BBK8: ವೈಲ್ಡ್​ ಕಾರ್ಡ್​ ಮೂಲಕ ಬಿಗ್ ಬಾಸ್​ ಮನೆಗೆ ಎಂಟ್ರಿ ನೀಡಿದ ಭೀಮಸೇನಾ ನಳಮಹರಾಜನ ನಾಯಕಿ!

ಇತ್ತೀಚೆಗೆ ಬಿಗ್ ಬಾಸ್ ಮನೆಯೊಳಕ್ಕೆ ಸಾಮಾಜಿಕ ಕಾರ್ಯಕರ್ತ ಚಕ್ರವರ್ತಿ ಚಂದ್ರಚೂಡ್ ಎಂಟ್ರಿ ನೀಡಿದ್ದರು. ಇದೀಗ ಮತ್ತೊಬ್ಬ ನಟಿ ಬಿಗ್ ಬಾಸ್ ಮನೆಗೆ ಕಾಲಿಡುವ ಮೂಲಕ ಸ್ಪರ್ಧಿಗಳ ಮನದಲ್ಲಿ ಕೊಂಚ ಆತಂಕವನ್ನು ಹುಟ್ಟಿಸಿದ್ದಾರೆ.

13 ಜನರು ಕೂಡಿದ್ದ ಮನೆಗೆ ಚಕ್ರವರ್ತಿ ಅವರು ಎಂಟ್ರಿ ನೀಡುವ ಮೂಲಕ 14 ಜನರೆನಿಸಿಕೊಂಡರು. ಆ ಬಳಿಕ ಕಳೆದ ವಾರ ಶಂಕರ್ ಅಶ್ವಥ್ ಅವರು ಮನೆಯಿಂದ ಎಲಿಮಿನೇಟ್ ಆಗಿ ಹೊರಹೋದರು. ಇದೀಗ ನಟಿಯೊಬ್ಬರು ವೈಲ್ಡ್ ಕಾರ್ಡ್ ಎಂಟ್ರಿ ಮೂಲಕ ಮನೆಯೊಳಕ್ಕೆ ಕಾಲಿಟ್ಟಿದ್ದಾರೆ.

ಚಕ್ರವರ್ತಿ ಅವರು ಮನೆಗೆ ಎಂಟ್ರಿ ನೀಡಿದ 2ನೇ ದಿನದಿಂದಲೇ ಮನೆಯ ವಾತಾವರಣ ಕೊಂಚ ಬದಲಾಯಿದೆ. ಇದೀಗ  ನಟಿಯೊಬ್ಬರ ಎಂಟ್ರಿ ಮನೆಯ ವಾತಾವರಣವನ್ನು ಹೇಗೆ ಬದಲಾಯಿಸಲಿದೆ ಎಂಬ ಕುತೂಹಲ ಹುಟ್ಟಿಕೊಂಡಿದೆ

ಮಾಹಿತಿಗಳ ಪ್ರಕಾರ ಭೀಮಸೇನಾ ನಳಮಹರಾಜ ಸಿನಿಮಾದ ನಾಯಕಿ ಪ್ರಿಯಾಂಕಾ ತಿಮ್ಮೇಶ್ ಮನೆಯೊಳಕ್ಕೆ ಕಾಲಿಟ್ಟಿದ್ದಾರೆ ಎನ್ನಲಾಗುತ್ತಿದೆ.

ಪ್ರಿಯಾಂಕಾ ತಿಮ್ಮೇಶ್ 2015ರಲ್ಲಿ ಗಣಪ ಚಿತ್ರದ ಮೂಲಕ ಕನ್ನಡ ಚಿತ್ರಕ್ಕೆ ಕಾಲಿಟ್ಟರು. ಕನ್ನಡ ಮಾತ್ರವಲ್ಲದೆ ಬೇರೆ ಭಾಷೆಯ ಸಿನಿಮಾದಲ್ಲೂ ನಟಿಸಿದ್ದಾರೆ.

ಇನ್ನು ಬಿಗ್ ಬಾಸ್ ಮನೆಯಿಂದ 5 ಸ್ಪರ್ಧಿಗಳು ಎಲಿಮಿನೇಟ್ ಆಗಿ ಹೊರಹೋಗಿದ್ದಾರೆ. ಮನೆಗೆ ಎಂಟ್ರಿ ನೀಡಿ ಮೊದಲನೇ ವಾರದಲ್ಲಿ  ಟಿಕ್​ಟಾಕ್​ ಸ್ಟಾರ್​​ ಧನುಶ್ರೀ ಎಲಿಮಿನೇಟ್ ಆದರೆ..

2ನೇ ವಾರ ನಿರ್ಮಲಾ, 3ನೇ ವಾರ ಗೀತಾ ಮತ್ತು ನಾಲ್ಕನೇ ವಾರ ಚಂದ್ರಲೇಖಾ ಅವರು ಮನೆಯಿಂದ ಹೊರ ಹೋದರು.

ಕಳೆದ ವಾರ ಶಂಕರ್ ಅಶ್ವಥ್ ಅವರು ಹೊರ ಹೋಗಿದ್ದಾರೆ. ಅಂದಹಾಗೆಯೇ ಈ ವಾರ ಕೂಡ ಎಲಿಮಿನೇಷನ್ ಪ್ರಕ್ರಿಯೆಇದ್ದು, 6 ಜನರು ನಾಮಿನೇಟ್ ಆಗಿದ್ದಾರೆ.

ಅರವಿಂದ್, ದಿವ್ಯಾ ಸುರೇಶ್, ನಿಧಿ, ಪ್ರಶಾಂತ್, ರಾಜೀವ್, ಶಮಂತ್, ಶುಭಾ ಅವರನ್ನು ನಾಮಿನೇಟ್ ಮಾಡಲಾಗಿದೆ. ಹಾಗಾಗಿ ಈ ವಾರ ಯಾರು ಮನೆಯಿಂದ ಹೋರಹೋಗಲಿದ್ದಾರೆ ಎಂದು ಕಾದು ನೋಡಬೇಕಿದೆ.