Bigg Boss Kannada Season 8: ಅರವಿಂದ್​-ದಿವ್ಯಾ ಉರುಡುಗ ಸ್ನೇಹದಲ್ಲಿ ಬಿರುಕು: ಕಾರಣವಾಯ್ತಾ ಆ ಒಂದು ಮಾತು..!

ದಿವ್ಯಾ ಉರುಡುಗ ಹಾಗೂ ಅರವಿಂದ್ ಕೆ ಪಿ ಅವರ ನಡುವೆ ಪುಟ್ಟದೊಂದು ಮನಸ್ತಾಪವಾಗಿದೆ.

ದಿವ್ಯಾ ಉರುಡುಗ ಅವರ ಆರೋಗ್ಯದಲ್ಲಿ ಏರುಪೇರಾದಾಗಲೆಲ್ಲ ಅರವಿಂದ್ ತುಂಬಾ ಕಾಳಜಿ ಮಾಡುತ್ತಾರೆ.

ದಿವ್ಯಾ ಉರುಡುಗ ಅವರ ಊಟ, ಔಷಧಿ ಸೇರಿದಂತೆ ಇತರೆ ಕೆಲಸಗಳ ಬಗ್ಗೆ ಅರವಿಂದ್ ಸದಾ ನೆನಪಿಸುತ್ತಾ ಮಗುವಿನಂತೆ ಆರೈಕೆ ಮಾಡುತ್ತಿರುತ್ತಾರೆ.

ಇನ್ನು ದಿವ್ಯಾ ಉರುಡುಗ ಸಹ ಯಾವುದೇ ವಿಷಯವಾದರೂ ಅರವಿಂದ್​ ಅವರ ಮಾತನ್ನು ತಳ್ಳಿ ಹಾಕುವುದಿಲ್ಲ.

ಇದೇ ಕಾರಣದಿಂದಾಗಿ ದಿವ್ಯಾ ಉರುಡುಗ ಅವರು ಅರವಿಂದ್ ಅವರ ಮೇಲೆ ತುಂಬಾ ಅವಲಂಬಿತರಾಗಿದ್ದಾರೆ ಎಂದು ಮನೆಯ ಕೆಲ ಸದಸ್ಯರು ಮಾತನಾಡಿಕೊಳ್ಳಲಾರಂಭಿಸಿದ್ದಾರೆ.

ಹೀಗಿರುವಾಗಲೇ ದಿವ್ಯಾ ಉರುಡುಗ ಅವರು ಅರವಿಂದ್ ಅವರ ಮಾತಿಗೆ ಎದುರು ಮಾತನಾಡಿದ್ದಾರೆ. ಟಾಸ್ಕ್​ ವಿಷಯದಲ್ಲಿ ತಾನು ಬಿಟ್ಟುಕೊಡುವುದಿಲ್ಲ. ಬೇಕಾದರೆ ಇಲ್ಲಿ ಬಂದು ನಿಂತುಕೊಂಡು ಆಡಲಿ ಎನ್ನುತ್ತಾರೆ ದಿವ್ಯಾ ಉರುಡುಗ. ಈ ಮಾತಿನಿಂದ ಅರವಿಂಧ್ ಬೇಸರಗೊಂಡಿದ್ದಾರೆ.

ದಿವ್ಯಾ ಉರುಡುಗ ಹೋಗಿ ಅರವಿಂದ್ ಅವರ ಬಳಿ ಮಾತನಾಡಿಸುವ ಪ್ರಯತ್ನ ಮಾಡಿದರೂ, ಅರವಿಂದ್​ ಸರಿಯಾಗಿ ಪ್ರತಿಕ್ರಿಯಿಸುವುದಿಲ್ಲ.

ನನ್ನನ್ನು ಮಾತನಾಡಿಸಲು ಇಷ್ಟ ಇಲ್ಲವಾ ಎಂದು ದಿವ್ಯಾ ಕೇಳಿದಾಗ, ಅರವಿಂದ್​ ಸದ್ಯಕ್ಕೆ ಇಲ್ಲ ಎಂದಿದ್ದಾರೆ. ಇದರ ಪ್ರೋಮೋ ರಿಲೀಸ್ ಆಗಿದ್ದು, ಮುಂದೇನಾಗಲಿದೆ ಅನ್ನೋದು ಇಂದಿನ ಸಂಚಿಕೆಯಲ್ಲಿ ತಿಳಿಯಲಿದೆ.