನಕ ಘಟನೆ. ನಾವು ಮೂಕಪ್ರಾಣಿಗಳ ದನಿಯಾಗಬೇಕು ಹಾಗೂ ಸಹಬಾಳ್ವೆಯಿಂದ ಜೀವಿಸಬೇಕೆಂದಿದ್ದಾರೆ.

ಈ ಕೃತ್ಯವೆಸಗಿದ ಆರೋಪಿಗಳನ್ನು ಪತ್ತೆ ಹಚ್ಚಿ ಶಿಕ್ಷೆ ಕೊಡಿಸಬೇಕೆಂದಿದ್ದಾರೆ.

ವರುಣ್​ ಧವನ್​ ಮಾಡಿರುವ ಪೋಸ್ಟ್​ ಅನ್ನೇ ರೀಪೋಸ್ಟ್ ಮಾಡಿರುವ ನಟಿ ಜಾಕ್ವೆಲಿನ್​ ನ್ಯಾಯಕ್ಕಾಗಿ ಆಗ್ರಹಿಸಿದ್ದಾರೆ.

ನಟ ವರುಣ್​ ಧವನ್​ ಸಹ ಆರೋಪಿಗಳ ಬಂಧನಕ್ಕೆ ಆಗ್ರಹಿಸಿದ್ದಾರೆ.

ಈ ಘಟನೆ ಬಗ್ಗೆ ಕೇಳಿ ಆಘಾತವಾಯಿತು. ಮನುಷ್ಯ ಮಾಡಿದ ಕರ್ಮವನ್ನು ಅನುಭವಿಸಲೇ ಭೇಕು. ಈಗ ಆಗುತ್ತಿರುವುದನ್ನೆಲ್ಲ ನೋಡಿದರೆ ಮನುಷ್ಯತ್ವ ಎಲ್ಲಿದೆ ಎಂದೆನಿಸುತ್ತದೆ ಎಂದು ಬೇಸರ ವ್ಯಕ್ತಪಡಿಸಿದ್ದಾರೆ ಸೋನಾಲಿ ಬೇಂದ್ರೆ.

ಇದು ನಿಜಕ್ಕೂ ಅಮಾನವೀಯ ಕೃತ್ಯ. ಇದಕ್ಕೆ ಕಾರಣರಾದವರಿಗೆ ಶಿಕ್ಷೆಯಾಗಲೇ ಬೇಕು ಎಂದು ಆಗ್ರಹಿಸಿದ್ದಾರೆ ನಟ ನೀಲ್​ ನಿತಿನ್​ ಮುಖೇಶ್​.

ನೀವು ಮಾಡುತ್ತಿರುವ ಅನಾಹುತ ಎಂತಹದ್ದು ಎಂದು ನಿಮಗೆ ಅರ್ಥವಾಗುತ್ತಿಲ್ಲ. ನೀವು ಮಾಡಿದ್ದು, ನಿಮಗೆ ಆಗುವವರೆಗೂ ಅದು ಅರ್ಥವಾಗುವುದಿಲ್ಲ. ಅದಕ್ಕೆ ಕರ್ಮ ಅನ್ನೋದು ಸದಾ ಕಾಯುತ್ತಿರುತ್ತದೆ ಎಂದು ಈ  ಕೃತ್ಯವೆಸಗಿದವರಿಗೂ ಇದೇ ಗತಿ ಬರುತ್ತದೆ ಎಂದು ಪೋಸ್ಟ್​ ಮಾಡಿದ್ದಾರೆ ಸುನೀಲ್​ ಶೆಟ್ಟಿ.

ನಮ್ಮೊಂದಿಗೆ ಬದುಕುತ್ತಿರುವ ಜೀವಿಗಳನ್ನು ಗೌರವಿಸದೇ ಹೋದರೆ ಭೂಮಿಯನ್ನು ಹೇಗೆ ಕಾಪಾಡಿಕೊಳ್ಳಲು ಸಾಧ್ಯ. ನಾವು ಮಾಡುತ್ತಿರುವ ಕೆಲಸದ  ಫಲವನ್ನು ನಾವೇ ಅನುಭವಿಸುತ್ತೇವೆ ಎಂದು ಅರ್ಜುನ್​ ಕಪೂರ್ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ನಟ ಕಾರ್ತಿಕ್​ ಆರ್ಯನ್​ ಸಹ ಬೇಸರದಿಂದ ಈ ಪೋಸ್ಟ್ ಮಾಡಿದ್ದಾರೆ.