ಬಾಲಿವುಡ್​ನಲ್ಲಿ ಧೂಳೆಬ್ಬಿಸಿದ ರಾಕಿ ಭಾಯ್, 6 ತಿಂಗಳ Bollywood ಬಾಕ್ಸ್ ಆಫೀಸ್​ ರಿಪೋರ್ಟ್

2022ರಲ್ಲಿ 6 ತಿಂಗಳುಗಳ ಅಂತ್ಯದಲ್ಲಿದೆ. ಈ 6 ತಿಂಗಳಲ್ಲಿ ಪ್ರೇಕ್ಷಕರನ್ನು ರಂಜಿಸಲು ಹಲವು ಚಿತ್ರಗಳು ಬಿಡುಗಡೆಯಾದವು. ಬಾಲಿವುಡ್ ಬಾಕ್ಸ್ ಆಫೀಸ್ ವರದಿ ನೋಡಿದರೆ ಈ ರೀತಿ ಇದ್ದು, 3 ಹಿಟ್ ಮತ್ತು 6 ಫ್ಲಾಪ್. ಈ ವರ್ಷ ಯಾವುದೇ ನಿರೀಕ್ಷೆ ಇಲ್ಲದೆ ತೆರೆಕಂಡ ‘ದಿ ಕಾಶ್ಮೀರ್ ಫೈಲ್ಸ್’ ಸಿನಿಮಾ ಬಾಲಿವುಡ್ ನಲ್ಲಿ ಮೊದಲ ಹಿಟ್ ಆಗಿ ಸೆನ್ಸೇಷನಲ್ ಸಕ್ಸಸ್ ಆಯಿತು. ಅದರಂತೆ ಯಶಸ್ಸು ಮತ್ತು ಪ್ಲಾಪ್ ಆದ ಚಿತ್ರಗಳ ಲೀಸ್ಟ್ ಇಲ್ಲಿದೆ.

ಗಂಗೂಬಾಯಿ ಕಟಿಯವಾಡಿ: 2022ರಲ್ಲಿ ಆಲಿಯಾ ಭಟ್ ಮತ್ತು ಅಜಯ್ ದೇವಗನ್ ನಟಿಸಿದ ಸಂಜಯ್ ಲೀಲಾ ಬನ್ಸಾಲಿ ನಿರ್ದೇಶನ ಮತ್ತು ನಿರ್ಮಾಣದ ಚಿತ್ರ 'ಗಂಗೂಬಾಯಿ ಕಟಿಯವಾಡಿ' ಫೆಬ್ರವರಿ 25 ರಂದು ಬಿಡುಗಡೆಯಾಯಿತು. ಈ ವರ್ಷ ಬಾಲಿವುಡ್‌ನಲ್ಲಿ ಮೊದಲ ಹಿಟ್ ಆಯಿತು. ಸುಮಾರು ರೂ. 40 ಕೋಟಿ ಬಜೆಟ್‌ನ ಈ ಚಿತ್ರವು ರೂ. 209.25 ಕೋಟಿ ಗಳಿಕೆಸಿತು.

ಕಾಶ್ಮೀರ್ ಫೈಲ್ಸ್: ನಿರ್ದೇಶಕ ವಿವೇಕ್ ಅಗ್ನಿಹೋತ್ರಿ ಕಾಶ್ಮೀರ್ ಫೈಲ್ಸ್ ಚಿತ್ರ ಬ್ಯಾಕ್ ಆಫೀಸ್ ನಲ್ಲಿ ಉತ್ತಮ ಕಲೆಕ್ಷನ್ ಮಾಡಿತು. ಕಾಶ್ಮೀರಿ ವಿದ್ವಾಂಸರನ್ನು 1990ರಲ್ಲಿ ಕಾಶ್ಮೀರ ಪ್ರದೇಶದಿಂದ ಪಾಕಿಸ್ತಾನ ಪ್ರೇರಿತ ಮುಸ್ಲಿಮರು ಹೊರಹಾಕಿದ ಕಥೆಯನ್ನು ಚಿತ್ರದಲ್ಲಿ ಅದ್ಭುತವಾಗಿ ಮುಡಿಬಂದಿದೆ. ಸುಮಾರು 15 ಕೋಟಿ ಬಜೆಟ್‌ನ ಈ ಚಿತ್ರವು 340.16 ಕೋಟಿ ಗಳಿಸಿತು.

ಬಚ್ಚನ್ ಪಾಂಡೆ: ಮಾರ್ಚ್ 18 ರಂದು ತೆರೆಕಂಡ ಅಕ್ಷಯ್ ಕುಮಾರ್ ಅಭಿನಯದ 'ಬಚ್ಚನ್ ಪಾಂಡೆ' ಸಿನಿಮಾ ಬ್ಯಾಕ್ ಆಫೀಸ್ ನಲ್ಲಿ ಡಿಸಾಸ್ಟರ್ ಆಗಿತ್ತು. ಈ ಚಿತ್ರ ತಮಿಳಿನಲ್ಲಿ ಯಶಸ್ವಿಯಾದ 'ಜಿಗರ್ತಾಂಡ' ಚಿತ್ರದ ರಿಮೇಕ್ ಆಗಿದೆ. ಬಾಕ್ಸ್ ಆಫೀಸ್​ನಲ್ಲಿ ಅಷ್ಟಾಗಿ ಸದ್ದು ಮಾಡಲಿಲ್ಲ.

RRR : ಹಿಂದಿಯಲ್ಲಿ RRR ಚಿತ್ರದ ಮೊದಲ ವಾರ ರೂ. 133.07 ಕೋಟಿ ನಿವ್ವಳ ಕಲೆಕ್ಷನ್ ಗಳಿಸಿತು. 2ನೇ ವಾರ 76.25 ಕೋಟಿ ನಿವ್ವಳ ಕಲೆಕ್ಷನ್ಸ್ ಮತ್ತು 3ನೇ ವಾರದಲ್ಲಿ ಚಿತ್ರ 23.50 ಕೋಟಿ ನಿವ್ವಳ ಕಲೆಕ್ಷನ್ ಗಳಿಸಿದೆ. ಥಿಯೇಟ್ರಿಕಲ್ ರನ್ ನಂತರ, ಚಿತ್ರವನ್ನು ಹಿಂದಿಯಲ್ಲಿ ರೂ. 276.80 ಕೋಟಿ ಗಳಿಕೆಯೊಂದಿಗೆ ದಕ್ಷಿಣದ ಮೂರನೇ ಅತಿದೊಡ್ಡ ಡಬ್ಬಿಂಗ್ ಚಿತ್ರವಾಗಿದೆ.

ಕೆಜಿಎಫ್ 2: ಯಶ್ ನಾಯಕನಾಗಿ ಪ್ರಶಾಂತ್ ನೀಲ್ ನಿರ್ದೇಶನದ ಕೆಜೆಎಫ್ ಸಿನಿಮಾ ಭಾರತೀಯ ಬಾಕ್ಸ್ ಆಫೀಸ್ ಧೂಳಿಪಟ ಮಾಡಿದೆ. ಚಿತ್ರವು ಒಟ್ಟಾರೆ 1250 ಕೋಟಿಗೂ ಹೆಚ್ಚಿನ ಕಲೇಕ್ಷನ್ ಮಾಡುವ ಮೂಲಕ ಈ ವರ್ಷದ ಅತೀ ಹೆಚ್ಚು ಗಳಿಕೆ ಮಾಡಿದ ಭಾರತೀಯ ಚಿತ್ರವಾಗಿದೆ. ಅಲ್ಲದೇ ಬಾಲಿವುಡ್​ ನಲ್ಲಿ 435.20 ಕೋಟಿ ಸಂಗ್ರಹವಾಗಿದೆ. ಈ ವರ್ಷ ಬಾಲಿವುಡ್‌ನಲ್ಲಿ ಅತಿ ಹೆಚ್ಚು ಗಳಿಕೆ ಮಾಡಿದ ಚಿತ್ರ ಇದಾಗಿದೆ. ಒಟ್ಟಾರೆಯಾಗಿ, ಹಿಂದಿ ಚಿತ್ರರಂಗದಲ್ಲಿ ಎರಡನೇ ಅತಿ ಹೆಚ್ಚು ಗಳಿಕೆ ಮಾಡಿದ ಚಿತ್ರವಾಯಿತು.

ಜರ್ಸಿ: ತೆಲುಗಿನಲ್ಲಿ ನಾನಿ ನಾಯಕನಾಗಿ 'ಜೆರ್ಸಿ' ಚಿತ್ರವನ್ನು ಗೌತಮ್ ತಿಣ್ಣನೂರಿ ನಿರ್ದೇಶಿಸುತ್ತಿದ್ದು ಹಿಂದಿಯಲ್ಲಿ 'ಜೆರ್ಸಿ' ಸಿನಿಮಾ ಏಪ್ರಿಲ್ 22 ರಂದು ಬಿಡುಗಡೆಯಾಗಿತ್ತು. ಅಲ್ಲದೇ ಬಾಕ್ಸ್ ಆಫೀಸ್​ನಲ್ಲಿ ಅಷ್ಟಾಗಿ ಸದ್ದು ಮಾಡದೇ ಪ್ಲಾಫ್ ಆಯಿತು.

ಭೂಲ್ ಭುಲೈಯಾಯಾ 2: ಈ ಚಿತ್ರದಲ್ಲಿ ಕಾರ್ತಿನ್ ಆರ್ಯನ್ ಮತ್ತು ಕಿಯಾರಾ ಅಡ್ವಾಣಿ ದ್ವಿಪಾತ್ರದಲ್ಲಿ ನಟಿಸಿದ್ದಾರೆ. ಅನೀಸ್ ಬಾಜ್ಮಿ ನಿರ್ದೇಶನದ 'ಭೂಲ್ ಭುಲೈಯಾ 2' ಮೊದಲ ದಿನದಿಂದ ಬಾಲಿವುಡ್‌ನಲ್ಲಿ ಹಿಟ್ ಗಳಿಸಿದ್ದು ಮಾತ್ರವಲ್ಲದೆ ಬಾಕ್ಸ್ ಆಫೀಸ್ ಉತ್ತಮ ಗಳಿಕೆ ಮಾಡಿತು. ಈ ಚಿತ್ರವು 262.04 ಕೋಟಿ ಗಳಿಕೆಯೊಂದಿಗೆ ಬ್ಲಾಕ್ ಬಸ್ಟರ್ ಆಯಿತು. ಅಲ್ಲದೇ ಈ ಚಿತ್ರದ ಮೂಲಕ ಬಾಲಿವುಡ್ ಸ್ವಲ್ಪ ಚೇತರಿಕೆ ಕಂಡಿತು.

ಸಾಮ್ರಾಟ್ ಪೃಥ್ವಿರಾಜ್: ಅಕ್ಷಯ್ ಕುಮಾರ್ ಬಾಲಿವುಡ್ ನಲ್ಲಿ ಸರಣಿ ಚಿತ್ರಗಳ ಮೂಲಕ ಕಮ್ ಬ್ಯಾಕ್ ಮಾಡುತ್ತಿದ್ದಾರೆ. ಈ ಸಿನಿಮಾದಲ್ಲಿ ಅವರ ಮೊದಲ ಐತಿಹಾಸಿಕ ಪಾತ್ರ ‘ಸಾಮ್ರಾಟ್ ಪೃಥ್ವಿರಾಜ್’. ಸಿನಿಮಾಗೆ ಒಳ್ಳೆಯ ಪ್ರತಿಕ್ರಯೆಗಳು ಬಂದವು. ಮೇ 3 ರಂದು ಬಿಡುಗಡೆಯಾದ ಚಿತ್ರವು ಬಾಕ್ಸ್ ಆಫೀಸ್‌ನಲ್ಲಿ ಉತ್ತಮ ಗಳಿಕೆ ಮಾಡಲಿಲ್ಲ. 200 ಕೋಟಿಯಲ್ಲಿ ಬೃಹತ್ ಬಜೆಟ್ ನ ಈ ಚಿತ್ರವು ಕೇವಲ ರೂ. 85 ಕೋಟಿ ಗಳಿಸಿ ಗಲ್ಲಾಪೆಟ್ಟಿಗೆಯಲ್ಲಿ ನಿರಾಸೆ ಮೂಡಿಸಿತು.