Remake Films: ಬಾಲಿವುಡ್ ರಿಮೇಕ್ ಮಾಡುತ್ತಿರುವ ದಕ್ಷಿಣ ಭಾರತದ ಟಾಪ್ ಸಿನಿಮಾಗಳು ಯಾವುದು ಗೊತ್ತಾ..?

ಹೆಲೆನ್: ಮಲಯಾಳಂ ಸಿನಿಮಾ ಹೆಲೆನ್ ಕೇವಲ ಒಂದು ದಿನದಲ್ಲಿ ನಡೆವ ಕತೆ. ಸಿನಿಮಾದ ನಾಯಕಿ ಕೋಲ್ಡ್ ಸ್ಟೋರೆಜ್ ಒಂದರಲ್ಲಿ ಸಿಲುಕಿಕೊಳ್ಳುತ್ತಾಳೆ. ಅಲ್ಲಿಂದ ಆಕೆ ಹೊರಗೆ ಬರುವ ಕತೆಯನ್ನು ಸಿನಿಮಾ ಹೊಂದಿದೆ. ಮೂಲ ಸಿನಿಮಾದಲ್ಲಿ ಅನ್ನಾ ಬೆನ್ ಅದ್ಭುತವಾಗಿ ನಟಿಸಿದ್ದರು. ಹಿಂದಿಯಲ್ಲಿ ಈ ಸಿನಿಮಾ ರೀಮೇಕ್ ಅಗುತ್ತಿದ್ದು, ಸಿನಿಮಾದಲ್ಲಿ ಜಾಹ್ನವಿ ಕಪೂರ್ ನಟಿಸುತ್ತಿದ್ದಾರೆ.

ಹಿಟ್: ತೆಲುಗಿನ 'ಹಿಟ್' ಸಿನಿಮಾ ಹಲವರನ್ನು ಆಶ್ಚರ್ಯಗೊಳಿಸಿತ್ತು. ಹೊಸ ತಂಡ ಒಂದು ಅತ್ಯುತ್ತಮ ಥ್ರಿಲ್ಲರ್ ಸಿನಿಮಾವನ್ನು 'ಹಿಟ್' ಮೂಲಕ ಕಟ್ಟಿಕೊಟ್ಟಿತ್ತು. ಈಗ ಈ ಸಿನಿಮಾ ಹಿಂದಿಗೆ ರೀಮೇಕ್ ಆಗುತ್ತಿದೆ. ಹಿಂದಿ ಸಿನಿಮಾದಲ್ಲಿ ನಾಯಕನಾಗಿ ರಾಜಕುಮಾರ್ ರಾವ್ ನಟಿಸುತ್ತಿದ್ದಾರೆ. ನಾಯಕಿಯಾಗಿ ಸಾನ್ಯಾ ಮಲ್ಹೋತ್ರಾ ನಟಿಸುತ್ತಿದ್ದಾರೆ.

ಜೆರ್ಸಿ: ತೆಲುಗಿನಲ್ಲಿ ನ್ಯಾಚುರಲ್ ಸ್ಟಾರ್ ನಾನಿ, ಹಾಗೂ ಶ್ರದ್ಧಾ ಶ್ರೀನಾಥ್ ಅಭಿನಯಿಸಿದ್ದ ಜೆರ್ಸಿ ಸಿನಿಮಾ ಸೂಪರ್ ಹಿಟ್ ಆಗಿತ್ತು. ಈಗ ಇದೇ ಹೆಸರಿನಲ್ಲಿ ಬಾಲಿವುಡ್ನಲ್ಲಿ ಸಿನಿಮಾ ರಿಮೇಕ್ ಆಗುತ್ತಿದ್ದು, ನಾಯಕನಾಗಿ ಶಾಹಿದ್ ಕಪೂರ್ ಕಾಣಿಸಿಕೊಂಡಿದ್ದಾರೆ.

ಖೈದಿ: ಕಾರ್ತಿ ಅಭಿನಯದ ತಮಿಳು ಸೂಪರ್ ಹಿಟ್ ಸಿನಿಮಾ ಖೈದಿ ಸಹ ಬಾಲಿವುಡ್ ಗೆ ರೀಮೇಕ್ ಆಗುತ್ತಿದೆ.. ಕಾರ್ತಿ ನಟಿಸಿದ ಪಾತ್ರದಲ್ಲಿ ಅಜಯ್ ದೇವಗನ್ ಹಿಂದಿ ರಿಮೇಕ್ ನಲ್ಲಿ ನಟಿಸಲಿದ್ದಾರೆ.

ಅಲಾ ವೈಕುಂಟಪುರಂಲೋ: ತೆಲುಗಿನ ಸೂಪರ್ ಹಿಟ್ ಸಿನಿಮಾ ಅಲಾ ವೈಕುಂಟಪುರಂಲೋ ಸಿನಿಮಾವನ್ನು ಹಿಂದಿಗೆ ರೀಮೇಕ್ ಮಾಡಲಾಗುತ್ತಿದೆ. ಹಿಂದಿ ಸಿನಿಮಾಕ್ಕೆ ಶೆಹಜಾದ ಎಂದು ಹೆಸರಿಟ್ಟಿದ್ದು, ತೆಲುಗಿನಲ್ಲಿ ಅಲ್ಲು ಅರ್ಜುನ್ ನಿರ್ವಹಿಸಿದ್ದ ಪಾತ್ರವನ್ನು ಹಿಂದಿಯಲ್ಲಿ ಕಾರ್ತಿಕ್ ಆರ್ಯನ್ ನಿರ್ವಹಿಸುತ್ತಿದ್ದಾರೆ.

ಯೂ ಟರ್ನ್: ಕನ್ನಡದಲ್ಲಿ ಲೂಸಿಯಾ ಪವನ್ ನಿರ್ದೇಶಿಸಿ ಶ್ರದ್ಧಾ ಶ್ರೀನಾಥ್ ನಟಿಸಿದ್ದ ಲೂಸಿಯಾ ಸಿನಿಮಾ ಕನ್ನಡದಲ್ಲಿ ಸಾಕಷ್ಟು ಸದ್ದು ಮಾಡಿತ್ತು.. ಅಲ್ಲದೆ ಈ ಸಿನಿಮಾ ಬೆಂಗಾಲಿಯಲ್ಲಿ 'ಫ್ಲೈ ಓವರ್' ಹೆಸರಿನಲ್ಲಿ ಶ್ರೀಲಂಕನ್ ಭಾಷೆಯಲ್ಲಿ 'ಯೂ ಟರ್ನ್' ಎಂದು, ಫಿಲಿಫಿನೊ ಭಾಷೆಯಲ್ಲಿ 'ಯೂ ಟರ್ನ್' ಎಂದು ರೀಮೇಕ್ ಆಗಿದೆ. ಸದ್ಯ ಬಾಲಿವುಡ್ಗೆ ಈ ಸಿನಿಮಾ ರಿಮೇಕ್ ಆಗುತ್ತಿದ್ದು, ಎಕ್ತ ಕಪೂರ್ ಈ ಸಿನಿಮಾ ನಿರ್ಮಾಣ ಮಾಡುತ್ತಿದ್ದಾರೆ.

ವಿಕ್ರಂ ವೇದ: ತಮಿಳಿನ ಸೂಪರ್ ಹಿಟ್ ಸಿನಿಮಾ ವಿಕ್ರಂ ವೇದ ಕೂಡ ಹಿಂದಿಗೆ ರಿಮೇಕ್ ಆಗುತ್ತಿದೆ. ವಿಜಯ್ ಸೇತುಪತಿ ಪಾತ್ರದಲ್ಲಿ ಹೃತಿಕ್ ರೋಷನ್ ಕಾಣಿಸಿಕೊಳ್ಳುತ್ತಿದ್ರೆ,ಮಾಧವನ್ ಪಾತ್ರದಲ್ಲಿ ಸೈಫ್ ಆಲಿಖಾನ್ ಕಾಣಿಸಿಕೊಳ್ಳುತ್ತಿದ್ದಾರೆ.