ಮತ್ತೆ ಸ್ಯಾಂಡಲ್​ವುಡ್​ಗೆ ಮರಳಲಿದ್ದಾರೆ ಬಾಲಿವುಡ್​ನ ಈ ಸ್ಟಾರ್​ ನಟ..!

ಬಾಲಿವುಡ್​ನ ಸ್ಟಾರ್ ನಟ ಸುನೀಲ್​ ಶೆಟ್ಟಿ ಮೂಲತಃ ಕರಾವಳಿಯವರು. ಆದರೆ ಹೆಸರು ಮಾಡಿದ್ದು ಮಾತ್ರ ಬಿ-ಟೌನ್​ನಲ್ಲಿ.

ತಮ್ಮದೇ ಆದ ಉದ್ಯಮವನ್ನು ನಡೆಸುತ್ತಲೇ ಸಿನಿಮಾಗಳಲ್ಲಿ ಅಭಿನಯಿಸುತ್ತಿರುವ ಸುನೀಲ್​ ಸಾಕಷ್ಟು ಹಿಟ್​ ಚಿತ್ರಗಳನ್ನು ನೀಡಿದ್ದಾರೆ.

ಕಿಚ್ಚ ಸುದೀಪ್​ ಅಭಿನಯದ ಪೈಲ್ವಾನ್​ ಚಿತ್ರದಲ್ಲಿ ಸರ್ಕಾರ್​ ಪಾತ್ರದಲ್ಲಿ ನಟಿಸುವ ಮೂಲಕ ಕನ್ನಡಕ್ಕೆ ಕಾಲಿಟ್ಟ ನಟ ಸುನೀಲ್​ ಶೆಟ್ಟಿ.

ಪೈಲ್ವಾನ್​ ಸಿನಿಮಾದ ನಂತರ ಈಗ ಮತ್ತೆ ಸುನೀಲ್​ ಶೆರಟ್ಟಿ ಸ್ಯಾಂಡಲ್​ವುಡ್​ಗೆ ಕಾಲಿಡಲು ಸಿದ್ಧರಾಗಿದ್ದಾರೆ.

ಕನ್ನಡದಲ್ಲಿ ಖಡಕ್​ ಪೊಲೀಸ್​ ಅಧಿಕಾರಿಯ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರಂತೆ.

ಎಎಂಆರ್​ ರಮೇಶ್​ ಅವರ ನಿರ್ದೇಶನದ ವೀರಪ್ಪನ್ ಜೀವನಾಧಾರಿತ​ ವೆಬ್​ ಸಿರೀಸ್​ನಲ್ಲಿ ಸುನೀಲ್​ ಶೆಟ್ಟಿ ಖಡಕ್​ ಪೊಲೀಸ್​ ಅಧಿಕಾರಿಯ ಪಾತ್ರದಲ್ಲಿ ನಟಿಸಲಿದ್ದಾರೆ ಎನ್ನಲಾಗುತ್ತಿದೆ.

ಸುನೀಲ್​ ಶೆಟ್ಟಿ ಅವರೇ ಈ ಪಾತ್ರದಲ್ಲಿ ನಟಿಸುವಂತೆ ಮಾಡಲು ನಿರ್ದೇಶಕ ಪ್ಲಾನ್​ ಮಾಡಿದ್ದಾರಂತೆ.

10 ಗಂಟೆಯಲ್ಲಿ 12 ಸಂಚಿಕೆಗಳಲ್ಲಿ ಕಾಡುಗಳ್ಳನ ಸಂಪೂರ್ಣ ಕಥೆ ಹೇಳಲಾಗುವುದಂತೆ. ಇನ್ನು ಇದರ ಚಿತ್ರೀಕರಣವನ್ನು ಆದಷ್ಟು ಬೇಗ ಅಂದರೆ, ಸೆಪ್ಟೆಂಬರ್​ನಲ್ಲೇ ಮುಗಿಸಲು ಪ್ರಯತ್ನಿಸಿ, ಡಿಸೆಂಬರ್​ ಹೊತ್ತಿಗೆ ಇದನ್ನು ರಿಲೀಸ್​ ಮಾಡಲು ಯೋಜಿಸಲಾಗಿದೆಯಂತೆ. ​ಕಿಶೋರ್​ ಜತೆ ಬಾಲಿವುಡ್​ನ ಕೆಲವು ಕಲಾವಿದರೂ ಇರಲಿದ್ದಾರೆ ಎಂದು ಈ ಹಿಂದೆ ನಿರ್ದೇಶಕ ರಮೇಶ್​ ಹೇಳಿದ್ದರು.

ಅಲ್ಲದೆ ಸುನೀಲ್ ಶೆಟ್ಟಿ ಜಿಮ್​ನಲ್ಲಿ ವರ್ಕೌಟ್ ಮಾಡುತ್ತಿರುವುದನ್ನು ನೋಡಿದರೆ ಅವರೂ ಈ ಪಾತ್ರಕ್ಕಾಗಿಯೇ ಸಿದ್ಧರಾಗುತ್ತಿದ್ದಾರೆ ಎಂದೆನಿಸುತ್ತಿದೆ.

ಲಾಕ್​ಡೌನ್​ನಲ್ಲಿ ಸುನೀಲ್​ ಶೆಟ್ಟಿ ತಮ್ಮ ಹಾಗೂ ಮಕ್ಕಳ ಹಳೇ ಫೋಟೋಗಳನ್ನು ಇನ್​ಸ್ಟಾಗ್ರಾಂನಲ್ಲಿ ಹಂಚಿಕೊಳ್ಳುತ್ತಿದ್ದಾರೆ.

ಸುನೀಲ್​ ಶೆಟ್ಟಿ ಹಾಗೂ ಕುಟುಂಬ

ತಮ್ಮ ಮಗು ಜೊತೆ ಸುನೀಲ್​ ಶೆಟ್ಟಿ

ಮಕ್ಕಳೊಂದಿಗೆ ಸುನೀಲ್​ ಶೆಟ್ಟಿ

ಅತಿಯಾ ಜೊತೆ ಸುನೀಲ್​ ಶೆಟ್ಟಿ

ನಟ ಸುನೀಲ್​ ಶೆಟ್ಟಿ ತಮ್ಮ ಮಗಳು ಅತಿಯಾ ಶೆಟ್ಟಿ ಕುರಿತಾಗಿ ಆಗಾಗ ಇನ್​ಸ್ಟಾಗ್ರಾಂನಲ್ಲಿ ಬರೆದುಕೊಳ್ಳುತ್ತಿರುತ್ತಾರೆ.

ಅಲ್ಲು ಅರ್ಜುನ್​ ಅಭಿನಯದ ಸಿನಿಮಾ ಪುಷ್ಪದಲ್ಲೂ ಸಿನೀಲ್​ ಶೆಟ್ಟಿ ನಟಿಸಲಿದ್ದಾರೆ ಅನ್ನೋ ಸುದ್ದಿ ಬಹಳ ಸಮಯದಿಂದ ಹರಿದಾಡುತ್ತಿದೆ.