Bigg Boss Kannada 7 Elimination: ಬಿಗ್ ಬಾಸ್​ನಲ್ಲಿ ಬಿಗ್ ಟ್ವಿಸ್ಟ್​: ಈ ವಾರ ಮನೆಯಿಂದ ಹೊರಬಂದ 2ನೇ ಸ್ಪರ್ಧಿ ಇವರೇ ನೋಡಿ

ಬಿಗ್ ಬಾಸ್ ಸೀಸನ್ 7, 14ನೇ ವಾರಾಂತ್ಯಕ್ಕೆ ಬಂದು ನಿಂತಿದೆ. ಇನ್ನು ಕೇವಲ ಎರಡು ವಾರಗಳು ಮಾತ್ರ ಉಳಿದಿದ್ದು, ಯಾರು ಫಿನಾಲೆಗೆ ಏರಲಿದ್ದಾರೆಂಬ ಕುತೂಹಲ ವೀಕ್ಷಕರಲ್ಲಿದೆ.

ಇನ್ನು ಬಿಗ್ ಬಾಸ್​ ತಿಳಿಸಿದಂತೆ ಈ ವಾರ ಕ್ಯಾಪ್ಟನ್ಸಿ ಟಾಸ್ಕ್ ನಲ್ಲಿ ಗೆದ್ದವರನ್ನು ಹೊರತುಪಡಿಸಿ ಉಳಿದವರೆಲ್ಲ ನಾಮಿನೇಟ್ ಆಗಿದ್ದರು.

ಅದರಂತೆ ಭರ್ಜರಿ ಪೈಪೋಟಿಯಿಂದ ಕೂಡಿದ್ದ ಟಾಸ್ಕ್​ನಲ್ಲಿ ಶೈನ್ ಶೆಟ್ಟಿ ಗೆದ್ದು ಬೀಗಿದ್ದರು. ಈ ಮೂಲಕ ಈ ವಾರ ಎಲಿಮಿನೇಷನ್​ನಿಂದ ಇಮ್ಯುನಿಟಿ ಪಡೆದು ಸೇಫ್ ಆಗಿದ್ದರು.

ಇನ್ನು ಈ ವಾರ ಕೂಡ ಬಿಗ್ ಬಾಸ್ ಮನೆಯಲ್ಲಿ ಎರಡು ತಂಡಗಳಾಗಿ ಸ್ಪರ್ಧಿಗಳನ್ನು ವಿಂಗಡಿಸಿದ್ದು, ಲಕ್ಷುರಿ ಟಾಸ್ಕ್​ಗಳ ಮೂಲಕ ಪಾಯಿಂಟ್ ಕಲೆಹಾಕಲಿದೆ.

ಹರೀಶ್ ರಾಜ್ ನಾಯಕತ್ವದ ಗರುಡ ತಂಡ ಮತ್ತು ವಾಸುಕಿ ವೈಭವ್ ನೇತೃತ್ವದ ಡಮರುಗ ತೀವ್ರ ಪೈಪೋಟಿ ನೀಡಿ ಗಮನ ಸೆಳೆಯುವಲ್ಲಿ ಯಶಸ್ವಿಯಾಗಿದೆ.

ಕಳೆದ ವಾರ ಯಾವುದೇ ನಾಮಿನೇಷನ್ ಇಲ್ಲದಿದ್ದ ಕಾರಣ ಈ ವಾರ ಡಬಲ್ ನಾಮಿನೇಷನ್  ಇತ್ತು. ಹೀಗಾಗಿ ಸ್ಪರ್ಧಿಗಳಲ್ಲೂ ತೀವ್ರ ಪೈಪೋಟಿ ನಿರ್ಮಾಣವಾಗಿತ್ತು.

8 ಸ್ಪರ್ಧಿಗಳಲ್ಲಿ ಈ ವಾರ ಹೊರಹೋಗಲಿದ್ದಾರೆ, ಯಾರು ಉಳಿಯಲಿದ್ದಾರೆ ಎಂಬ ಕುತೂಹಲಕ್ಕೆ ಕಿಚ್ಚು ಹಚ್ಚುವಂತೆ ಟಾಸ್ಕ್​ಗಳನ್ನು ನೀಡುವ ಮೂಲಕ ಬಿಗ್ ಬಾಸ್ ಆಯೋಜಕರು ವೀಕ್ಷಕರನ್ನು ಸೆಳೆದಿದ್ದರು.

ಅದರಲ್ಲಿ ಅತ್ಯುತ್ತಮ ಪ್ರದರ್ಶನ ನೀಡಿದ ಸ್ಪರ್ಧಿಗಳ ಲೀಸ್ಟ್​ವೊಂದು ಬಿಗ್ ಬಾಸ್ ಮೂಲಗಳಿಂದ ಲಭ್ಯವಾಗಿದೆ. ಅದರಂತೆ ಈ ವಾರ ಬಿಗ್ ಬಾಸ್​ನಲ್ಲಿ ಯಾರು ಸೇಫ್ ಆಗಿದ್ದಾರೆ. ಯಾರು ಮನೆಯಿಂದ ಹೊರಬಿದ್ದಿದ್ದಾರೆ ಎಂಬ ಮಾಹಿತಿ  ಕುತೂಹಲಕ್ಕೆ ತೆರೆಬಿದ್ದಿದೆ.

ಈ ವಾರದ ಎಲಿಮಿನೇಷನ್​ನಲ್ಲಿ ಕುರಿ ಪ್ರತಾಪ್ ಮೊದಲು ಸೇಫ್ ಆಗಿದ್ದರು.

ಆ ಬಳಿಕ ಕಿಚ್ಚ ಸುದೀಪ್ ಕಿನ್ನರಿ ಬೆಡಗಿ ಭೂಮಿ ಶೆಟ್ಟಿ ಸೇಫ್ ಅಂದರು.

ಇನ್ನು ವಾಸುಕಿ ವೈಭವ್ ಮೂರನೇ ಸೇಫ್ ಆಗುವ ಮೂಲಕ ನಿಟ್ಟುಸಿರು ಬಿಟ್ಟರು.

ಇನ್ನು ಈ ವಾರ ಉತ್ತಮ ಪ್ರದರ್ಶನ ನೀಡಿದ ಪ್ರಿಯಾಂಕಾ ಕೂಡ ಸೇಫ್ ಆದರು.

ಹಾಗೆಯೇ ಭಾನುವಾರದ ಎಲಿಮಿನೇಷನ್​ ರೌಂಡ್​ನಲ್ಲಿ ಹರೀಶ್ ರಾಜ್  ಹೆಸರಿತ್ತು.

ಅದೇ ರೀತಿ ಬಿಗ್ ಬಾಸ್ ಮನೆಯಲ್ಲಿ ಗಾಯಗೊಂಡಿರುವ ದೀಪಿಕಾ  ಕೂಡ ಡೇಂಜರ್ ಝೋನ್​ನಲ್ಲಿದ್ದರು.

ಇನ್ನು ಚಂದನ್ ಆಚಾರ್ ಕೂಡ ಭಾನುವಾರದ ಎಲಿಮಿನೇಷನ್​ ಸ್ಪರ್ಧಿಗಳ ಪಟ್ಟಿಯಲ್ಲಿದ್ದರು.

ಶನಿವಾರ ನಡೆದ ಎಲಿಮಿನೇಷನ್​ನಲ್ಲಿ ಈ ವಾರ ಕಳಪೆ ಪ್ರದರ್ಶನ ನೀಡಿರುವ ಕಿಶನ್  ಔಟ್ ಆಗಿದ್ದರು.

ಇನ್ನು ಡಬಲ್ ಎಲಿಮಿನೇಷನ್​​ ವೀಕ್​ನ ಎರಡನೇ ಎಲಿಮಿನೇಟ್ ಸ್ಪರ್ಧಿ ಯಾರೆಂಬ ಕುತೂಹಲಕ್ಕೆ ತೆರೆಬಿದ್ದಿದೆ.

ಡೇಂಜರ್​ ಝೋನ್​ನಲ್ಲಿದ್ದ ಹರೀಶ್ ರಾಜ್, ದೀಪಿಕಾ, ಚಂದನ್ ಆಚಾರ್  ಇವರಲ್ಲಿ ಒಬ್ಬರು ಹೊರಬಿದ್ದಿದ್ದಾರೆ. ಅವರೆಂದರೇ...

ಚಂದನ್ ಆಚಾರ್

ಹೌದು, ಬಿಗ್ ಬಾಸ್​ ಸೀಸನ್​ 7ನಿಂದ ಚಂದನ್ ಆಚಾರ್ ಹೊರಬಿದ್ದಿದ್ದಾರೆ. ಭಾನುವಾರ ನಡೆಯುವ ಕಾರ್ಯಕ್ರಮದಲ್ಲಿ ಕಿಚ್ಚ ಸುದೀಪ್ ಜೊತೆ ಚಂದನ್ ವೇದಿಕೆ ಹಂಚಿಕೊಳ್ಳಲಿದ್ದಾರೆ.

ಅಲ್ಲಿಗೆ ಬಿಗ್ ಬಾಸ್​ ಮನೆಯಲ್ಲಿ ನೇರ ನಡೆ ನುಡಿಗಳಿಂದ ಜನಪ್ರಿಯರಾಗಿದ್ದ ಚಂದನ್ ಆಚಾರ್ ಅವರ ಬಿಗ್ ಬಾಸ್ ಜರ್ನಿ ಅಂತ್ಯವಾಗಿದೆ.