Karishma Kapoor: 4 ನಟರ ಜೊತೆ ಲಿಂಕ್! ಈಗ ಯಾರ ಜೊತೆ ಡೇಟಿಂಗ್ ಮಾಡ್ತಿದ್ದಾರೆ ಕರಿಷ್ಮಾ?

90 ರ ದಶಕದಲ್ಲಿ ಕರಿಷ್ಮಾ ಕಪೂರ್ ನಟನಾ ಜಗತ್ತಿನಲ್ಲಿ ಅಗ್ರಸ್ಥಾನದಲ್ಲಿದ್ದರು. ಗೋವಿಂದ, ಶಾರುಖ್ ಖಾನ್ ರಂತಹ ಸ್ಟಾರ್ ಗಳ ಜೊತೆ ಸಿನಿಮಾ ಮಾಡಿದ್ದಾರೆ. ಅವರು 'ರಾಜಾ ಬಾಬು', 'ಕೂಲಿ ನಂಬರ್ ಒನ್', 'ಸಾಜನ್ ಚಲೇ ಸಸುರಾಲ್' ಮತ್ತು 'ಜೀತ್' ನಂತಹ ಚಿತ್ರಗಳೊಂದಿಗೆ ಸ್ಟಾರ್‌ಡಮ್ ಗಳಿಸಿದರು. ಅಮೀರ್ ಖಾನ್ ಜೊತೆಗಿನ 'ರಾಜಾ ಹಿಂದೂಸ್ತಾನಿ' ಮತ್ತು ಶಾರುಖ್ ಖಾನ್ ಜೊತೆಗಿನ 'ದಿಲ್ ತೋ ಪಾಗಲ್ ಹೈ' ಆಕೆಯನ್ನು ಟಾಪ್ ಸ್ಟಾರ್‌ಗಳ ಪಟ್ಟಿಯಲ್ಲಿ ಸೇರಿದ್ದಾರೆ. ಆದರೆ ಟಾಪ್ ನಟರೊಂದಿಗಿನ ಅವರ ರಿಲೇಷನ್​ಶಿಪ್ ಬಗ್ಗೆ ನಿಮಗೆ ತಿಳಿದಿದೆಯೇ?

ಅಜಯ್ ದೇವಗನ್ ಮತ್ತು ಕರಿಷ್ಮಾ ಕಪೂರ್ ಸಂಬಂಧದ ಬಗ್ಗೆ ಮೊದಲು ಚರ್ಚಿಸಲಾಯಿತು. ‘ಜಿಗರ್’ ಚಿತ್ರದಲ್ಲಿ ಇಬ್ಬರೂ ಒಟ್ಟಿಗೆ ಕೆಲಸ ಮಾಡಿದ್ದರು. ‘ಜಿಗರ್’ ಚಿತ್ರೀಕರಣದ ವೇಳೆ ಇವರಿಬ್ಬರ ಆತ್ಮೀಯತೆ ಬೆಳೆದಿತ್ತು ಎನ್ನಲಾಗಿದೆ.

ಕರಿಷ್ಮಾ ಕಪೂರ್ ಗೋವಿಂದ ಸಿನಿಮಾ ಮಾಡುವ ಮೂಲಕ ಸ್ಟಾರ್ ಪಟ್ಟಕ್ಕೆ ಏರಿದರು. ಈ ಜೋಡಿಯು ತೆರೆಯ ಮೇಲೆ ಹಿಟ್ ಆಯಿತು, ನಂತರ ಅವರ ಆಫ್-ಸ್ಕ್ರೀನ್ ಪ್ರಣಯದ ವರದಿಗಳು ಹೆಚ್ಚಾದವು. ಆದರೆ ಅವರ ಸಂಬಂಧವು ಸ್ವಲ್ಪ ಸಮಯದವರೆಗೆ ಇತ್ತು ಎಂದು ಹೇಳಲಾಗುತ್ತದೆ.

ಕರಿಷ್ಮಾ ಕಪೂರ್ ಮತ್ತು ಸಲ್ಮಾನ್ ಖಾನ್ ಸಂಬಂಧದ ಬಗ್ಗೆಯೂ ಚರ್ಚೆಯಾಗಿದೆ. ಮಾಧ್ಯಮ ವರದಿಗಳ ಪ್ರಕಾರ, ಇಬ್ಬರೂ ಒಮ್ಮೆ ಸಂಬಂಧದಲ್ಲಿದ್ದರು. ಆದರೆ ಅವರ ಸಂಬಂಧವನ್ನು ದೃಢಪಡಿಸಲಿಲ್ಲ. ಇದಕ್ಕೆ ಸರಿಯಾಗಿ ಸಾಕ್ಷಿಯೂ ಇರಲಿಲ್ಲ.

ಕರಿಷ್ಮಾ ಕಪೂರ್ ಸುಮಾರು 5 ವರ್ಷಗಳ ಕಾಲ ಅಭಿಷೇಕ್ ಬಚ್ಚನ್ ಜೊತೆ ಸಂಬಂಧದಲ್ಲಿದ್ದರು. ಇಬ್ಬರೂ ತಮ್ಮ ಜೀವನವನ್ನು ಒಟ್ಟಿಗೆ ಕಳೆಯಲು ಬಯಸಿದ್ದರು. ದುರದೃಷ್ಟವಶಾತ್, ಇಬ್ಬರೂ ಮದುವೆಯಾಗಲು ಸಾಧ್ಯವಾಗಲಿಲ್ಲ.

ಅನೇಕ ಪ್ರೇಮ ಪ್ರಕರಣಗಳ ನಂತರ, ಕರಿಷ್ಮಾ ಕಪೂರ್ ಜೀವನದಲ್ಲಿ ವಿರಾಮವನ್ನು ಬಯಸಿದ್ದರು. 2003 ರಲ್ಲಿ, ಅವರು ಉದ್ಯಮಿ ಸಂಜಯ್ ಕಪೂರ್ ಅವರನ್ನು ವಿವಾಹವಾದರು. ಆದರೆ ಅವರ ಸಂಬಂಧವು ಹೆಚ್ಚು ಕಾಲ ಉಳಿಯಲಿಲ್ಲ. ಅವರು 2016 ರಲ್ಲಿ ವಿಚ್ಛೇದನ ಪಡೆದರು. ದಂಪತಿಗೆ ಇಬ್ಬರು ಮಕ್ಕಳಿದ್ದಾರೆ. ಹುಡುಗಿಯ ಹೆಸರು ಸಮೈರಾ ಕಪೂರ್, ಹುಡುಗನ ಹೆಸರು ಕಿಯಾನ್ ಕಪೂರ್.

ಕರಿಷ್ಮಾ ಕಪೂರ್ ಹೆಸರನ್ನು ಸಂದೀಪ್ ತೋಷ್ನಿವಾಲ್ ಜೊತೆ ಲಿಂಕ್ ಮಾಡಲಾಗಿದೆ. ಈ ಇಬ್ಬರ ಸಂಬಂಧದ ಚರ್ಚೆ 2018 ರ ಸುಮಾರಿಗೆ ಪ್ರಾರಂಭವಾಯಿತು. ಸಂದೀಪ್ ಅವರೊಂದಿಗಿನ ಸಂಬಂಧದ ಬಗ್ಗೆ ಯಾವುದೇ ಖಚಿತವಾದ ಮಾಹಿತಿ ಹೊರಬಂದಿಲ್ಲವಾದರೂ, ಅವರು ಒಟ್ಟಿಗೆ ಕಾಣಿಸಿಕೊಂಡಿದ್ದಾರೆ. 47ರ ಹರೆಯದ ಕರಿಷ್ಮಾ ಕಪೂರ್ ಪ್ರಸ್ತುತ ತನ್ನ ವೆಬ್ ಸೀರೀಸ್ 'ಬ್ರೌನ್' ಮತ್ತು 'ಮರ್ಡರ್ ಮುಬಾರಕ್'ಗಾಗಿ ಸುದ್ದಿಯಲ್ಲಿದ್ದಾರೆ.