Sanjay Dutt: ಹುಡುಗಿಯರ ಮುಂದೆ ನಾಚಿಕೆಯಿಂದ ಡ್ರಗ್ಸ್ ಸೇವಿಸುತ್ತಿದ್ದೆ; ರಹಸ್ಯ ಬಿಚ್ಚಿಟ್ಟ ಸಂಜಯ್ ದತ್

ಸಂಜಯ್ ದತ್ ಅವರು ತಮ್ಮ 'ಕೆಜಿಎಫ್ 2' ಚಿತ್ರದಿಂದಾಗಿ ಇತ್ತೀಚಿನ ದಿನಗಳಲ್ಲಿ ಸಾಕಷ್ಟು ದೊಡ್ಡ ಮಟ್ಟದಲ್ಲಿ ಸುದ್ದಿಯಲ್ಲಿದ್ದಾರೆ. ಪ್ರಶಾಂತ್ ನೀಲ್ ಮತ್ತು ಯಶ್ ಕಾಂಭಿನೇಷನ್​ನ 'ಕೆಜಿಎಫ್ 2' ಬಾಕ್ಸ್ ಆಫೀಸ್ನಲ್ಲಿ ಸದ್ದು ಮಾಡುತ್ತಿದೆ. ಆಕ್ಷನ್ ಡ್ರಾಮಾ ನೋಡಲು ಚಿತ್ರಮಂದಿರಗಳಿಗೆ ಜನರು ಹರಿದು ಬರುತ್ತಿದ್ದು, ಬಾಕ್ಸ್ ಆಫೀಸ್ ಕಲೆಕ್ಷನ್ ಕೂಡ ಭರ್ಜರಿಯಾಗುತ್ತಿದೆ. ಇತ್ತೀಚಿನ ದಿನಗಳಲ್ಲಿ ಸಂಜು ಬಾಬಾ ಚಿತ್ರದ ಪ್ರಚಾರದಲ್ಲಿ ನಿರತರಾಗಿದ್ದ ವೇಳೆ ತಮ್ಮ ಹಿಂದಿನ ದಿನಗಳ ಬಗ್ಗೆ ಮಾತಾನಡಿದ್ದಾರೆ.

ಕೆಲವು ನೆನಪುಗಳು ಜೀವಮಾನವಿಡೀ ನೆನಪಿನಲ್ಲಿ ಉಳಿಯುವಂತಹವು ಎಂದು ಹೇಳಲಾಗುತ್ತದೆ. ಸಂಜಯ್ ದತ್ ವಿಷಯದಲ್ಲೂ ಅದೇ ಆಗಿದೆ. ಜೀವನದಲ್ಲಿ ಒಂದು ಬಾರಿ ಕಳೆದುಹೋದ ಸಮಯವಿತ್ತು ಮತ್ತು ನಂತರ ಅದೇ ಟ್ರ್ಯಾಕ್‌ನಲ್ಲಿ ಹಿಂತಿರುಗಲು ಅವರು ಬಹಳ ಕಷ್ಟಪಡಬೇಕಾಗಿತ್ತು. ಇತ್ತೀಚೆಗಷ್ಟೇ ಅವರು ಸಂದರ್ಶನವೊಂದರಲ್ಲಿ ಈ ವಿಷಯಗಳನ್ನು ಪ್ರಸ್ತಾಪಿಸಿದ್ದಾರೆ.

ಸಂಜಯ್ ದತ್ ಸಂದರ್ಶನವೊಂದರಲ್ಲಿ ತಮ್ಮ ಹಿಂದಿನ ದಿನಗಳನ್ನು ನೆನಪಿಸಿಕೊಂಡಿದ್ದಾರೆ. ಈ ವೇಳೆ ತಾವು ವ್ಯಸ ಕೇಂದ್ರದಿಂದ ಹಿಂತಿರುಗಿದಾಗ ಜನರು ನನ್ನನ್ನು 'ಚರಸಿ' ಎಂದು ಕರೆಯುತ್ತಿದ್ದರು ಎಂದು ಅವರು ಹೇಳಿದ್ದಾರೆ.

ತಮ್ಮ ಹಿಂದಿನ ದಿನಗಳನ್ನು ನೆನಪಿಸಿಕೊಂಡ ಅವರು, ನನ್ನ ಜೀವನದಲ್ಲಿ 10 ವರ್ಷಗಳ ಕಾಲ ನಾನು ನನ್ನ ಕೋಣೆಯಲ್ಲಿದ್ದೆ. ನನಗೆ ಶೂಟಿಂಗ್‌ನಲ್ಲಿ ಆಸಕ್ತಿಯೇ ಇರಲಿಲ್ಲ. ಎಲ್ಲವೂ ಬದಲಾಗಿತ್ತು. ನಾನು ಪುನರ್ವಸತಿಯಿಂದ ಹಿಂತಿರುಗಿದ ನಂತರ ಜನರು ನನ್ನನ್ನು ಚಾರ್ಸಿ ಎಂದು ಕರೆಯಲು ಪ್ರಾರಂಭಿಸಿದರು. ಇದು ನನಗೆ ಬೇಸರವನ್ನು ಮತ್ತು ನಾಚಿಕೆಯನ್ನು ಉಂಟುಮಾಡಿತ್ತು.

ಇದನ್ನು ಬದಲಾಯಿಸಲು ನಂತರ ನಾನು ಜಿಮ್‌ಗೆ ಹೋಗಲು ಪ್ರಾರಂಭಿಸಿದೆ. ಕೆಲವು ವರ್ಷಗಳ ನಂತರ ಜನರು ವಾಹ್ ವಾಟ್ ಎ ಬಾಡಿ ಎಂದು ಹೇಳಲಾರಂಭಿಸಿದರು.

ಸಂಜಯ್ ದತ್ ಅವರು ಡ್ರಗ್ಸ್ ಸೇವಿಸಿದಾಗ ಜನರು ತಮ್ಮನ್ನು ಕೂಲ್ ಆಗಿ ಪರಿಗಣಿಸುತ್ತಾರೆ ಎಂದು ಭಾವಿಸುತ್ತಿದ್ದರು ಎಂದು ಹೇಳಿದ್ದಾರೆ. ನಾನು ತುಂಬಾ ನಾಚಿಕೆ ಸ್ವಭಾವದವನಾಗಿದ್ದೆ, ಅದರಲ್ಲೂ ಹುಡುಗಿಯರನ್ನು ನೋಡಲು ತುಂಬಾ ನಾಚಿಕೆಪಡುತ್ತೇನೆ. ಆದ್ದರಿಂದ ನಾನು ಹುಡುಗಿಯರ ಮುಂದೆ ಕೂಲ್ ಆಗಿ ಕಾಣಲು ಡ್ರಗ್ಸ್ ಸೇವಿಸಲು ಪ್ರಾರಂಭಿಸಿದೆ ಎಂದು ಹೇಳಿದರು.

ಕೆಜಿಎಫ್ ಅಧ್ಯಾಯ 2 ರಲ್ಲಿ, ಸಂಜಯ್ ದತ್ 'ಅಧೀರ' ಅವತಾರದಲ್ಲಿ ಕಾಣಿಸಿಕೊಂಡಿದ್ದಾರೆ. ಚಿತ್ರದಲ್ಲಿ ಅವರ ಜೊತೆ ಯಶ್, ರವೀನಾ ಟಂಡನ್ ಮತ್ತು ಮಾಳವಿಕಾ ಅವಿನಾಶ್ ಪ್ರಮುಖ ಪಾತ್ರಗಳಲ್ಲಿದ್ದಾರೆ. ತಮಿಳು, ತೆಲುಗು, ಮಲಯಾಳಂ ಮತ್ತು ಹಿಂದಿ ಭಾಷೆಗಳಲ್ಲಿ ಚಿತ್ರ ಬಿಡುಗಡೆಯಾಗಿದೆ.

ಸಂಜಯ್ ದತ್ ಅವರ ಮುಂಬರುವ ಚಿತ್ರಗಳ ಕುರಿತು ಮಾತನಾಡುತ್ತಾ, ಅವರು ಶೀಘ್ರದಲ್ಲೇ 'ಪೃಥ್ವಿರಾಜ್' ಚಿತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಅವರಲ್ಲದೆ, ಈ ಚಿತ್ರದಲ್ಲಿ ಅಕ್ಷಯ್ ಕುಮಾರ್ ಮತ್ತು ಮಾನುಷಿ ಚಿಲ್ಲರ್ ಕಾಣಿಸಿಕೊಳ್ಳಲಿದ್ದಾರೆ.