Akshatha Kukki Marriage: ದಾಂಪತ್ಯ ಜೀವನಕ್ಕೆ ಕಾಲಿಟ್ಟ ಬಿಗ್ ಬಾಸ್ ಚೆಲುವೆ ಅಕ್ಷತಾ ಕುಕಿ!

ಕನ್ನಡದ ಬಿಗ್ ಬಾಸ್ ಚೆಲುವೆ ಅಕ್ಷತಾ ಕುಕಿ ಮಾರ್ಚ್ 27ರ ಸೋಮವಾರದಂದು ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದಾರೆ. ಅವಿನಾಶ್ ಎಂಬವರ ಜೊತೆ ತಮ್ಮ ಮದುವೆ ಜೀವನ ಆರಂಭಿಸಿದ್ದಾರೆ.

ನಟಿ ಅಕ್ಷತಾ ಕುಕಿ ಬೆಳಗಾವಿಯಲ್ಲಿ ಗುರುಹಿರಿಯರು, ಆಪ್ತರ ಸಮ್ಮುಖದಲ್ಲಿ ಅದ್ದೂರಿಯಾಗಿ ಮದುವೆ ಆಗಿದ್ದಾರೆ. ಮನೆಯವರು ನೋಡಿ ನಿಶ್ಚಯ ಮಾಡಿದ ವರ ಅವಿನಾಶ್.

ಹೊಸ ಬಾಳಿಗೆ ಕಾಲಿಟ್ಟಿರುವ ಅಕ್ಷತಾ ಕುಕಿ, ಅವಿನಾಶ್ ಜೋಡಿಗೆ ಕಿರುತೆರೆ ಕಲಾವಿದರು, ಸ್ನೇಹಿತರು, ಫ್ಯಾನ್ಸ್ ಶುಭಕೋರುತ್ತಿದ್ದಾರೆ. ನಿಮ್ಮ ಜೀವನ ಸುಖವಾಗಿರಲಿ ಎಂದು ವಿಶ್ ಮಾಡಿದ್ದಾರೆ. ಗುರುಹಿರಿಯರು ನಿಶ್ಚಯಿಸಿದ ವರನ ಜೊತೆ ಎರಡು ತಿಂಗಳ ಹಿಂದೆ ಎಂಗೇಜ್‌ಮೆಂಟ್ ಆಗಿತ್ತು.

ಅಕ್ಷತಾ ಅವರು ಮದುವೆಯಾದ ಹುಡುಗನ ಹೆಸರು ಅವಿನಾಶ್. ಖಾಸಗಿ ಕಂಪನಿಯೊಂದರಲ್ಲಿ ಇಂಜಿನಿಯರ್ ಆಗಿ ಕೆಲಸ ಮಾಡ್ತಾ ಇದ್ದಾರೆ. ಅಕ್ಷತಾ ಕೆಲವು ಸೀರಿಯಲ್ ಮಾಡಲು ನಿರ್ಧಾರ ಮಾಡಿದ್ದಾರೆ.

ಇದೇ ಮೊದಲ ಬಾರಿಗೆ ಬಿಗ್ ಬಾಸ್ ಓಟಿಟಿ ಸೀಸನ್ ಶುರು ಮಾಡಲಾಗಿತ್ತು. ಬಿಗ್ ಬಾಸ್ ಓಟಿಟಿಗೆ ನಟಿ ಅಕ್ಷತಾ ಕುಕ್ಕಿ ಸಹ ಸ್ಪರ್ಧಿಯಾಗಿ ಬಂದಿದ್ದರು. ವೋಟ್‍ನಲ್ಲಿ ಶೋ ನೋಡಿ ಜನ ಮೆಚ್ಚಿಕೊಂಡಿದ್ದರು.

ಅಕ್ಷತಾ ಕುಕ್ಕಿ ಅವರು ಸೀರಿಯಲ್ ಮತ್ತು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಧ್ರುವ ಸರ್ಜಾ ಅವರ ಮಾರ್ಟಿನ್ ಚಿತ್ರದಲ್ಲಿ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ.

ಮದುವೆ ಆದ ಮೇಲೆ ಸಾಕಷ್ಟು ಜನ ಬಣ್ಣದ ಲೋಕಕ್ಕೆ ಗುಡ್ ಬೈ ಹೇಳ್ತಾರೆ. ಅಕ್ಷತಾ ಅವರು ಮತ್ತೆ ನಟಿಸುತ್ತಾರೋ, ಇಲ್ವೋ ಎಂದು ಅಭಿಮಾನಿಗಳು ಕೇಳ್ತಾ ಇದ್ದಾರೆ.

ಅಕ್ಷತಾ ಕುಕಿ ಅವರು ಮದುವೆಯಾದ್ರೂ ನಟಿಸುವುದಾಗಿ ಹೇಳಿದ್ದರು. ಮುಂದೆ ಸಿನಿಮಾನಾ, ಧಾರಾವಾಹಿನಾ ನೊಡಬೇಕು. ಅಂತೂ ಅಭಿಮಾನಿಗಳು ಇವರನ್ನು ತೆರೆ ಮೇಲೆ ನೋಡಲು ಕಾಯ್ತಾ ಇದ್ದಾರೆ.