Roopesh Shetty: 'ಸರ್ಕಸ್' ಮೂಲಕ ತೆರೆಗೆ ಬರಲು ಸಜ್ಜಾದ ರೂಪೇಶ್ ಶೆಟ್ಟಿ, ಚಿತ್ರದ ಟೈಟಲ್ ಟ್ರ್ಯಾಕ್ ರಿಲೀಸ್

ಬಿಗ್ ಬಾಸ್ ಸೀಸನ್ 09 ಈ ಬಾರಿ ವಿಶೇಷತೆಯಿಂದ ಕೂಡಿತ್ತು. ಪ್ರವೀಣರು, ನವೀನರು ಎಂಬ 2 ವಿಭಾಗ ಇತ್ತು. ಎಲ್ಲರಿಗೂ ಸ್ಪರ್ಧೆ ನೀಡಿ ರೂಪೇಶ್ ಶೆಟ್ಟಿ ಬಿಗ್ ಬಾಸ್ ಪಟ್ಟ ಅಲಂಕರಿಸಿದ್ದರು.

ರೂಪೇಶ್ ಶೆಟ್ಟಿ ತುಳು ಚಿತ್ರರಂಗದ ಪ್ರತಿಭೆ. 'ಗಿರ್‌ಗಿಟ್' ಎಂಬ ಬ್ಲಾಕ್ ಬಸ್ಟರ್ ಸಿನಿಮಾದ ಮೂಲಕ ಯಶಸ್ಸು ಗಳಿಸಿದ್ದಾರೆ. ಈಗ 'ಸರ್ಕಸ್' ಎಂಬ ತುಳು ಚಿತ್ರದಲ್ಲಿ ನಟಿಸುವುದರ ಜೊತೆಗೆ ಆಕ್ಷನ್ ಕಟ್ ಹೇಳಿದ್ದಾರೆ.

'ಸರ್ಕಸ್' ಚಿತ್ರದ ಟೈಟಲ್ ಟ್ರ್ಯಾಕ್ ಶನಿವಾರ ಅದ್ಧೂರಿಯಾಗಿ ರಿಲೀಸ್ ಆಗಿದೆ. ಮಂಗಳೂರಿನ ಬಿಗ್ ಸಿನಿಮಾಸ್‍ನಲ್ಲಿ ರಿಲೀಸ್ ಆಯ್ತು. ತುಂಬಾ ಜನ ನೆರೆದಿದ್ದರು.

ರಿಲೀಸ್ ಆದ ಸರ್ಕಸ್ ಹಾಡು ಸಖತ್ ಕಲರ್‌ಫುಲ್ ಆಗಿದೆ. ಐoಥಿ Loy Valentine Saldanha ಸಂಗೀತ ನೀಡಿದ್ದಾರೆ. ಈ ಸಿನಿಮಾ ಟೈಟಲ್ ಸಾಂಗ್‍ಗೆ ರೂಪೇಶ್ ಶೆಟ್ಟಿ ಸಾಹಿತ್ಯ ಬರೆದಿದ್ದಾರೆ, ಚಂದನ್ ಶೆಟ್ಟಿ ಹಾಡಿದ್ದಾರೆ.

ರೂಪೇಶ್ ಶೆಟ್ಟಿ ಸರ್ಕಸ್ ಸಿನಿಮಾದಲ್ಲಿ ನಟಿಸುವುದರ ಜೊತೆಗೆ ನಿರ್ದೇಶನವನ್ನೂ ಮಾಡಿದ್ದಾರೆ. ರೂಪೇಶ್ ಜೊತೆಗೆ ರಚನಾ ರೈ, ಯಶ್ ಶೆಟ್ಟಿ, ಅರವಿಂದ್ ಬೋಳಾರ್, ನವೀನ್ ಡಿ ಪಡೀಲ್ ಮುಂತಾದವರು ಅಭಿನಯಿಸಿದ್ದಾರೆ.

'ಸರ್ಕಸ್' ಸಿನಿಮಾದಲ್ಲಿ 3 ಹಾಡುಗಳಿವೆ. ಇಂದು ಟೈಟಲ್ ಸಾಂಗ್ ರಿಲೀಸ್ ಆಗಿದೆ. ಬಿಗ್ ಬಾಸ್‍ಗೆ ಹೋದ ಕಾರಣ ಸಿನಿಮಾ ರಿಲೀಸ್ ತಡವಾಯ್ತು ಎಂದು ರೂಪೇಶ್ ಶೆಟ್ಟಿ ಹೇಳಿದ್ದಾರೆ.

ಜೂನ್ 23 ರಂದು 'ಸರ್ಕಸ್' ಸಿನಿಮಾ ರಿಲೀಸ್ ಆಗಲಿದೆ. ಮೇ 28 ರಂದು ವಲ್ರ್ಡ್ ಪ್ರೀಮಿಯರ್ ಮಾಡುವ ಪ್ಲಾನ್ ಇದೆ ಎಂದು ನಟ ರೂಪೇಶ್ ಶೆಟ್ಟಿ ಹೇಳಿದ್ದಾರೆ.

ದುಬೈ, ಕುವೈತ್, ಕತಾರ್, ಮುಂಬೈ, ಹೈದರಾಬಾದ್, ಗೋವಾ, ಮೈಸೂರು, ಬೆಂಗಳೂರು, ಉಡುಪಿ, ಮಣಿಪಾಲ್‍ನಲ್ಲೂ 'ಸರ್ಕಸ್' ಪ್ರೀಮಿಯರ್ ಮಾಡಬೇಕು ಅಂದುಕೊಂಡಿದ್ದೇವೆ ಎಂದಿದ್ದಾರೆ ರೂಪೇಶ್ ಶೆಟ್ಟಿ ಹೇಳಿದ್ದಾರೆ