Kangana Ranaut Birthday: ನಟಿ ಕಂಗನಾ ರಣಾವತ್ ಹುಟ್ಟುಹಬ್ಬ, ಬಾಲಿವುಡ್ ಕ್ವೀನ್ ಮುಂದಿನ ಚಿತ್ರಗಳು ಇವು!

ಬಾಲಿವುಡ್ ನಟಿ ಕಂಗನಾ ರಣಾವತ್ 36 ನೇ ಹುಟ್ಟುಹಬ್ಬದ ಸಂಭ್ರಮದಲ್ಲಿದ್ದಾರೆ. ಬಹುಮುಖ ಮತ್ತು ಪ್ರತಿಭಾವಂತ ನಟಿಯರಲ್ಲಿ ಒಬ್ಬರಾದ ಕಂಗನಾ 2006 ರಲ್ಲಿ ಗ್ಯಾಂಗ್‍ಸ್ಟರ್‍ನೊಂದಿಗೆ ಸಿನಿರಂಗಕ್ಕೆ ಪಾದಾರ್ಪಣೆ ಮಾಡಿದರು.

ಬಹು ಬೇಡಿಕೆಯ ನಟಿ ಕಂಗನಾ ರಣಾವತ್. ಹಲವು ಹಿಟ್ ಸಿನಿಮಾಗಳನ್ನು ನೀಡಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ನಟಿ ಸದಾ ಸಕ್ರಿಯರಾಗಿರುತ್ತಾರೆ. ಅವರ ಸ್ಟೈಲಿಶ್ ಲುಕ್ ಎಲ್ಲರಿಗೂ ಇಷ್ಟ ಆಗುತ್ತೆ.

ಕಂಗನಾ ಅವರು, ಥ್ರಿಲ್ಲರ್ ಧಾಕಡ್ ಸಿನಿಮಾದಲ್ಲಿ ಕೊನೆಯದಾಗಿ ಕಾಣಿಸಿಕೊಂಡಿದ್ದರು. ಅವರು ಏಜೆಂಟ್ ಅಗ್ನಿ ಪಾತ್ರವನ್ನು ನಿರ್ವಹಿಸಿದ್ದರು. ಚಿತ್ರದಲ್ಲಿ ಅರ್ಜುನ್ ರಾಂಪಾಲ್ ಕೂಡ ಕಾಣಿಸಿಕೊಂಡಿದ್ದರು. ಅವರ ಮುಂಬರುವ ಕೆಲವು ಸಿನಿಮಾಗಳು ಇಲ್ಲಿವೆ ನೋಡಿ.

ಎಮರ್ಜೆನ್ಸಿ- ಇದು ಕಂಗನಾ ಅವರ ಮುಂದಿನ ಚಿತ್ರ. ಇದರಲ್ಲಿ ಕಂಗನಾ ಅವರು ಮಾಜಿ ಪ್ರಧಾನಿ ಇಂದಿರಾ ಗಾಂಧಿ ಪಾತ್ರವನ್ನು ದೊಡ್ಡ ಪರದೆಯ ಮೇಲೆ ತೋರಿಸಲಿದ್ದಾರೆ. ಚಿತ್ರದ ತಾರಾಗಣದಲ್ಲಿ ಅನುಪಮ್ ಖೇರ್, ಶ್ರೇಯಸ್ ತಲ್ಪಾಡೆ, ಮಹಿಮಾ ಚೌಧರಿ ಮತ್ತು ಸತೀಶ್ ಕೌಶಿಕ್ ಇತರರು ಇದ್ದಾರೆ.

ಸೀತಾ- ಕಂಗನಾ ರಣಾವತ್ "ದಿ ಅವತಾರ ಸೀತಾ" ಚಿತ್ರದಲ್ಲಿ ಸೀತಾ ಮಾತೆಯ ಪಾತ್ರವನ್ನು ನಿರ್ವಹಿಸಲಿದ್ದಾರೆ. ಅಲೌಕಿಕ್ ದೇಸಾಯಿ ನಿರ್ದೇಶನದ ಈ ಚಿತ್ರವು ಹಿಂದಿ, ತೆಲುಗು, ಮಲಯಾಳಂ, ತಮಿಳು ಮತ್ತು ಕನ್ನಡದಲ್ಲಿ ರಿಲೀಸ್ ಆಗಲಿದೆ.

ಚಂದ್ರಮುಖಿ 2- 2015 ರ ಹಿಟ್ ಚಂದ್ರಮುಖಿಯ ಸೀಕ್ವೆಲ್‍ನಲ್ಲಿ ಕಂಗನಾ ರನೌತ್ ಸೌತ್ ಸ್ಟಾರ್ ರಾಘವ ಲಾರೆನ್ಸ್ ಅವರೊಂದಿಗೆ ಪರದೆಯನ್ನು ಹಂಚಿಕೊಳ್ಳಲಿದ್ದಾರೆ.

ನೋಟಿ ಬಿನೋದಿನಿ- ನಟಿ-ರಾಜಕಾರಣಿ ಜಯಲಲಿತಾ ಅವರ ಜೀವನಾಧಾರಿತ ಜೀವನಚರಿತ್ರೆಯ ನಾಟಕ ಚಿತ್ರವಾದ ತಲೈವಿ ನಂತರ, ಕಂಗನಾ ಮತ್ತೊಂದು ಬಯೋಪಿಕ್ ನಾಟಕದಲ್ಲಿ ನಟಿಸಲು ಸಿದ್ಧರಾಗಿದ್ದಾರೆ. ಮುಂಬರುವ ಪ್ರಾಜೆಕ್ಟ್ ಬಂಗಾಳಿ ನಟಿ ಮತ್ತು ಥೆಸ್ಪಿಯನ್, ನೋಟಿ ಬಿನೋದಿನಿ ಅವರ ಜೀವನವನ್ನು ಆಧರಿಸಿದೆ. ಬಾಲಿವುಡ್ ನ ಹಿರಿಯ ಬರಹಗಾರ ಮತ್ತು ನಿರ್ದೇಶಕ ಪ್ರದೀಪ್ ಸರ್ಕಾರ್ ಈ ಚಿತ್ರವನ್ನು ನಿರ್ದೇಶಿಸಲಿದ್ದಾರೆ.

ತೇಜಸ್- ಈ ಮಿಲಿಟರಿ ಸಿನಿಮಾದಲ್ಲಿ ಕಂಗನಾ ಭಾರತೀಯ ವಾಯುಪಡೆಯ ಅಧಿಕಾರಿಯಾಗಿ ನಟಿಸುತ್ತಿದ್ದಾರೆ. ತೇಜಸ್ ಚಿತ್ರದ ಶೂಟಿಂಗ್ ಕಂಪ್ಲೀಟ್ ಆಗಿದ್ದರೂ ನಿರ್ಮಾಪಕರು ಇನ್ನೂ ಬಿಡುಗಡೆಯ ದಿನಾಂಕವನ್ನು ಘೋಷಿಸಿಲ್ಲ.