Shain Shetty: ಯಶಸ್ಸಿನ ಹಾದಿಯಲ್ಲಿ ಗಲ್ಲಿ ಕಿಚನ್, ಧನ್ಯವಾದ ಹೇಳಿದ ಶೈನ್ ಶೆಟ್ಟಿ

ನಟ, ಬಿಗ್ ಬಾಸ್ ಸೀಸನ್ 07 ರ ವಿನ್ನರ್ ಶೈನ್ ಶೆಟ್ಟಿ ಅವರ ಗಲ್ಲಿ ಕಿಚನ್ ಯಶಸ್ಸಿನ ಹಾದಿಯಲ್ಲಿ ಸಾಗುತ್ತಿದೆ. 2019ರಿಂದ ಸಹಕರಿಸಿದ ಎಲ್ಲರಿಗೂ ಶೈನ್ ಅವರು ಧನ್ಯವಾದ ತಿಳಿಸಿದ್ದಾರೆ.

2019 ರಲ್ಲಿ ಸಣ್ಣದೊಂದು ಗಾಡಿಯಲ್ಲಿ ನನ್ನನ್ನು ಸೇರಿ ಇಬ್ಬರೇ ಕೆಲಸಗಾರರಿಂದ ಬನಶಂಕರಿ 2ನೇ ಹಂತದಲ್ಲಿ ಯಾವುದೇ ಮುಂದಾಲೋಚನೆಗಳಿಲ್ಲದೆ ಶುರುವಾದ ನನ್ನ ಈ ಗಲ್ಲಿ ಕಿಚನ್ ನ ಪಯಣ ಶುರುವಾಯ್ತು ಎಂದು ಶೈನ್ ಶೆಟ್ಟಿ ಪೋಸ್ಟ್ ಹಾಕಿಕೊಂಡಿದ್ದಾರೆ.

ಗಲ್ಲಿ ಕಿಚನ್ ಇಂದು ಗುರು ಹಿರಿಯರು ನಿಮ್ಮೆಲ್ಲರ ಪ್ರೀತಿ ಆಶೀರ್ವಾದದಿಂದ ಒಂದು ರೆಸ್ಟೋರೆಂಟ್ ಆಗಿ ರಾಜರಾಜೇಶ್ವರಿ ನಗರದಲ್ಲಿ ಮುನ್ನಡೆಯುತ್ತಿದೆ. ಬನಶಂಕರಿ ಶಾಖೆಯ ಉದ್ಘಾಟನೆಗೆ ಬಂದಾಗ ಪುನೀತ್ ಅವರು ಹೇಳಿದ ಮಾತು ನನಗೆ ಸ್ಫೂರ್ತಿ ಎಂದು ಶೈನ್ ಹೇಳಿದ್ದಾರೆ.

ಅಲ್ಲದೇ ರಾಜರಾಜೇಶ್ವರಿ ನಗರದ ರೆಸ್ಟೋರೆಂಟ್ ಉದ್ಘಾಟನೆಗೆ ಬಂದು ಸಹಕರಿಸಿದ ಅಶ್ವಿನಿ ಪುನೀತ್ ರಾಜ್‍ಕುಮಾರ್ ಗೆ ಧನ್ಯವಾದ ಎಂದು ಶೈನ್ ಶೆಟ್ಟಿ ಖುಷಿ ಹಂಚಿಕೊಂಡಿದ್ದಾರೆ.

ನಾನು ಇವತ್ತು ಏನೇ ಏಳಿಗೆಯನ್ನು ನೋಡುತಿದ್ದರು ಇದಕ್ಕೆ ಕಾರಣ ನನ್ನ ತಾಯಿ, ಕುಟುಂಬದವರು, ಸ್ನೇಹಿತರು ನನಗೆ ನೀಡಿದ ಬೆಂಬಲ ,ಬಿಗ್ ಬಾಸ್ ನ ಅವಕಾಶದ ಮೂಲಕ ನಾನು ಗಳಿಸಿದ ಜನರ ಪ್ರೀತಿ ಎಂದು ಪೋಸ್ಟ್ ಹಾಕಿಕೊಂಡಿದ್ದಾರೆ.

ಶೈನ್ ಶೆಟ್ಟಿ ಅವರ ಗಲ್ಲಿ ಕಿಚನ್‍ನಲ್ಲಿ ಎಲ್ಲಾ ಊಟ, ತಿಂಡಿಗಳು ತುಂಬಾ ರುಚಿಯಾಗಿರತ್ತೆ ಎಂದು ಹಲವರು ಹೇಳಿದ್ದಾರೆ. ತುಂಬಾ ಜನ ಟೇಸ್ಟ್ ಮಾಡಲು ಹೋಗ್ತಾರೆ.

ಶೈನ್ ಶೆಟ್ಟಿ ಅವರು ನಟನೆ ಜೊತೆಗೆ ಗಲ್ಲಿ ಕಿಚನ್ ಸಹ ನೋಡಿಕೊಳ್ತಾ ಇದ್ದಾರೆ. ಶೂಟಿಂಗ್ ಇಲ್ಲದ ಟೈಮ್‍ನಲ್ಲಿ ಹೋಟೆಲ್‍ನಲ್ಲಿ ಹೆಚ್ಚಾಗಿ ಕಾಲ ಕಳೆಯುತ್ತಾರೆ.

ಶೈನ್ ಶೆಟ್ಟಿ ಅವರು ಇದೇ ರೀತಿ ಇನ್ನೂ ಗಲ್ಲಿ ಕಿಚನ್ ರೆಸ್ಟೋರೆಂಟ್‍ಗಳನ್ನು ಬೇರೆ ಬೇರೆ ಕಡೆ ತೆರೆಯುವ ಯೋಚನೆಯಲ್ಲಿದ್ದಾರೆ. ಅಭಿಮಾನಿಗಳು ಆಲ್ ದಿ ಬೆಸ್ಟ್ ಹೇಳಿದ್ದಾರೆ.