Sanjay Dutt: ರಾಕಿಂಗ್ ಸ್ಟಾರ್ ಯಶ್ ನನ್ನ ಬ್ರದರ್​ ಎಂದ ಸಂಜಯ್ ದತ್! ಅಸಲಿ ಮ್ಯಾಟರ್ ಏನು?

ಬಾಲಿವುಡ್‌ನ ಒಂದು ಕಾಲದ ನಾಯಕ ನಟ ಸಂಜಯ್ ದತ್ ಮೊದಲ ಕನ್ನಡ ಕೆಜಿಎಫ್‌-2 ಸಿನಿಮಾ ಬಗ್ಗೆ ಇದೀಗ ಮಾತನಾಡಿದ್ದಾರೆ. ಚಿತ್ರಕ್ಕೆ ವರ್ಷ ಪೂರ್ಣ ಆದ ಹಿನ್ನೆಲೆಯಲ್ಲಿ ಆ ದಿನಗಳನ್ನ ಸಂಜು ಬಾಬಾ ಈಗ ನೆನಪಿಸಿಕೊಂಡಿದ್ದಾರೆ.

ಸಂಜಯ್ ದತ್ ದಕ್ಷಿಣದ ಸಿನಿಮಾ ಜರ್ನಿಯಲ್ಲಿ ಕೆಜಿಎಫ್‌-2 ಸಿನಿಮಾ ಮೊಟ್ಟ ಮೊದಲ ಸಿನಿಮಾ ಆಗಿದೆ. ಈ ಮೂಲಕ ಕನ್ನಡಕ್ಕೆ ಕಾಲಿಟ್ಟ ಸಂಜಯ್ ದತ್ ಅವರಿಗೆ ಇಲ್ಲಿ ಅತ್ಯುತ್ತಮ ಸ್ವಾಗತ ಸಿಕ್ಕಿದೆ. ಈ ಒಂದು ಕ್ಷಣವನ್ನ ಸಂಜಯ್ ದತ್ ಈಗಲೂ ನೆನಪಿಸಿಕೊಳ್ಳತ್ತಾರೆ.

ಸಂಜಯ್ ದತ್ ತಮ್ಮ ಮೊದಲ ಸಿನಿಮಾದ ಟೀಮ್ ಅನ್ನ ಕೊಂಡಾಡಿದ್ದಾರೆ. ಚಿತ್ರದ ನಾಯಕ ನಟ ಯಶ್ ಈಗ ನನ್ನ ಸಹೋದರ್ ಅಂತಲೂ ಸಂಜಯ್ ದತ್ ಹೇಳಿಕೊಂಡಿದ್ದಾರೆ.

ಕೆಜಿಎಫ್‌-2 ಚಿತ್ರದ ನಿರ್ದೇಶಕ ಪ್ರಶಾಂತ್ ನೀಲ್ ಅವರ ಕೆಲಸವನ್ನ ಸಂಜಯ್ ದತ್ ಕೊಂಡಾಡಿದ್ದಾರೆ. ಈ ಮೂಲಕ ಪ್ರಶಾಂತ್ ನೀಲ್ ಗ್ರೇಟ್ ಡೈರೆಕ್ಟರ್ ಅಂತ ಹೊಗಳಿದ್ದಾರೆ.

ಕೆಜಿಎಫ್‌-2 ಚಿತ್ರದ ಇಡೀ ಟೀಮ್‌ ಅನ್ನ ಸಂಜಯ್ ದತ್ ನೆನಪಿಸಿಕೊಂಡಿದ್ದಾರೆ. ಅಂದುಕೊಂಡ ಕನಸನ್ನ ನನಸು ಮಾಡಿಕೊಳ್ಳಲು, ಕೆಜಿಎಫ್ ತಂಡ ಸಾಕಷ್ಟು ಶ್ರಮಿಸಿದೆ ಅಂತಲೂ ಸಂಜಯ್ ದತ್ ಹೇಳಿದ್ದಾರೆ.

ಕೆಜಿಎಫ್‌-2 ಚಿತ್ರದ ಗೆಲುವಿಗೆ ಕಾರಣರಾದ ಜನರಿಗೂ ಸಂಜಯ್ ದತ್ ಧನ್ಯವಾದ ತಿಳಿಸಿದ್ದಾರೆ. ಜನರ ಪ್ರೀತಿ ಇಲ್ಲದೇ ಸಿನಿಮಾ ಗೆಲ್ಲೋಕೆ ಸಾಧ್ಯವೇ ಇಲ್ಲ ಅನ್ನೋದನ್ನ ಕೂಡ ಸಂಜಯ್ ದತ್ ಹೇಳಿಕೊಂಡಿದ್ದಾರೆ.

ಕೆಜಿಎಫ್‌-2 ಚಿತ್ರಕ್ಕೆ ದುಡ್ಡು ಹಾಕಿರೋ ವಿಜಯ್ ಕಿರಗಂದೂರು ಹಾಗೂ ಹೊಂಬಾಳೆ ಸಂಸ್ಥೆಯ ಕಾರ್ತಿಕ್ ಗೌಡ ಅವರ ಕುರಿತು ಸಂಜಯ್ ದತ್ ಹೇಳಿಕೊಂಡಿದ್ದಾರೆ. ಇಡೀ ತಂಡದ ಭಾರೀ ಪರಿಶ್ರಮದಿಂದಲೇ ಕೆಜಿಎಫ್‌-2 ಸಕ್ಸಸ್ ಆಗಿದೆ. ಈ ಒಂದು ತಂಡದಲ್ಲಿ ನಾನೂ ಇದ್ದೇ ಅನ್ನೋದು ಖುಷಿ ತಂದಿದೆ ಅಂತ ಸಂಜಯ್ ಮನದುಂಬಿ ಹೇಳಿಕೊಂಡಿದ್ದಾರೆ.