Bigg Boss Kannada 8: ಪ್ರಶಾಂತ್​ ಸಂಬರಗಿ ಮೇಲೆ ಕೈ ಎತ್ತಿದ್ದ ವಿಷಯವಾಗಿ ಕಿಚ್ಚನ ಕೈಯಲ್ಲಿ ಬುದ್ಧಿ ಹೇಳಿಸಿಕೊಂಡ ವೈಷ್ಣವಿ ಗೌಡ..!

ವಾರಾಂತ್ಯ ಬಂತೆಂದರೆ ಸಾಲು ಕಿಚ್ಚ ಸುದೀಪ್​ ಅವರ ಸಾರಥ್ಯದಲ್ಲಿ ಇಡೀ ವಾರ ಮನೆಯಲ್ಲಿ ನಡೆದ ಘಟನೆಗಳ ಬಗ್ಗೆ ಚರ್ಚಿಸಲಾಗುತ್ತದೆ. ಯಾರು ಏನು ಮಾಡಿದರು, ಯಾವುದು ತಪ್ಪು, ಯಾರಿಗೆ ಬೇಸರವಾಯಿತು ಹಾಗೂ ನಡೆದ ಕಾಮಿಡಿ ಘಟನೆಗಳು ಎಲ್ಲವನ್ನೂ ಮತ್ತೊಮ್ಮೆ ನೆನೆಪಿಸಲಾಗುತ್ತದೆ.

ನಿನ್ನೆಯ ಸಂಚಿಕೆಯಲ್ಲಿ ಚರ್ಚೆಗೆ ಬಂಧ ಪ್ರಮುಖ ವಿಷಯಗಳಲ್ಲಿ ವೈಷ್ಣವಿ ಗೌಡ ಅವರದ್ದೂ ಒಂದು ವಿಷಯವಿತ್ತು.

ಕ್ಯಾಪ್ಟನ್ಸಿ ಟಾಸ್ಕ್​ನಲ್ಲಿ ಅರ್ಹತೆ ಪಡೆಯಲು ನಡೆಯುತ್ತಿದ್ದ ಟಾಸ್ಕ್​ ಒಂದರಲ್ಲಿ ವೈಷ್ಣವಿ ಅವರು ತಾಳ್ಮೆ ಕಳೆದುಕೊಂಡು ಪ್ರಶಾಂತ್​ ಅವರ ಮೇಲೆ ಕೈ ಎತ್ತಿದ್ದರು.

ಆಟವಾಡುವಾಗ ಪ್ರಶಾಂತ್​ ಅವರು ಏನೂ ತಪ್ಪು ಮಾಡದ ಪ್ರಶಾಂತ್​ ಅವರ ಮೇಲೆ ರೇಗಿದ್ದ ವೈಷ್ಣವಿ, ಕೈ ಎತ್ತುತ್ತಾರೆ. ಇಷ್ಟಾದರೂ ಪ್ರಶಾಂತ್​ ವೈಷ್ಣವಿ ಅವರನ್ನು ಒಂದು ಮಾತೂ ಹೇಳದೆ ಸುಮ್ಮನಾಗುತ್ತಾರೆ.

ಈ ವಿಷಯದ ಬ್ಗಗೆ ಮಾತನಾಡುವ ಕಿಚ್ಚ ಸುದೀಪ್​, ವೈಷ್ಣವಿ ನಡೆದುಕೊಂಡ ರೀತಿಯ ಬಗ್ಗೆ ಟೀಕಿಸುತ್ತಾರೆ. ನೀವು ಮಾಡಿದ್ದು ನಿಮಗೆ ಸೂಕ್ತವಲ್ಲ ಎಂದು ಹೇಳುತ್ತಾರೆ.

ಪ್ರಶಾಂತ್ ಅವರು ನಿಮಗೆ ಏನೂ ಹೇಳದೆ ಸುಮ್ಮನಾಗಿದ್ದನ್ನು ನೋಡಿದರೆ, ಅವರು ಏನೆಂದು ಅರ್ಥವಾಗುತ್ತದೆ ಎಂದು ಹೇಳುತ್ತಾರೆ.

ಕಿಚ್ಚ ಸುದೀಪ್​ ಬುದ್ಧಿ ಹೇಳುತ್ತಿದ್ದಂತೆಯೇ ವೈಷ್ಣವಿ ಅಲ್ಲೇ ಮತ್ತೆ ಕ್ಷಮೆ ಕೇಳುತ್ತಾರೆ.

ವೈಷ್ಣವಿ ಕ್ಷಮೆ ಕೇಳುತ್ತಿದ್ದಂತೆಯೇ ಕಿಚ್ಚ ಸುದೀಪ್​, ಕ್ಷಮೆ ಕೇಳುವುದು ಬೇಡ. ಆಟವಾಡುವಾಗ ಹೀಗೆ ಆಗುವುವುದ ಸಹಜ, ಆದರೆ ನಿಮ್ಮ ವರ್ತನೆ ಹೇಗಿರಬೇಕೆಂದು ತಾಳ್ಮೆಯಿಂದ ನಿರ್ಧರಿಸಿ ಎಂದಿದ್ದಾರೆ.

ವೈಷ್ಣವಿ ಈ ವಾರ ಮನೆಯಿಂದ ಹೊರ ಹೋಗಲು ನಾಮಿನೇಟ್ ಆಗಿಲ್ಲ.

ಜೊತೆಗೆ ಈ ವಾರ ಪ್ರಶಾಂತ್ ಸಂಬರಗಿ ಅವರಿಗೆ ಕಳಪೆ ಎಂದು ಮತ ಹಾಕಿದ್ದಕ್ಕೆ, ಪ್ರಶಾಂತ್​ ಅವರಿಂದ ಕೊಂಚ ಟೀಕೆಗೊಳಗಾಗಿದದಾರೆ.

ಪ್ರಶಾಂತ್​ ಅವರ ಜೊತೆಗಿನ ಮಾತುಕತೆಯಿಂದಾಗಿ ವೈಷ್ಣವಿ ಕೊಂಚ ನೊಂದಿದ್ದು, ಕಣ್ಣೀರಿಟ್ಟಿದ್ದಾರೆ.