Kantara-Kangana Ranaut: ಕಾಂತಾರ ಸಿನಿಮಾ ನೋಡೋಕೆ ಕುತೂಹಲ ತಡೆಯೋಕಾಗ್ತಿಲ್ಲ ಎಂದ ಕಂಗನಾ

ಕನ್ನಡದ ಆಕ್ಷನ್ ಡ್ರಾಮಾ ಕಾಂತಾರ ತನ್ನ ಕುತೂಹಲಕಾರಿ ನಿರೂಪಣೆಯಿಂದ ದೇಶ ಮಾತ್ರವಲ್ಲ ವಿದೇಶದಲ್ಲಿಯೂ ಹವಾ ಸೃಷ್ಟಿಸಿದೆ.

ರಿಷಬ್ ಶೆಟ್ಟಿ ಸಿನಿಮಾ ಸಿಕ್ಕಾಪಟ್ಟೆ ವೈರಲ್ ಆಗಿದ್ದು ತನ್ನ ವಿಭಿನ್ನ ಸ್ಟೋರಿ ಸ್ಟೈಲ್​​ನಿಂದಾಗಿ ಪ್ರೇಕ್ಷಕರನ್ನು ಸೆಳೆಯುತ್ತಿದೆ. ಬಾಕ್ಸ್ ಆಫೀಸ್​ನಲ್ಲಿಯೂ ಹಿಟ್ ಆಗಿದೆ.

ಚಿತ್ರವು ಪ್ರೇಕ್ಷಕರು ಮತ್ತು ವಿಮರ್ಶಕರಿಂದ ಅಪಾರವಾಗಿ ಮೆಚ್ಚುಗೆ ಗಳಿಸುತ್ತಿದ್ದು ಸೆಲೆಬ್ರಿಟಿಗಳೂ ಸಿನಿಮಾವನ್ನು ನೋಡಿ ಟ್ವೀಟ್ ಮಾಡುತ್ತಿದ್ದಾರೆ.

ಅನಿಲ್ ಕುಂಬ್ಳೆ, ಪ್ರಶಾಂತ್ ನೀಲ್, ಪೃಥ್ವಿರಾಜ್ ಸುಕುಮಾರನ್, ಧನುಷ್, ರಾಣಾ ದಗ್ಗುಬಾಟಿ ಮುಂತಾದವರು ಚಿತ್ರವನ್ನು ಹೊಗಳಿದ ನಂತರ, ನಟಿ ಕಂಗನಾ ರಣಾವತ್ ಕೂಡಾ ಈ ಬಗ್ಗೆ ಪ್ರತಿಕ್ರಿಯಿಸಿದ್ದಾರೆ.

ಕಾಂತಾರ ಬಗ್ಗೆ ಅಸಾಧಾರಣವಾದ ವಿಷಯಗಳನ್ನು ಕೇಳುತ್ತಿದ್ದೇನೆ ಎಂದಿದ್ದಾರೆ ಕಂಗನಾ. ಕಾಂತಾರ ಬಗ್ಗೆ ಅಸಾಧಾರಣವಾದ ವಿಷಯಗಳನ್ನು ಕೇಳುತ್ತಿದ್ದು ಸಿನಿಮಾ ನೋಡಲು ಕುತೂಹಲ ಹೆಚ್ಚಾಗಿದೆ. ಇನ್ನೂ ಕಾಯಲು ಸಾಧ್ಯವಿಲ್ಲ ಎಂದಿದ್ದಾರೆ.

ರಿಷಬ್​ ಶೆಟ್ಟಿ ಸಿನಿಮಾ ಈಗಾಗಲೇ 100 ಕೋಟಿ ಗಡಿ ಸಮೀಪಿಸಿದ್ದು ಈಗ ಬೇರೆ ಭಾಷೆಗಳಲ್ಲಿ ರಿಲೀಸ್ ಆಗಿದ್ದು ಕಲೆಕ್ಷನ್ ಮತ್ತಷ್ಟು ಹೆಚ್ಚಾಗುವ ಎಲ್ಲಾ ಸಾಧ್ಯತೆಗಳಿವೆ.