Bro Gowda: ಬಿಗ್​ ಬಾಸ್​ ಮನೆಯಲ್ಲಿ ಲವ್​ ಮಾಡೋದ್ರಲ್ಲೇ ಬ್ಯುಸಿಯಾದ್ರಾ ಬ್ರೋ ಗೌಡ..!

ಬ್ರೋ ಗೌಡ ಬಿಗ್​ ಬಾಸ್​ ಮನೆಗೆ ಕಾಲಿಡುತ್ತಿದ್ದಂತೆಯೇ ಲವರ್ ಬಾಯ್ ಎಂಟ್ರಿಯಾಯ್ತು ಅಂದುಕೊಂಡರು.

ಆದರೆ ಶಮಂತ್​ ಅನ್ನು ಲವರ್​ ಬಾಯ್​ ಎಂದುಕೊಂಡಿದ್ದೊಂದೇ ಬಂತು ಅವರಿಗೆ ಹುಡುಗಿ ಹೋಗಲಿ ಒಂದು ನೋಣ ಸಹ ಬೀಳಲಿಲ್ಲ ಅಂತ ಮನೆಯವ ಸದಸ್ಯರು ಆಡಿಕೊಳ್ಳುವಂತಾಗಿದೆ.

ಮನೆಗೆ ಎಂಟ್ರಿಯಾಗುತ್ತಿದ್ದಂತೆಯೇ ದಿವ್ಯಾ ಸುರೇಶ್​ ಮೇಲೆ ಕ್ರಶ್​ ಆಗಿತ್ತು ಈ ಶಮಂತ್​ ಅವರಿಗೆ.

ಆದರೆ ದಿವ್ಯಾ ಇವರತ್ತ ತಿರುಗಿಯೂ ನೋಡಲಿಲ್ಲ. ಬದಲಿಗೆ ಈ ವಿಷಯವನ್ನು ಸುದೀಪ್​ ವಾರದ ಕತೆಯಲ್ಲಿ ಬಹಿರಂಗೊಳಿಸಿದ್ರು.

ನಂತರ ಬ್ರೋ ಗೌಡ ಕಣ್ಣು ದಿವ್ಯಾ ಉರುಡುಗ ಕಡೆ ತಿರುಗಿತ್ತು.

ಅಲ್ಲೂ ಸಹ ಫಲಿತಾಂಶ ಸಕಾರಾತ್ಮಕವಾಗಿರಲಿಲ್ಲ.

ಕಳಪೆ ಪ್ರದರ್ಶನದ ವಿಷಯ ಬಂದಾಗ ಬ್ರೋ ಗೌಡ ಬಿಗ್​ ಬಾಸ್​ ಮನೆಗೆ ಪ್ರೀತಿ ಮಾಡೋಕೆ ಬಂದಿದ್ದಾರಾ..? ಜನರ ಪ್ರೀತಿ ಗಳಿಸೋಕೆ ಬಂದಿದ್ದಾರಾ ಅನ್ನೋದು ತಿಳಿಯುತ್ತಿಲ್ಲ ಎಂಬ ಆರೋಪವೂ ಕೇಳಿ ಬಂದಿತ್ತು.

ಇಷ್ಟೆಲ್ಲ ಆದರೂ, ಶಮಂತ್​ ಈಗಲೂ ಸಹ ಅವಕಾಶ ಸಿಕ್ಕರೆ ಸಾಕು ಎಲ್ಲಿ ಹುಡುಗಿಯರು ಇರುತ್ತಾರೋ ಅಲ್ಲೇ ತಮ್ಮ ಪ್ರೀತಿಯ ಬಗ್ಗೆ ಹೇಳಿಕೊಳ್ಳುತ್ತಾ ಇಂಪ್ರೆಸ್ ಮಾಡೋಕೆ ಶುರು ಮಾಡುತ್ತಾರೆ.

ಅದಕ್ಕೆ ಸ್ಪರ್ಧಿ ಗೀತಾ ಭಟ್​ ಇದು ಬಿಗ್​ ಬಾಸಾ ಅಥವಾ ಲವ್ ಬಾಸಾ ಅಂತ ಶಮಂತ್​ಗೆ ನೇರವಾಗಿಯೇ ಪ್ರಶ್ನಿಸಿದ್ದರು.

ಅದಕ್ಕೆ ಉತ್ತರಿಸಿದ್ದ ಶಮಂತ್​ ಇಲ್ಲಿ ಲವ್​ ಮಾಡುವಷ್ಟು ಸಮಯ ಇಲ್ಲ. ಏನಿದ್ದರೂ ಇಂಪ್ರೆಸ್​ ಮಾಡಲು ಪ್ರಯತ್ನಿಸಬಹುದಷ್ಟೆ ಎಂದಿದ್ದರು.

ಬ್ರೋ ಗೌಡ ಮಾತ್ರ ಪಟ್ಟು ಬಿಡದೆ ದಿವ್ಯಾ ಉರುಡುಗ ಅವರನ್ನು ಇಂಪ್ರೆಸ್​ ಮಾಡುವ ಪ್ರಯತ್ನದಲ್ಲಿದ್ದಾರೆ.

ಆದರೆ ದಿವ್ಯಾ ಉರುಡುಗ ಹಾಗೂ ಬೈಕರ್​ ಅರವಿಂದ್​ ನಡುವಿನ ಆತ್ಮೀಯತೆ ದಿನೇ ದಿನೇ ಗಾಢವಾಗುತ್ತಿದೆ.