Bollywood Actresses: ತಮ್ಮನ ವಯಸ್ಸಿನವರನ್ನು ನೋಡಿ ಲವ್​ನಲ್ಲಿ ಬಿದ್ದು ಮದುವೆಯಾದ ನಟಿಯರು ಇವರು!

ವರ್ಷಗಳ ಹಿಂದೆಯೂ ಅನೇಕ ನಟಿಯರು ತಮಗಿಂತ ಚಿಕ್ಕ ವಯಸ್ಸಿನ ಹುಡುಗನನ್ನು ತಮ್ಮ ಸಂಗಾತಿಯನ್ನಾಗಿ ಮಾಡಿಕೊಂಡು ಎಲ್ಲರನ್ನೂ ಅಚ್ಚರಿಗೊಳಿಸಿದ್ದರು. ವಯಸ್ಸು ಕೇವಲ ಸಂಖ್ಯೆ ಎಂದು ಈ ನಟಿಯರು ಮತ್ತೆ ಮತ್ತೆ ಸಾಬೀತುಪಡಿಸಿದ್ದಾರೆ. ತಮಗಿಂತ ಕಿರಿಯರನ್ನು ಮದುವೆಯಾದ ನಟಿಯರ ಬಗ್ಗೆ ಇಲ್ಲಿದೆ ಡೀಟೆಲ್ಸ್.

ಪ್ರಿಯಾಂಕಾ ಚೋಪ್ರಾ ಸಾಮಾಜಿಕ ಜಾಲತಾಣಗಳಲ್ಲಿ ಒಂದಲ್ಲ ಒಂದು ಕಾರಣಕ್ಕೆ ಟ್ರೋಲ್ ಆಗುತ್ತಲೇ ಇರುತ್ತಾರೆ. ಪ್ರಿಯಾಂಕಾ ಚೋಪ್ರಾ 2018 ರಲ್ಲಿ ಗಾಯಕ ನಿಕ್ ಜೋನಸ್ ಅವರನ್ನು ವಿವಾಹವಾದರು. ಆ ಸಮಯದಲ್ಲೂ ಈ ನಟಿಯನ್ನು ತುಂಬಾ ಟ್ರೋಲ್ ಮಾಡಲಾಯಿತು. ನಿಕ್ ಜೋನಾಸ್ ಪ್ರಿಯಾಂಕಾ ಅವರಿಗಿಂತ 10 ವರ್ಷ ಚಿಕ್ಕವರು.

ಬಾಲಿವುಡ್‌ನ 'ರಂಗೀಲಾ ಹುಡುಗಿ' ಊರ್ಮಿಳಾ ಮಾತೋಂಡ್ಕರ್ ಅನೇಕ ಹಿಟ್ ಚಿತ್ರಗಳ ಭಾಗವಾಗಿದ್ದಾರೆ. ಒಂದು ಕಾಲದಲ್ಲಿ ಟಾಪ್ ನಟಿಯಾಗಿದ್ದ ಊರ್ಮಿಳಾ ಮಾತೋಂಡ್ಕರ್ ಅವರು ಕಾಶ್ಮೀರದ ಉದ್ಯಮಿ ಮೊಹ್ಸಿನ್ ಅಖ್ತರ್ ಮಿರ್ ಅವರನ್ನು 2016 ರಲ್ಲಿ ವಿವಾಹವಾದರು. 10 ವರ್ಷ ಕಿರಿಯ ಯುವಕನ ಅವರು ವಿವಾಹವಾದರು. ಇತ್ತೀಚಿನ ದಿನಗಳಲ್ಲಿ ಈ ನಟಿ ಚಿತ್ರರಂಗದಿಂದ ದೂರವಾಗಿ ರಾಜಕೀಯದಲ್ಲಿ ಸಕ್ರಿಯರಾಗಿದ್ದಾರೆ.

80 ರ ದಶಕದ ನಟಿ ಜರೀನಾ ವಹಾಬ್ ಅವರು ತನಗಿಂತ 6 ವರ್ಷ ಚಿಕ್ಕವರಾದ ಆದಿತ್ಯ ಪಾಂಚೋಲಿ ಅವರನ್ನು ವಿವಾಹವಾದರು. ಈ ಜೋಡಿಯು ಚಿತ್ರದ ಸೆಟ್‌ನಲ್ಲಿ ಭೇಟಿಯಾದರು. ಚಿತ್ರೀಕರಣದ ಕೆಲವೇ ದಿನಗಳಲ್ಲಿ ವಿವಾಹವಾದರು. ಅಂದು ಬಹುತೇಕರು ಈ ಜೋಡಿಯ ದಾಂಪತ್ಯ ಜೀವನಕ್ಕೆ ಕಾಲಿಡುವುದಿಲ್ಲ ಎಂದುಕೊಂಡಿದ್ದರು. ಆದರೆ ಇವರಿಬ್ಬರೂ ಮದುವೆಯಾಗಿ ಇಂದಿಗೂ ಖುಷಿಯಾಗಿದ್ದಾರೆ.

ಬಿಪಾಶಾ ಬಸು ಮತ್ತು ಕರಣ್ ಸಿಂಗ್ ಗ್ರೋವರ್ 'ಅಲೋನ್' ಚಿತ್ರದ ಸೆಟ್‌ನಲ್ಲಿ ಭೇಟಿಯಾದರು. ಈ ಚಿತ್ರದ ಶೂಟಿಂಗ್ ವೇಳೆಯೇ ಈ ಜೋಡಿಯ ಪ್ರೀತಿ ಅರಳಿತ್ತು. ಕರಣ್ ಸಿಂಗ್ ಗ್ರೋವರ್ ಬಿಪಾಶಾ ಬಸುಗಿಂತ 3 ವರ್ಷ ಚಿಕ್ಕವರು.

ಮಾಜಿ 'ವಿಶ್ವ ಸುಂದರಿ' ಐಶ್ವರ್ಯಾ ರೈ ಅವರ ಸೌಂದರ್ಯ ಇಂದಿಗೂ ಪ್ರಪಂಚದಾದ್ಯಂತ ಚರ್ಚೆಯಾಗಿದೆ. ಐಶ್ವರ್ಯಾ 2007 ರಲ್ಲಿ ಅಭಿಷೇಕ್ ಬಚ್ಚನ್ ಅವರನ್ನು ವಿವಾಹವಾದರು. ಈ ಜೋಡಿ 'ಗುರು' ಚಿತ್ರದ ಸೆಟ್‌ನಲ್ಲಿ ಭೇಟಿಯಾದರು. ಐಶ್ವರ್ಯಾ ನಟನಿಗಿಂತ 2 ವರ್ಷ ದೊಡ್ಡವರು

'ಡಿಂಪಲ್ ಗರ್ಲ್' ಖ್ಯಾತಿಯ ಪ್ರೀತಿ ಜಿಂಟಾ 'ಕಲ್ ಹೋ ನಾ ಹೋ', 'ಕಭಿ ಅಲ್ವಿದಾ ನಾ ಕೆಹನಾ', 'ಕೋಯಿ ಮಿಲ್ ಗಯಾ' ಮುಂತಾದ ಅನೇಕ ಐಕಾನಿಕ್ ಚಿತ್ರಗಳನ್ನು ನೀಡಿದ್ದಾರೆ. 2016 ರಲ್ಲಿ, ಪ್ರೀತಿ ಜಿಂಟಾ ಅಮೆರಿಕದ ಹಣಕಾಸು ವಿಶ್ಲೇಷಕ ಜೀನ್ ಗುಡ್‌ನಫ್ ಅವರನ್ನು ಮದುವೆಯಾದರು. ಜೀನ್ ವಯಸ್ಸಿನಲ್ಲಿ ಪ್ರೀತಿಗಿಂತ ಚಿಕ್ಕವರು.