Sana Khan: ಸದ್ದಿಲ್ಲದೆ ನವ ದಾಂಪತ್ಯಕ್ಕೆ ಕಾಲಿಟ್ಟ ಬಾಲಿವುಡ್​ ನಟಿ ಸನಾ ಖಾನ್​..!

ಬಣ್ಣದ ಲೋಕದಿಂದ ದೂರಾಗುತ್ತಿರುವುದಾಗಿ ಹೇಳಿದ್ದ ನಟಿ ಸನಾ ಈಗ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದಾರೆ.

ಗುಜರಾತಿನ ಸೂರತ್​ನಲ್ಲಿ ನೆಲೆಸಿರುವ ಮುಫ್ತಿ ಅನಾಸ್ ಅವರೊಂದಿಗೆ ನಿಖಾ ಮಾಡಿಕೊಂಡಿದ್ದಾರೆ ಬಾಲಿವುಡ್​ ನಟಿ ಸನಾ ಖಾನ್​.

ಬಿಗ್ ಬಾಸ್​ ಸ್ಪರ್ಧಿಯಾಗಿದ್ದ ಸನಾ ನಂತರದಲ್ಲಿ ಸಲ್ಮಾನ್ ಖಾನ್​ ಜೊತೆ ಜೈ ಹೋ ಸಿನಿಮಾದಲ್ಲಿ ನಟಿಸಿದರು.

ವಜಾ ತುಮ್​ ಹೋ ಸಿನಿಮಾದಲ್ಲಿ ಹಸಿ ಬಿಸಿ ದೃಶ್ಯಗಳಲ್ಲಿ ಕಾಣಿಸಿಕೊಂಡು ಬೋಲ್ಡ್​ ನಟಿ ಎಂಬ ಪಟ್ಟವನ್ನು ತಮ್ಮದಾಗಿಸಿಕೊಂಡಿದ್ದರು.

ತಮಿಳಿನಲ್ಲಿ ಸಿಂಬು ಜೊತೆ ಹಾಗೂ ತೆಲುಗಿನಲ್ಲಿ ನಾಗಾರ್ಜುನ, ಕಲ್ಯಾಣ ರಾಮ್​, ಮಂಚು ಮನೋಜ್​ ಜೊತೆ ನಾಯಕಿಯಾಗಿ ನಟಿಸಿದ್ದಾರೆ.

ಇತ್ತೀಚೆಗೆ ಸಿನಿಮಾಗಳಿಂದ ದೂರ ಹೋಗುವ ನಿರ್ಧಾರ ಮಾಡುತ್ತಿರುವುದಾಗಿ ಸನಾ ಪ್ರಕಟಿಸಿದ್ದರು.

ಅದರಂತೆ ತಮ್ಮ ಇನ್​ಸ್ಟಾಗ್ರಾಂ ಹಾಗೂ ಇತರೆ ಸಾಮಾಜಿಕ ಜಾಲತಾಣದ ಖಾತೆಗಳಲ್ಲಿದ್ದ ಕೆಲವು ಫೋಟೋ ಹಾಗೂ ವಿಡಿಯೋಗಳನ್ನು ಡಿಲೀಟ್​ ಮಾಡಿದ್ದರು ಸನಾ.

ಇನ್ನು ಪತಿಯೊಂದಿಗೆ ಪ್ರಿನ್ಸೆಸ್​ ಗೌನ್​ ತೊಟ್ಟು ಸನಾ ಕಾಣಿಸಿಕೊಂಡಿದ್ದಾರೆ.

ತಮ್ಮ ಮದುವೆ ವಿಷಯವನ್ನು ಫೋಟೋ ಜೊತೆಗೆ ಇನ್​ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ ಈ ನಟಿ.