ನಾ ಮುಟ್ಟಿದೆಲ್ಲ ಚಿನ್ನ ಎನ್ನುತ್ತಿದ್ದಾರೆ Bigg Boss Kannada ಸೀಸನ್ 8ರ ವಿನ್ನರ್​ Manju Pavagada

ಬಿಗ್ ಬಾಸ್​ ಕನ್ನಡ ಸೀಸನ್​ 8ರಲ್ಲಿ ಹಾಸ್ಯದ ಹೊಳೆ ಹರಿಸಿದ್ದ ಮಂಜುನ ಪಾವಗಡ ಅವರು ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ಆ್ಯಕ್ಟೀವ್​ ಆಗಿದ್ದಾರೆ. ಹಾಸ್ಯ ಕಲಾವಿದ ಮಂಜು ಅವರಿಗೆ ಒಳ್ಳೆಯ ಆಫರ್​ಗಳು ಅರಸಿ ಬರುತ್ತಿವೆ.

ಇತ್ತೀಚೆಗಷ್ಟೆ ಮಂಜು ಪಾವಗಡ ಅವರು ತಮ್ಮ ಹೊಸ ಸಿನಿಮಾ ಕುರಿತಾಗಿ ಒಂದಿಷ್ಟು ಮಾಹಿತಿ ಹಂಚಿಕೊಂಡಿದ್ದರು. ಬಿಗ್ ಬಾಸ್​ ಸೀಸನ್​ 8ರಲ್ಲಿ ಸ್ಪರ್ಧಿಯಾಗಿದ್ದ ನಟ ರಾಜೀವ್ ಹನು ನಾಯಕನಾಗಿ ನಟಿಸುತ್ತಿರುವ ಸಿನಿಮಾದಲ್ಲಿ ಮಂಜು ಪಾವಗಡ ಸಹ ಅಭಿನಯಿಸುತ್ತಿದ್ದಾರೆ.

ರಾಜೀವ್​ ಹನು ಅವರು ಬಿಗ್ ಬಾಸ್​ ಮನೆಯಿಂದ ಹೊರ ಬಂದ ನಂತರ ಉಸಿರೇ ಉಸಿರೇ ಸಿನಿಮಾದಲ್ಲಿ ಅಭಿನಯಿಸುತ್ತಿದ್ದಾರೆ. ಇದೇ ಚಿತ್ರದಲ್ಲಿ ಮಂಜು ಪಾವಗಡ ಅವರೂ ಸಹ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.

ಈಗ  ಮಂಜು ಪಾವಗಡ ಅವರಿಗೆ ನಾ ಮುಟ್ಟಿದೆಲ್ಲ ಚಿನ್ನ ಎನ್ನುವ ಹಾಡಿನಲ್ಲಿ ನಟಿಸು ಅವಕಾಶ ಸಿಕ್ಕಿದೆ. ಹೌದು, ಸಂಗೀತ ರಾಜೀವ್​ ಅವರ ಈ ಹಾಡಿನಲ್ಲಿ ಮಂಜು ಹೆಜ್ಜೆ ಹಾಕಲಿದ್ದಾರೆ. 

ಈ ಖುಷಿಯಾದ ವಿಷಯವನ್ನು ಮಂಜು ಪಾವಗಡ ಹಾಗೂ ಸಂಗೀತಾ ರಾಜೀವ್ ಅವರ ಇನ್​ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ. ಮಂಜು ಅವರ ಅಭಿಮಾನಿಗಳು ನಟನಿಗೆ ಶುಭ ಕೋರುತ್ತಿದ್ದಾರೆ.

ನಾ ಮುಟ್ಟಿದ್ದೆಲ್ಲ ಚಿನ್ನ... ಈ ಹಾಡಿನಲ್ಲಿ ಒಂದು ವಿಶೇಷತೆ ಇದೆ. ನನ್ನ ಆತ್ಮೀಯ ಗೆಳೆಯ ಮಂಜು ಪಾವಗಡ ಅವರ ಸಹಭಾಗಿತ್ವವೂ ಇದೆ. ನನ್ನ ಜೊತೆ ಈ ಹಾಡಿನಲ್ಲಿ ಅವರು ಕೂಡ ನಟಿಸಲಿದ್ದಾರೆ ಎಂದೂ ಸಂಗೀತಾ ಅವರು ಪೋಸ್ಟ್​ ಮಾಡಿದ್ದಾರೆ.

ಇನ್ನು ಮಂಜು ಪಾವಗಡ ಅವರು ತಮ್ಮೊಂದಿಗೆ ಬಿಗ್ ಬಾಸ್​ ಮನೆಯಲ್ಲಿದ್ದ ಸಹ ಸ್ಪರ್ಧಿಗಳನ್ನು ಆಗಾಗ ಭೇಟಿ ಮಾಡುತ್ತಾ, ಅವರ ಜತೆಗೆ ಕಳೆದ ಕ್ಷಣಗಳನ್ನು ನೆಟ್ಟಿಗರ ಜೊತೆ ಹಂಚಿಕೊಳ್ಳುತ್ತಾ ಕಾಲ ಕಳೆಯುತ್ತಿದ್ದಾರೆ.