Kabzaa Trailer: ಕಬ್ಜ ಟ್ರೈಲರ್ ಕಂಡು ನಿಬ್ಬೆರಗಾದ ಬಿಗ್ ಬಿ ಅಮಿತಾಭ್ ಬಚ್ಚನ್!

ಪ್ಯಾನ್ ಇಂಡಿಯಾ ಕಬ್ಜ ಸಿನಿಮಾ ಟ್ರೈಲರ್ ರಿಲೀಸ್ ಆಗಿದೆ. ಬಾಲಿವುಡ್ ಬಿಗ್ ಬಿ ಅಮಿತಾಭ್ ಬಚ್ಚನ್ ಈ ಟ್ರೈಲರ್ ಕಂಡು ಬೆರಗಾಗಿದ್ದಾರೆ. ಬಿಗ್ ಬಿ ಇದನ್ನ ಮೆಚ್ಚೋದು ಅಂದ್ರೆ ಸುಮ್ನೇನಾ? ಇಲ್ಲ ಬಿಡಿ ಅಮಿತಾಭ್ ಬಚ್ಚನ್ ಬಾಲಿವುಡ್‌ನ ಕಬ್ಜ ರಿಲೀಸ್ ಮಾಡಿ ಇಡೀ ತಂಡಕ್ಕೆ ಶುಭ ಕೋರಿದ್ದಾರೆ.

ಪ್ಯಾನ್ ಇಂಡಿಯಾ ಕಬ್ಜ ಚಿತ್ರದ ಟೀಸರ್ ನೋಡಿದಾಗ ಎಲ್ಲರಿಗೂ ಬಹುತೇಕ ಒಂದೇ ಅಭಿಪ್ರಾಯ ಮೂಡಿತ್ತು. ಆದರೆ ರವಿ ಬಸ್ರೂರು ಅವರ ಸಂಗೀತದ ಹಾಡುಗಳು ಆ ಎಲ್ಲ ಅಭಿಪ್ರಾಯಗಳನ್ನ ಬದಲಿಸಿಬಿಟ್ಟರು.

ಕಬ್ಜ ಚಿತ್ರದ ಪ್ರತಿ ಹಾಡು ಸೂಪರ್ ಆಗಿವೆ. ಎಲ್ಲದಕ್ಕೂ ಆರ್. ಚಂದ್ರು ಸಿಕ್ಕಾಪಟ್ಟೆ ದುಡ್ಡು ಹಾಕಿದ್ದಾರೆ. ಕನ್ನಡದ ಮಟ್ಟಿಗೆ ಈ ಚಿತ್ರ ಬೇರೆ ಲೆವಲ್‌ನ ಸಿನಿಮಾನೇ ಆಗುತ್ತಿದೆ. ಇದರ ಮಧ್ಯೆ ಚಿತ್ರದ ಟ್ರೈಲರ್ ರಿಲೀಸ್ ಮಾಡಿರೋ ಅಮಿತಾಭ್ ಬಚ್ಚನ್ ಫುಲ್ ಖುಷ್ ಆಗಿದ್ದಾರೆ.

ಅಮಿತಾಭ್ ಬಚ್ಚನ್ ಮೊದಲ ಬಾರಿಗೆ ಕನ್ನಡದ ಟ್ರೈಲರ್ ರಿಲೀಸ್ ಮಾಡಿದ್ದಾರೆ. ಕಬ್ಜ ನಿರ್ದೇಶಕ ನಿರ್ಮಾಪಕ ಆರ್.ಚಂದ್ರು ಈ ಮೂಲಕ ಒಂದು ಆಸೆನೂ ಈಗ ಈಡೇರಿದಂತೆ ಆಗಿದೆ. ಬಾಲಿವುಡ್‌ನ ನಂಟಿನಿಂದಲೇ ಇದು ಸಾಧ್ಯವಾಗಿದೆ ಅಂತಲೂ ಹೇಳಬಹುದು.

ಕಬ್ಜ ಚಿತ್ರ ಕನ್ನಡ ಸೇರಿದಂತೆ ತೆಲುಗು, ತಮಿಳು, ಹಿಂದಿ, ಮಲೆಯಾಳಂ ಹೀಗೆ ಬಹು ಭಾಷೆಯಲ್ಲಿ ಮಾರ್ಚ್-17 ರಂದು ರಿಲೀಸ್ ಆಗುತ್ತಿದೆ. ದೊಡ್ಡ ಮಟ್ಟದಲ್ಲಿಯೇ ರಿಲೀಸ್ ಆಗುತ್ತಿರೋ ಈ ಚಿತ್ರದ ಬಗ್ಗೆ ಭಾರೀ ನಿರೀಕ್ಷೆ ಕೂಡ ಇದೆ.

ಕನ್ನಡದ ಸೂಪರ್ ಸ್ಟಾರ್‌ಗಳಾದ ರಿಯಲ್ ಸ್ಟಾರ್ ಉಪೇಂದ್ರ, ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್, ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಈ ಚಿತ್ರದಲ್ಲಿ ಅಭಿನಯಿಸಿದ್ದಾರೆ. ಇವರ ಅಭಿಮಾನಿಗಳು ಈಗ ಇವರನ್ನ ಒಂದೇ ಚಿತ್ರದಲ್ಲಿ ನೋಡುವ ಕುತೂಹಲದಲ್ಲಿಯೇ ಇದ್ದಾರೆ.

ಕಬ್ಜ ಚಿತ್ರ ಕನ್ನಡದ ಮಟ್ಟಿಗೆ ಅತಿ ದೊಡ್ಡ ಸಿನಿಮಾನೇ ಆಗಿದೆ. ಕಳೆದ ವರ್ಷ ಕಾಂತಾರ ಹವಾ ಕ್ರಿಯೇಟ್ ಮಾಡಿತ್ತು. ಈ ವರ್ಷ ಕಬ್ಜ ಎಲ್ಲ ದಾಖಲೆಯನ್ನ ಮುರಿಯೋ ಹಾಗೆ ಕಾಣುತ್ತಿದೆ. ಅಂತಹ ಈ ಚಿತ್ರದ ನಿರೀಕ್ಷೆ ದಿನೇ ದಿನೇ ಹೆಚ್ಚಾಗುತ್ತಲೇ ಇದೆ.