Divya Uruduga: ಬಿಜೆಪಿ ಪರ ದಿವ್ಯಾ ಉರುಡುಗ ಭರ್ಜರಿ ಪ್ರಚಾರ! ಕ್ಯಾಂಪೇನ್​ನಲ್ಲಿ ಬಿಗ್​ಬಾಸ್ ಸ್ಪರ್ಧಿ

ಬಿಗ್​ಬಾಸ್ ಖ್ಯಾತಿಯ ನಟಿ ದಿವ್ಯಾ ಉರುಡುಗ ಅವರು ಬಿಜೆಪಿ ಪರ ಸ್ಟಾರ್ ಪ್ರಚಾರಕಿಯಾಗಿ ಫೀಲ್ಡ್​ಗೆ ಇಳಿದಿದ್ದಾರೆ. ಈ ಮೂಲಕ ಕಮಲದ ಪರ ನಟಿ ಪ್ರಚಾರ ಮಾಡಿ ಮತ ಯಾಚಿಸುತ್ತಿದ್ದಾರೆ.

ನನ್ನ ಜಗತ್ತು. ಈ ಅನುಭವಕ್ಕೆ ಧನ್ಯವಾದಗಳು. ಈ ಅವಕಾಶ, ಪ್ರೀತಿ, ಬೆಳಕು ಎಲ್ಲವನ್ನೂ ಅನುಭವಿಸುತ್ತಿದ್ದೇನೆ. ಜೀವನವನ್ನು ನೋಡುವ ನನ್ನ ದೃಷ್ಟಿಕೋನವೇ ಬದಲಾಗಿದೆ ಎಂದು ನಟಿ ಬರೆದಿದ್ದಾರೆ.

ಡಾ. ಸುಧಾಕರ್ ಅವರಿಗಾಗಿ ಕಳೆದ ಕೆಲವು ದಿನಗಳಿಂದ ಪ್ರಚಾರ ಮಾಡುತ್ತಿದ್ದೇನೆ. ಚಿಕ್ಕಬಳ್ಳಾಪುರ ಹಾಗೂ ಆಸುಪಾಸಿನ ಪ್ರದೇಶ ಕಳೆದೊಂದು ದಶಕದಿಂದ ಅಭಿವೃದ್ಧಿಯನ್ನು ಕಾಣುತ್ತಿದೆ. ಸಣ್ಣ ಸಣ್ಣ ಗ್ರಾಮದಲ್ಲಿ ಕೂಡಾ ಕಾಂಕ್ರೀಟ್ ರಸ್ತೆಗಳಾಗಿವೆ ಎಂದಿದ್ದಾರೆ.

ನೀರಿನ ಸೌಲಭ್ಯ, ಆಸ್ಪತ್ರೆ, ಮೆಡಿಕಲ್ ಕಾಲೇಜು, ಉಚಿತ ನಿವೇಶನ, ಮನೆ ಏನಿಲ್ಲ ಹೇಳಿ? ಸರ್ ನೀವು ವಿಶೇಷ ಕೆಲಸ ಮಾಡುತ್ತಿದ್ದೀರಿ. ನೀವು ಅಲ್ಲಿ ಬಹಳಷ್ಟು ಜನರನ್ನು ಪ್ರೇರೇಪಿಸುತ್ತಿದ್ದೀರಿ. ನೀವು ನಿಜವಾದ ನಾಯಕ ಎಂದು ಹೊಗಳಿದ್ದಾರೆ.

ನಿಮ್ನ ಸರಳ ನಡೆ ನುಡಿ ಮುಕ್ತ ನಗು ಜನರನ್ನು ನಿಮ್ಮತ್ತ ಸೆಳೆಯುತ್ತಿದೆ ದಿವಿ. ಮತ್ತಷ್ಟು ಮುಂದುವರೆಯಲಿ ನಿಮ್ಮ ಏಳಿಗೆ. ನಿಮ್ಮ ಸಂಪರ್ಕಕ್ಕೆ ಬಂದ ಜನ ನಿಮ್ಮ ಮಾತನ್ನು ಕಡೆಗಣಿಸಲು ಸಾಧ್ಯವಿಲ್ಲ. ಯಾಕೆಂದರೆ ಅದು ನಿಷ್ಕಲ್ಮಷ ಹೃದಯದಲ್ಲಿ ಹುಟ್ಟಿದ ನಿಸ್ವಾರ್ಥ ದ ಮಾತು. ಶುಭವಾಗಲಿ. ನಿಮ್ಮನ್ನು ಆದರಿಸಿದ ಎಲ್ಲಾ ಸುಮನಸ್ಸುಗಳು ನಿಮ್ಮ ಕೋರಿಕೆಯನ್ನು ನೆರವೇರಿಸಲಿ ಎಂಬ ಹಾರೈಕೆ ಎಂದು ನೆಟ್ಟಿಗರು ಕಮೆಂಟ್ ಮಾಡಿದ್ದಾರೆ.

ನಿಮ್ಮನ್ನ ನೋಡೋಕೆ ಎರೆಡು ಕಣ್ಣು ಸಾಲದು ಅಕ್ಕಾ. ನಿಮ್ಮ ಮನಸು, ನಿಮ್ಮ ಮಾತು, ನಿಮ್ಮ ನಗು. ನಿಮ್ಮ ಸೌಂದರ್ಯವನ್ನು ಹೆಚ್ಚಿಸುತ್ತದೆ. ಯಾವಾಗಲೂ ಹೀಗೆ ಇರಿ ಅಕ್ಕಾ ಎಂದು ಕಮೆಂಟಿಸಿದ್ದಾರೆ ಇನ್ನೊಬ್ಬರು.

ಅಂತೂ ದಿವ್ಯಾ ಉರುಡುಗ ಪ್ರಚಾರ ಕಾರ್ಯ ಭರದಿಂದ ಸಾಗಿದೆ. ಹಲವು ಪ್ರದೇಶಗಳಿಗೆ, ಕಾಲೊನಿಗಳಿಗೆ ಹೋಗಿ ನಟಿ ಮತ ಯಾಚಿಸುತ್ತಿದ್ದಾರೆ.