Bigg Boss Kannada Season 8 Finale: ನಾಲ್ಕನೇ ಸ್ಥಾನಕ್ಕೆ ತೃಪ್ತಿ ಪಟ್ಟುಕೊಂಡ ವೈಷ್ಣವಿ ಗೌಡ

17 ವಾರಗಳ ಕಾಲ ನಡೆದ  72 ದಿನಗಳ ಮೊದಲ ಇನ್ನಿಂಗ್ಸ್​ ಹಾಗೂ 48 ದಿನಗಳ ಸೆಕೆಂಡ್​​ ಇನ್ನಿಂಗ್ಸ್​ ಜರ್ನಿ, ಒಟ್ಟಾರೆ 120 ದಿನಗಳ ಭರ್ಜರಿ ಪ್ರಯಾಣ ವೈಷ್ಣವಿ ಅವರ ಪಾಲಿಗೆ ಕೊನೆಗೊಂಡಿದೆ.

ಬಿಗ್​ ಬಾಸ್​ ಮನೆಯ ರೇಷ್ಮಕ್ಕ ಈಗ ನಾಲ್ಕನೇ ಸ್ಥಾನಕ್ಕೆ ತೃಪ್ತಿ ಪಟ್ಟುಕೊಂಡು ಮನೆಯಿಂದ ಹೊರ ಬಂದಿದ್ದಾರೆ.

ಪ್ರಶಾಂತ್ ಸಂಬರಗಿ ಅವರು 5ನೇ ಸ್ಥಾನ ಪಡೆದು ಮನೆಯಿಂದ ಆಚೆ ಬಂದ ನಂತರ ವೈಷ್ಣವಿ ಆಟದಿಂದ ಹೊರ ಬಂದಿದ್ದಾರೆ.

ನಾಲ್ಕನೇ ಸ್ಥಾನ ಪಡೆದ ವೈಷ್ಣವಿ ಅವರಿಗೆ ಬಹುಮಾನವಾಗಿ 3.5 ಲಕ್ಷ ಸಿಕ್ಕಿದೆ.

ವೈಷ್ಣವಿ ಅವರಿಗೆ 10 ಲಕ್ಷದ 21 ಸಾವಿರದ 831 ವೋಟ್​ ಸಿಕ್ಕಿದೆ.

ವೈಷ್ಣವಿ ಅವರು ನಾಳಿನ ಸಂಚಿಕೆಯಲ್ಲಿ ಸುದೀಪ್ ಅವರೊಂದಿಗೆ ವೇದಿಕೆ ಹಂಚಿಕೊಳ್ಳಲಿದ್ದಾರೆ.

ಸದ್ಯ ಮಂಜು, ಅರವಿಂದ್ ಹಾಗೂ ದಿವ್ಯಾ ಉರುಡುಗ ಅವರು ಟಾಪ್​ 3ಯಲ್ಲಿದ್ದಾರೆ.

ವೈಷ್ಣವಿ ಅವರು ಒಟ್ಟಾರೆ ತಮ್ಮ ಜರ್ನಿಯಲ್ಲಿ ಮೊದಲ ಇನ್ನಿಂಗ್ಸ್​ನಲ್ಲಿ ಟಾಸ್ಕ್​ಗಳನ್ನು ಕೊಂಚ ಸೀರಿಯಸ್​ ಆಗಿ ತೆಗೆದುಕೊಳ್ಳದೇ ಇರುವುದು ಒಂದು ವೀಕ್​ ಪಾಯಿಂಟ್ ಆಯಿತು ಎನ್ನಲಾಗುತ್ತಿದೆ.

ಟಾಸ್ಕ್​ ವಿಷಯದಲ್ಲಿ ಕಾರಣವಿಲ್ಲದೆ ಪ್ರಶಾಂತ್ ಸಂಬರಗಿ ಅವರ ಮೇಲೆ ಕೈ ಎತ್ತುವ ಮೂಲಕ ಕೊಂಚ ಟೀಕೆಗೆ ಗುರಿಯಾಗಿದ್ದರು.

ವೈಷ್ಣವಿ ಅವರ ಎಲಿಮಿನೇಷನ್​ ಈಗ ಉಳಿದಿರುವ ಸ್ಪರ್ಧಿಗಳಲ್ಲಿ ಆತಂಕ ಹೆಚ್ಚಿಸಿದೆ.

ವೈಷ್ಣವಿ ಗೆಲುವಿನ ಹೊಸ್ತಿಲಲ್ಲಿ ಇದ್ದಾಗ ಆಟದಿಂದ ಹೊರ ಬಿದ್ದಿದ್ದು ಅಭಿಮಾನಿಗಳಲ್ಲಿ ನಿರಾಶೆ ಮೂಡಿಸಿದೆ.