Janhvi Kapoor: ಜಾನ್ವಿ ಕಪೂರ್​ಗೆ ಈ ಸ್ಟಾರ್ ಹೀರೋಗಳೊಂದಿಗೆ ನಟಿಸೋ ಆಸೆಯಂತೆ, ಆದ್ರೆ ಇದು ಕಷ್ಟ ಅಂತಿದ್ದಾರೆ ಬಾಲಿವುಡ್​ ಬ್ಯೂಟಿ

ಜಾನ್ವಿ ಕಪೂರ್ ಸಾಮಾಜಿಕ ಜಾಲತಾಣದಲ್ಲಿ ಸಂಪೂರ್ಣ ಸಕ್ರಿಯರಾಗಿದ್ದಾರೆ. ತನ್ನ ಸೌಂದರ್ಯವನ್ನು ತೋರಿಸುತ್ತಾ ಹುಡುಗರ ನಿದ್ದೆ ಹಾಳು ಮಾಡುತ್ತಿದ್ದಾರೆ. ಧಡಕ್ ಚಿತ್ರದ ಮೂಲಕ ಜಾನ್ವಿ ಬಾಲಿವುಡ್‌ಗೆ ಎಂಟ್ರಿ ಕೊಟ್ಟಿದ್ದು ಗೊತ್ತೇ ಇದೆ. ಅದರ ನಂತರ, ಸತತ ಆಫರ್‌ಗಳು ಬರುತ್ತಲೇ ಇವೆ.

ಪ್ರಸ್ತುತ ಜಾನ್ವಿ ಕಪೂರ್ ದೋಸ್ತಾನಾ 2, ಗುಡ್ ಲಕ್ ಜೆರ್ರಿ, ಹೆಲೆನ್, ಮಿಸ್ಟರ್ ಅಂಡ್ ಮಿಸಸ್ ಮಹಿ ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಒಂದೆಡೆ ಬಾಲಿವುಡ್‌ನಲ್ಲಿ ಸದ್ದು ಮಾಡುತ್ತಿರುವ ಈ ನಟಿ ಮತ್ತೊಂದೆಡೆ ದಕ್ಷಿಣದತ್ತಲೂ ಗಮನ ಹರಿಸುತ್ತಿದ್ದಾರೆ. ಜಾನ್ವಿ ಜೂನಿಯರ್ ಚಿತ್ರದ ಮೂಲಕ ಟಾಲಿವುಡ್ ಗೆ ಎಂಟ್ರಿ ಕೊಡುತ್ತಿದ್ದಾರೆ ಎಂಬ ಮಾತು ಕೇಳಿ ಬರುತ್ತಿದೆ.

ಇತ್ತೀಚೆಗೆ, ರಾಷ್ಟ್ರೀಯ ಮಾಧ್ಯಮಕ್ಕೆ ನೀಡಿದ ಸಂದರ್ಶನದಲ್ಲಿ, ಜಾನ್ವಿ ಕಪೂರ್ ಇಬ್ಬರು ಬಾಲಿವುಡ್ ಹೀರೋಗಳ ಬಗ್ಗೆ ಪ್ರಮುಖ ಕಾಮೆಂಟ್​ಗಳನ್ನು ಮಾಡಿದ್ದಾರೆ.

ಜಾನ್ವಿ ಕಪೂರ್ ಅಭಿನಯದ ಗುಡ್ ಲಕ್ ಜೆರ್ರಿ ಜುಲೈ 29 ರಂದು OTT ಪ್ಲಾಟ್‌ಫಾರ್ಮ್‌ನಲ್ಲಿ ಬಿಡುಗಡೆಯಾಗಿದೆ. ಇದು 2018 ರ ತಮಿಳಿನ ಕೋಲಮಾವು ಕೋಕಿಲಕ್ ಚಿತ್ರದ ರೀಮೇಕ್ ಆಗಿದೆ.

ಆದರೆ ಇದೀಗ ಗುಡ್ ಲಕ್ ಜಾರಿ ಪ್ರಚಾರದಲ್ಲಿ ಬ್ಯುಸಿಯಾಗಿರುವ ಜಾಹ್ನವಿ ಯಾರೊಂದಿಗೆ ತೆರೆ ಹಂಚಿಕೊಳ್ಳಲು ಇಚ್ಛಿಸುತ್ತೇನೆ ಎಂಬ ಕುತೂಹಲಕಾರಿ ಕಾಮೆಂಟ್‌ಗಳನ್ನು ಮಾಡಿದ್ದಾರೆ. ಬಾಲಿವುಡ್ ಸ್ಟಾರ್ ಹೀರೋಗಳಾದ ಸಲ್ಮಾನ್ ಖಾನ್ ಮತ್ತು ಶಾರುಖ್ ಖಾನ್ ಜೊತೆ ನಟಿಸುವ ಕುರಿತು ಮಾತನಾಡಿದ್ದಾರೆ.

ಶಾರುಖ್ ಖಾನ್ ಮತ್ತು ಸಲ್ಮಾನ್ ಖಾನ್ ಜೊತೆ ಸಿನಿಮಾ ಮಾಡುತ್ತೀರಾ ಎಂದು ಮಾಧ್ಯಮದವರು ಕೇಳಿದ ಪ್ರಶ್ನೆಗೆ ಜಾನ್ವಿ ಉತ್ತರಿಸಿದ್ದು, ‘ಇಬ್ಬರೂ ದೊಡ್ಡ ಸ್ಟಾರ್ ಗಳು. ಎಲ್ಲರೂ ಅವರ ಜೊತೆ ನಟಿಸಲು ಬಯಸುತ್ತಾರೆ. ನಾನೂ ಸಹ ಅವರೊಂದಿಗೆ ಕೆಲಸ ಮಾಡಲು ಇಷ್ಟಪಡುತ್ತೇನೆ. ಆದರೆ ಅದು ಕಷ್ಟ‘ ಎಂದು ಹೇಳಿದ್ದಾರೆ.

ಕರಣ್ ಅವರ ಕಾರ್ಯಕ್ರಮದಲ್ಲಿ, ಬಾಲಿವುಡ್ ನಟ ರಾಹುಲ್ ಖನ್ನಾ ತನಗೆ ಹಾಟ್ ಆಗಿ ಕಾಣುತ್ತಾರೆ ಎಂದು ಜಾನ್ವಿ ಹೇಳಿದ್ದಾರೆ. ರಾಹುಲ್ ಖನ್ನಾ ಯಾವಾಗಲೂ ಶರ್ಟ್ ರಹಿತ ಫೋಟೋಗಳನ್ನು ಪೋಸ್ಟ್ ಮಾಡುತ್ತಾರೆ ಎಂದು ಕರಣ್ ಹೇಳಿದ್ದು, ಜಾನ್ವಿ ರಣಬೀರ್ ಕಪೂರ್ ಅವರನ್ನು ಬಾಲಿವುಡ್‌ನ ಹಾಟೆಸ್ಟ್ ಮ್ಯಾನ್ ಎಂದಿದ್ದಾರೆ.

ನಟಿ ಶ್ರೀದೇವಿ ಹಾಗೂ ನಿರ್ಮಾಪಕ ಬೋನಿ ಕಪೂರ್‌ ಅವರ ಮಗಳು ಜಾಹ್ನವಿ ಕಪೂರ್​ ಸದ್ಯ ಬಾಲಿವುಡ್‌ನಲ್ಲಿ ಮಿಂಚುತ್ತಿರುವ ಸುಂದರಿ. ಇದುವರೆಗೆ ಕೇವಲ ಕೆಲ ಸಿನಿಮಾಗಳಲ್ಲಿ ಕಾಣಿಸಿಕೊಂಡಿದ್ದರೂ ಸಹ ಅಭಿಮಾನಿಗಳನ್ನು ಮಾತ್ರ ಹೆಚ್ಚು ಸಂಪಾದಿಸಿದ್ದಾರೆ.