Rekha: ರೇಖಾ ದಾಂಪತ್ಯ ಏಳೇ ತಿಂಗಳು! ಸುಂದರಿ ಪತ್ನಿ ಇದ್ರೂ ಜೀವನ ಕೊನೆಗೊಳಿಸಿದ್ಯಾಕೆ ಖ್ಯಾತ ಉದ್ಯಮಿ?

ಬಾಲಿವುಡ್​ನ ಎವರ್ ಗ್ರೀನ್ ನಟಿ ರೇಖಾ ಅವರ ಖಾಸಗಿ ಜೀವನ ಸದಾ ಸುದ್ದಿಯಲ್ಲಿರುತ್ತದೆ. ರೇಖಾ ತನ್ನ ವೃತ್ತಿಜೀವನದ ಉತ್ತುಂಗದಲ್ಲಿದ್ದಾಗ ಅವರ ಹೆಸರು ಅನೇಕ ಬಾಲಿವುಡ್ ಹೀರೋಗಳೊಂದಿಗೆ ಕೇಳಿ ಬಂದಿತ್ತು. ಆದರೆ ಅಮಿತಾಭ್ ಬಚ್ಚನ್ ಜೊತೆಗಿನ ಅವರ ಲವ್ ಸ್ಟೋರಿ ಹೆಚ್ಚು ಚರ್ಚೆಯಾಗಿತ್ತು.

ರೇಖಾ ಮತ್ತು ಅಮಿತಾಭ್ ಬಚ್ಚನ್ ಭೇಟಿಯಾಗುವ ಮೊದಲು ಅಮಿತಾಭ್ ಮತ್ತು ಜಯಾ ಭಾದುರಿ ವಿವಾಹವಾಗಿದ್ದರು. ರೇಖಾ ಜೊತೆಗಿನ ಅಫೇರ್ ನಿಂದಾಗಿ ಅಮಿತಾಬ್ ದಾಂಪತ್ಯ ಜೀವನ ಸಂಕಷ್ಟಕ್ಕೆ ಸಿಲುಕಿತ್ತು. ಹಾಗಾಗಿ ಈ ಸಂಬಂಧ ಮುಂದುವರಿಯಲು ಸಾಧ್ಯವಾಗಲಿಲ್ಲ.

ಅಮಿತಾಭ್ ಜೊತೆ ಬ್ರೇಕ್ ಅಪ್ ಆದ ನಂತರ ರೇಖಾ ಹಠಾತ್ತನೆ ಮುಖೇಶ್ ಅಗರ್ವಾಲ್ ಅವರನ್ನು ಮದುವೆಯಾಗುವ ಮೂಲಕ ಎಲ್ಲರಿಗೂ ಶಾಕ್ ನೀಡಿದರು.

ರೇಖಾ ದೆಹಲಿಯ ಖ್ಯಾತ ಕೈಗಾರಿಕೋದ್ಯಮಿ ಮುಖೇಶ್ ಅಗರ್ವಾಲ್ ಅವರನ್ನು 1990 ರಲ್ಲಿ ವಿವಾಹವಾದರು. ಆಗ ಈ ಮದುವೆಯ ಬಗ್ಗೆ ಸಾಕಷ್ಟು ಚರ್ಚೆ ನಡೆದಿತ್ತು. ಯಾಕೆಂದರೆ ರೇಖಾಳ ಜೀವನದಲ್ಲಿ ಇದ್ದಕ್ಕಿದ್ದಂತೆ ಮುಖೇಶ್ ಬಂದು ದಾಂಪತ್ಯ ಜೀವನಕ್ಕೆ ಕಾಲಿಟ್ಟರು.

ಸಿಮಿ ಅಗರ್ವಾಲ್ ಅವರು ತಮ್ಮ ಶೋನಲ್ಲಿ ಮುಖೇಶ್ ಅಗರ್ವಾಲ್ ಅವರ ಮದುವೆ ಮತ್ತು ಮೊದಲ ಭೇಟಿಯ ಬಗ್ಗೆ ರೇಖಾ ಅವರನ್ನು ಕೇಳಿದಾಗ, ರೇಖಾ ಆಸಕ್ತಿದಾಯಕ ಉತ್ತರವನ್ನು ನೀಡಿದರು.

ಈ ಬಗ್ಗೆ ಮಾತನಾಡಿರುವ ರೇಖಾ, 'ನಾನು ನನ್ನ ವೃತ್ತಿಜೀವನದಲ್ಲಿ ಆ ಹಂತದಲ್ಲಿಯೇ ಇದ್ದೆ. ನಾನು ಮದುವೆಯಾಗಬೇಕು ಎಂದು ಭಾವಿಸಿದ್ದೆ. ನಾವು ಎಲ್ಲಿ ಭೇಟಿಯಾದೆವು, ಯಾವಾಗ ಭೇಟಿಯಾದೆವು, ಹೇಗೆ ಭೇಟಿಯಾದೆವು ಎಂಬುದು ಮುಖ್ಯವಲ್ಲ. ನಾವು ಭೇಟಿಯಾಗಿದ್ದೆವು. ನಾವು ಮದುವೆಯಾಗಿದ್ದೆವು ಎಂಬುದು ಮುಖ್ಯವಾಗಿತ್ತು. ಈ ಮದುವೆಯಿಂದ ನಾನು ಏನು ಕಲಿತೆ ಅಥವಾ ಕಳೆದುಕೊಂಡಿದ್ದೆ ಎಂದು ತಿಳಿಯುವುದು ಮುಖ್ಯ ಎಂದಿದ್ದರು.

ಆಘಾತಕಾರಿ ವಿಷಯವೆಂದರೆ ಮುಖೇಶ್ ನೇಣು ಬಿಗಿದುಕೊಂಡು ತನ್ನ ಜೀವನವನ್ನು ಅಂತ್ಯಗೊಳಿಸಿದ್ದಾರೆ. ವ್ಯಾಪಾರದಲ್ಲಿ ನಷ್ಟ ಮತ್ತು ಅವರ ವೈವಾಹಿಕ ಜೀವನದಲ್ಲಿ ನಡೆಯುತ್ತಿರುವ ಸಮಸ್ಯೆಗಳಿಂದ ಆ ಸಮಯದಲ್ಲಿ ಅವರು ಒತ್ತಡದಲ್ಲಿದ್ದರು ಎಂದು ಹೇಳಲಾಗುತ್ತದೆ.