ಬೆಂಗಳೂರಿನಲ್ಲೇ ನಡೆದಿತ್ತಂತೆ 3 Idiots ಶೂಟಿಂಗ್, ಇಲ್ಲಿದೆ ನೋಡಿ ವೈರಲ್ ಫೋಟೋಸ್

ಬಾಲಿವುಡ್​ ನಲ್ಲಿ 2009ರಲ್ಲಿ ತೆರೆಕಂಡ ಅಮೀರ್ ಖಾನ್, ಆರ್ ಮಾಧವನ್ ಮತ್ತು ಶರ್ಮಾನ್ ಜೋಶಿ ಅಭಿನಯದ 3 ಈಡಿಯಟ್ಸ್ ಚಿತ್ರ ಅಂದಿಗೆ ದಾಖಲೆ ಬರೆದಿತ್ತು. ಇದರ ನಡುವೆ ಈ ಚಿತ್ರದ ಮೇಲಿನ ಕ್ರೇಜ್​ ಈಗಲೂ ಅಷ್ಟೇ ಇದ್ದು, ಇದೀಗ ಈ ಚಿತ್ರ ಶೂಟಿಂಗ್ ಮಾಡಿರುವ ಬೆಂಗಳೂರಿನ ಇಂಜನಿಯರಿಂಗ್ ಕಾಲೇಜಿನಲ್ಲಿ ಶೂಟಿಂಗ್ ಸ್ಥಳದ ಫೋಟೋ ವೈರಲ್ ಆಗುತ್ತಿದೆ.

ಹಿಂದಿಯ 3 ಈಡಿಯಟ್ಸ್ ಚಿತ್ರವು ಬೆಂಗಳೂರಿನ ಐಐಎಂ ಕಾಲೇಜಿನಲ್ಲಿ ಚಿತ್ರೀಕರಿಸಲಾಗಿದೆ. ಚಿತ್ರಗಳನ್ನು ಮೂಲತಃ ಐಐಎಂ ಬೆಂಗಳೂರಿನ ಹಳೆಯ ವಿದ್ಯಾರ್ಥಿಯೊಬ್ಬ ತನ್ನ ಇಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. steve.onn's ಎಂಬ ಇನ್ಸ್ಟಾಗ್ರಾಂ ನಲ್ಲಿ ಈ ಪೋಟೋಗಳನ್ನು ಹಂಚಿಕೊಳ್ಳಲಾಗಿದೆ.

3 ಈಡಿಯಟ್ಸ್ ಚಿತ್ರವು ಅಂದಿನ ಸಮಯಕ್ಕೆ 400 ಕೋಟಿ ಕಲೆಕ್ಷನ್ ಮಾಡುವ ಮೂಲಕ ಅಂದಿನ ಬಾಲಿವುಡ್ ಚಿತ್ರಗಳಲ್ಲಿ ಅತ್ಯಧಿಕ ಗಳಿಕೆ ಮಾಡಿದ ಸಿನಿಮಾವಾಗಿ ಹೊರಹೊಮ್ಮಿತ್ತು.

ಸಿನಿಮಾದ ಪ್ರಮುಖ ಘಟನೆಗಳು ಶೂಟಿಂಗ್ ಮಾಡಿದ ಸ್ಥಳಗಳಲ್ಲಿ ಇಂದು ಹೇಗಿದೆ ಎಂದು ಫೊಟೋ ತೆಗೆದು ಹಂಚಿಕೊಂಡಿದ್ದಾರೆ. ಈ ಫೋಟೋದಲ್ಲಿ ನಟ ರಾಘವನ್ ಅವರು ಮೊದಲ ಬಾರಿಗೆ ಹಾಸ್ಟೆಲ್​ಗೆ ಹೋಗುತ್ತಿರುವ ದೃಶ್ಯವಾಗಿದೆ.

3 ಈಡಿಯಟ್ಸ್ ಚಿತ್ರವು ಒಂದು ಕಾಮಿಡಿ ಕಥಾಹಂದರ ಹೊಂದಿರುವ ಸಿನಿಮಾಗಿತ್ತು. ಅದರಲ್ಲಿಯೂ ಚಿತ್ರದಲ್ಲಿ ಮೂವರು ನಾಯಕರು ಶುಭಕೋರುವಾಗ ತಮ್ಮ ತಮ್ಮ ಫ್ಯಾಂಟ್ ಕಳಚಿ ಹೇಳುತ್ತಿದ್ದನ್ನು ನೋಡಿದ ಪ್ರೇಕ್ಷಕ ಸಖತ್ ನಗೆಗಡಲಲ್ಲಿ ತೇಲಿದ್ದು ಹಳೆಯ ವಿಷಯವಾಗಿದೆ.

3 ಈಡಿಯಟ್ಸ್ ಚಿತ್ರೀಕರಣದ ವೇಳೆ ಇಡೀ ಚಿತ್ರತಂಡ ಒಂದೆರಡು ತಿಂಗಳು ಬೆಂಗಳೂರಿನ ಐಐಎಂ ಹಾಸ್ಟೆಲ್‌ನಲ್ಲಿ ತಂಗಿತ್ತು ಎನ್ನಲಾಗಿದೆ. ಅಮೀರ್ ತನ್ನ ಪಾತ್ರವನ್ನು ಪ್ರವೇಶಿಸಲು ಹಾಸ್ಟೆಲ್‌ನಲ್ಲಿ ಉಳಿಯಲು ನಿರ್ಧರಿಸಿದ್ದರು ಎಂದು ಹೇಳಲಾಗಿತ್ತು.

ಅಮೀರ್ ಅವರ ಲಾಲ್ ಸಿಂಗ್ ಚಡ್ಡಾ ಚಿತ್ರ ಇದೇ ವರ್ಷ ಆಗಷ್ಟ್ 11ರಂದು ಬಿಡುಗಡೆಯಾಗಲಿದೆ. ಈ ಚಿತ್ರದಲ್ಲಿ 3 ಈಡಿಯಟ್ಸ್ ಸಹನಟರಾದ ಕರೀನಾ ಕಪೂರ್ ಮತ್ತು ಮೋನಾ ಸಿಂಗ್ ಅವರೊಂದಿಗೆ ನಟಿಸಿದ್ದಾರೆ.