Animal First Look: ಅರ್ಜುನ್ ರೆಡ್ಡಿ ನಿರ್ದೇಶಕನ ಹಿಂದಿ ಸಿನಿಮಾ! ಅನಿಮಲ್ ಫಸ್ಟ್​ಲುಕ್ ರಿಲೀಸ್

ನಿರ್ದೇಶಕ ಸಂದೀಪ್ ರೆಡ್ಡಿ ವಂಗಾ ಬಾಲಿವುಡ್‌ನ ಚಾಕೊಲೇಟ್ ಬಾಯ್ ರಣಬೀರ್ ಕಪೂರ್ ಅವರನ್ನು ಮಾಸ್ ಪಾತ್ರದಲ್ಲಿ ತೋರಿಸುತ್ತಿದ್ದಾರೆ. ಟಾಲಿವುಡ್ ನಲ್ಲಿ ಅರ್ಜುನ್ ರೆಡ್ಡಿ ಮೊದಲ ಸಿನಿಮಾದ ಮೂಲಕ ಚಿತ್ರರಂಗದಲ್ಲಿ ಸ್ಟಾರ್ ಡೈರೆಕ್ಟರ್ ಆಗಿ ಗುರುತಿಸಿಕೊಂಡಿದ್ದ ಸಂದೀಪ್ ಹೀರೋ ವಿಜಯ್ ದೇವರಕೊಂಡಗೆ ಉತ್ತಮ ಬ್ರೇಕ್ ಕೊಟ್ಟಿದ್ದಾರೆ.

ಈಗ ಅವರು ತಮ್ಮ ಎರಡನೇ ಸಿನಿಮಾವನ್ನು ಬಾಲಿವುಡ್ ಹೀರೋ ರಣಬೀರ್ ಕಪೂರ್ ಜೊತೆ ಮಾಡುತ್ತಿದ್ದಾರೆ. ಅನಿಮಲ್ ಎಂಬ ಆಕ್ಷನ್ ಥ್ರಿಲ್ಲರ್ ಸಿನಿಮಾದ ಫಸ್ಟ್ ಲುಕ್ ಪೋಸ್ಟರ್ ಈಗ ಟ್ರೆಂಡಿಂಗ್ ಆಗಿದೆ. ಈ ಪೋಸ್ಟರ್‌ನಲ್ಲಿ, ರಣಬೀರ್ ಕಪೂರ್ ಗಡ್ಡದೊಂದಿಗೆ ಕಾಣಿಸಿದ್ದಾರೆ.

ಟಾಲಿವುಡ್ ನಲ್ಲಿ ಅರ್ಜುನ್ ರೆಡ್ಡಿ ಸಿನಿಮಾ ಬಾಲಿವುಡ್ ನಲ್ಲಿ ಕಬೀರ್ ಸಿಂಗ್ ಹೆಸರಿನಲ್ಲಿ ರಿಮೇಕ್ ಆಗಿದ್ದು ಶಾಹಿದ್ ಕಪೂರ್ ಗೆ ಒಳ್ಳೆಯ ಬ್ರೇಕ್ ಕೊಟ್ಟಿದೆ. ಇದರಿಂದಾಗಿ ಸಂದೀಪ್ ರೆಡ್ಡಿ ಬೇಡಿಕೆ ದಕ್ಷಿಣದಿಂದ ಉತ್ತರಕ್ಕೂ ಹಬ್ಬಿದೆ. ಅದಕ್ಕಾಗಿಯೇ ಅವರು ತಮ್ಮ ಮುಂದಿನ ಯೋಜನೆಯನ್ನು ಬಾಲಿವುಡ್ ನಾಯಕನೊಂದಿಗೆ ಮಾಡಿದ್ದಾರೆ.

ಸಂದೀಪ್ ರೆಡ್ಡಿ ಅವರ ಅನಿಮಲ್ ಚಿತ್ರದ ಪೋಸ್ಟರ್ ತುಂಬಾ ವಿಭಿನ್ನವಾಗಿದೆ. ಹೊಸ ವರ್ಷದ ಉಡುಗೊರೆಯಾಗಿ ಡಿಸೆಂಬರ್ 31 ರಂದು ಚಿತ್ರದ ಫಸ್ಟ್ ಲುಕ್ ಪೋಸ್ಟರ್ ಬಿಡುಗಡೆಯಾಗಿದೆ. ಟೈಟಲ್​ಗೆ ತಕ್ಕಂತೆ ಪೋಸ್ಟರ್ ತುಂಬಾ ಕಾಡುವಂತಿದೆ.

ಸಿಗರೇಟ್ ಸೇದುತ್ತಿರುವ ರಣಬೀರ್ ವೈಲ್ಡ್ ಆಗಿ ಕಂಡುಬಂದಿದ್ದಾರೆ. ಲವರ್ ಬಾಯ್ ಇಮೇಜ್ ಹೊಂದಿರುವ ರಣಬೀರ್ ಕಪೂರ್ ಅವರನ್ನು ಇಷ್ಟು ಮಾಸ್ ಲುಕ್ ನಲ್ಲಿ ಪರಿಚಯಿಸಿದ ಸಂದೀಪ್ ರೆಡ್ಡಿ ಅವರ ಸಿನಿಮಾದ ಬಗ್ಗೆ ಎಲ್ಲರಿಗೂ ಕುತೂಹಲ ಹೆಚ್ಚಾಗಿದೆ.

ಈ ಚಿತ್ರದಲ್ಲಿ ರಣಬೀರ್‌ಗೆ ರಶ್ಮಿಕಾ ಮಂದಣ್ಣ ನಾಯಕಿಯಾಗಿ ನಟಿಸುತ್ತಿದ್ದಾರೆ. ಟೀ ಸೀರೀಸ್ ಮತ್ತು ಭದ್ರಕಾಳಿ ಪಿಕ್ಚರ್ಸ್ ಈ ಚಿತ್ರವನ್ನು ನಿರ್ಮಿಸಿವೆ. ಈ ಚಿತ್ರವು ತೆಲುಗು, ತಮಿಳು, ಕನ್ನಡ, ಮಲಯಾಳಂ ಮತ್ತು ಹಿಂದಿ ಭಾಷೆಗಳಲ್ಲಿ ಪ್ಯಾನ್ ಇಂಡಿಯಾ ಚಿತ್ರವಾಗಿ ಬಿಡುಗಡೆಯಾಗಲಿದೆ.

ಸತತ ಎರಡು ಹಿಟ್ ಚಿತ್ರಗಳನ್ನು ನೀಡಿರುವ ಸಂದೀಪ್ ಅವರಿಗೆ ಈ ಅನಿಮಲ್ ಚಿತ್ರ ಮತ್ತೊಂದು ದೊಡ್ಡ ನಿರೀಕ್ಷೆ. ಒಂದೊಂದು ಚಿತ್ರಕ್ಕೂ ಲಾಂಗ್ ಗ್ಯಾಪ್ ತೆಗೆದುಕೊಳ್ಳುತ್ತಿರುವ ನಿರ್ದೇಶಕರು ಈ ಚಿತ್ರವನ್ನು ಯಾವಾಗ ಪೂರ್ಣಗೊಳಿಸುತ್ತಾರೆ ಎಂಬ ಚರ್ಚೆಯೂ ನಡೆಯುತ್ತಿದೆ.