Sonu Gowda: ಕಾಂತಾರ ನೋಡಿ ಚಳಿ-ಜ್ವರ ಬಂದಿತ್ತಂತೆ ಸೋನುಗೌಡಗೆ!

ಕಾಂತಾರ ಸಿನಿಮಾ ದೇಶಾದ್ಯಂತ ಹೆಸರು ಮಾಡಿತ್ತು. ಕನ್ನಡ ಮಾತ್ರ ಅಲ್ಲ, ಬೇರೆ ಬೇರೆ ಭಾಷೆಯಲ್ಲೂ ಮೋಡಿ ಮಾಡಿತ್ತು. ಕಾಂತಾರ ನೋಡಿ ಮೆಚ್ಚದವರಿಲ್ಲ. ಎಲ್ಲರೂ ರಿಷಬ್ ಶೆಟ್ಟಿಯ ಅದ್ಭುತ ನಟನೆ ಯನ್ನು ಹಾಡಿ ಹೊಗಳಿದ್ದರು.

ಕನ್ನಡದ ಬ್ಲಾಕ್ ಬಸ್ಟರ್ ಸಿನಿಮಾ ಕಾಂತಾರ ಹಲವು ದಾಖಲೆಯನ್ನು ಬ್ರೇಕ್ ಮಾಡಿದೆ. ರಿಷಬ್ ಶೆಟ್ಟಿ ನಿರ್ದೇಶನ, ಸಿನಿಮಾ ಮೇಕಿಂಗ್, ನಟನೆ ಬಗ್ಗೆ ವಿವಿಧ ಸಿನಿಮಾ ರಂಗಗಳ ಗಣ್ಯರು ಪ್ರತಿಕ್ರಿಯೆ ನೀಡಿ ಪ್ರಶಂಸೆ ವ್ಯಕ್ತಪಡಿಸಿದ್ದಾರೆ.

ಸೆಪ್ಟೆಂಬರ್ 30 ರಂದು ಕನ್ನಡ, ಅಕ್ಟೋಬರ್ 14 ರಂದು ಹಿಂದಿ ಭಾಷೆಯಲ್ಲಿ ಬಿಡುಗಡೆಯಾಗಿದ್ದ ಕಾಂತಾರ ಸಿನಿಮಾ ಹಲವು ದಾಖಲೆಗಳನ್ನು ನಿರ್ಮಿಸಿತ್ತು. ನಿರ್ಮಾಣ ಸಂಸ್ಥೆ ಹೆಂಬಾಳೆ ಫಿಲ್ಮ್ಸ್ ಗೆ ಭಾರೀ ಹೆಸರನ್ನು ತಂದುಕೊಟ್ಟಿದೆ.

ಎಲ್ಲರೂ ಆಲ್ ಮೋಸ್ಟ್ ಈ ಸಿನಿಮಾ ನೋಡಿದ್ದಾರೆ. ಬಿಗ್ ಬಾಸ್ ಓಟಿಟಿ ಸ್ಪರ್ಧಿ ಸೋನು ಗೌಡ ಈ ಸಿನಿಮಾ ನೋಡಿ ಚಳಿ ಜ್ವರ ಬಂದು ಮಲಗಿದ್ದರಂತೆ.

ಓಟಿಟಿಯಿಂದ ಔಟ್ ಆಗಿ ಬಂದು ಸೋನುಗೆ ಸ್ನೇಹಿತರು ಕಾಂತಾರ ಸಿನಿಮಾ ನೋಡಲು ಸಲಹೆ ನೀಡಿದ್ರಂತೆ. ಅದರಂತೆ ಅಕ್ಕನ ಜೊತೆ ಸಿನಿಮಾಗೆ ಹೋಗಿದ್ರಂತೆ. ಬಂದ ಮೇಲೆ ಚಳಿ ಜ್ವರ ಬಂದು ಮಲಗಿದ್ರಂತೆ.

ಮೊದ ಮೊದಲು ಮಂಗಳೂರು ಭಾಷೆ ಅರ್ಥ ಆಗಲಿಲ್ಲ, ಹೋಗ್ತಾ ಹೋಗ್ತಾ ಸಿನಿಮಾ ತುಂಬಾ ಇಷ್ಟ ಆಯ್ತು. ಕೊನೆ 20 ನಿಮಿಷ ಅದ್ಭುತವಾಗಿದೆ ಎಂದು ಸೋನು ಹೇಳಿದ್ದಾರೆ.

ಸಿನಿಮಾ ನೋಡಿದ ಬಳಿಕ ಜ್ವರ ಬಂದು ಮಲಗಿದ್ದೆ. ಮಂಡ್ಯದಲ್ಲಿ ಒಂದು ವಾರ, ಬೆಂಗಳೂರಲ್ಲಿ ಒಂದು ವಾರ ಆಸ್ಪತ್ರೆ ಸೇರಿದ್ದೆ ಎಂದು ಸೋನು ಗೌಡ ಅವರು ಹೇಳಿದ್ದಾರೆ.

ಸೋನು ಗೌಡ ಅವರ ವೈಯಕ್ತಿಕ ವಿಡಿಯೋ ಒಂದು ಲೀಕ್ ಆಗಿ, ಅದರಿಂದ ಸೋನು ಕುಖ್ಯಾತಿ ಹೊಂದಿದ್ದರು. ಇನ್ನೊಂದು ವಿಡಿಯೋ ಯಾವಾಗ ರಿಲೀಸ್ ಆಗುತ್ತೋ ಗೊತ್ತಿಲ್ಲ ಎಂದು ಇತ್ತಿಚೇಗೆ ಹೇಳಿದ್ದರು.