ಬೆದರಿಕೆ ಹಾಕಿದ್ದ ಬಿಗ್​ ಬಾಸ್​ ಖ್ಯಾತಿಯ ನಟಿಯನ್ನು ಬಂಧಿಸಿದ್ದ ಪೊಲೀಸರು..!

36 ಚೈನಾ ಟೌನ್​ ಅಗ್ಲೊ ಔರ್​ ಪಗ್ಲಿ, ಹೇ ಬೇಬಿ ಸೇರಿದಂತೆ ಹಲವಾರು ಬಾಲಿವುಡ್​ ಸಿನಿಮಾಗಳಲ್ಲಿ ನಟಿಸಿರುವ ಪಾಯಲ್​ ರೋಹಟ್ಗಿಯನ್ನು ಪೊಲೀಸರು ಬಂಧಿಸಿದ್ದರು.

2008ರಲ್ಲಿ ಬಿಗ್ ಬಾಸ್​ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದ ಪಾಯಲ್ ಅವರನ್ನು ಅಹಮದಾಬಾದ್​ ಪೊಲೀಸರು ಬೆದರಿಕೆ ಹಾಗೂ ಅವಾಚ್ಯ ಶಬ್ದಗಳಿಂದ ನಿಂದಿಸಿರುವ ಆರೋಪದ ಮೇಲೆ ಬಂಧಿಸಿದ್ದರು. ​

ಪಾಯಲ್​ ಅವರು ವಾಸವಿರುವ ಸೊಸೈಟಿಯ ಅಧ್ಯಕ್ಷರನ್ನು ಕೆಟ್ಟದಾಗಿ ಬೈದಿದ್ದು ಸುಳ್ಳು ಆರೋಪ ಹೊರಿಸಿ ದೂರು ದಾಖಲಿಸುವುದಾಗಿ ಬೆದರಿಕೆ ಹಾಕಿದ್ದರಂತೆ.

ಜೂನ್​ 20ರಂದು ಸೊಸೈಟಿಯಲ್ಲಿ ಒಂದು ಮೀಟಿಂಗ್​ ಮಾಡಲಾಗಿದ್ದು, ಅದಕ್ಕೆ ಪಾಯಲ್​ ಅವರನ್ನು ಕರೆದಿರಲಿಲ್ಲವಂತೆ. ಆದರೂ ಪಾಯಲ್​ ಅಲ್ಲಿಗೆ ಬಂದು ಮೀಟಿಂಗ್​ನಲ್ಲಿ ಮಾತನಾಡಲು ಪ್ರಯತ್ನಿಸಿದ್ದಾರೆ. ಆಗ ಚೇರ್​ಮನ್​ ಅವರು ಪಾಯಲ್​ ಅವರನ್ನು ಸುಮ್ಮನಾಗಿಸಿದ್ದಾರಂತೆ.

ಆಗ ಇಬ್ಬರ ನಡುವೆ ವಾಗ್ವಾದ ನಡೆದಿದೆ. ಆಗ ಪಾಯಲ್​ ಅವರು ಸೊಸೈಟಿಯ ಚೇರ್​ಮನ್​ ಅವರಿಗೆ ಕೆಟ್ಟದಾಗಿ ಬೈದಿದ್ದಾರಂತೆ. ಅದಕ್ಕೆ ಅವರು ಪೊಲೀಸ್​ ಠಾಣೆಗೆ ದೂರು ನೀಡಿದ್ದು, ನಟಿಯನ್ನು ಪೊಲೀಸರು ಬಂಧಿಸಿದ್ದರು.

ನಂತರ  ನಟಿಗೆ ಜಾಮೀನು ಸಿಕ್ಕಿದ್ದು, ಪಾಯಲ್​ ಅವರನ್ನು ಬಿಡುಗಡೆ ಮಾಡಲಾಗಿದೆಯಂತೆ. 

ಪಾಯಲ್​ ಅವರನ್ನು ಬಂಧಿಸುತ್ತಿರುವುದು ಅಥವಾ ಅವರ ವಿರುದ್ಧ ದೂರು ದಾಖಲಾಗಿರುವುದು ಇದು ಮೊದಲೇನಲ್ಲ.

2019ರಲ್ಲಿ ಮಾಜಿ ಪ್ರಧಾನಿ ಜವಹರ್ ಲಾಲ್​ ನೆಹರೂ ಅವರ ಬಗ್ಗೆ ಅವಹೇಳನಕಾರಿ ಹೇಳಿಕೆ ನೀಡಿದ್ದ ಕಾರಣಕ್ಕೆ ನಟಿಯ ವಿರುದ್ಧ ದೂರು ದಾಖಲಾಗಿತ್ತು.

ಇದೇ ಪ್ರಕರಣಕ್ಕೆ ಸಂಬಂಧಿಸಿದಂತೆ ನಟಿಯನ್ನು ಬಂಧಿಸಲಾಗಿತ್ತು.

ಬಂಧನವಾಗಿ ಒಂದು ದಿನದ ನಂತರ ಪಾಯಲ್​ ರೋಹಟ್ಗಿ ಅವರಿಗೆ ಜಾಮೀನು ಸಿಕ್ಕಿತ್ತು.

ಇದೇ ಕಾರಣಕ್ಕೆ ಈ ನಟಿಯ ಟ್ವಿಟರ್​ ಖಾತೆಯನ್ನು ಟ್ವಿಟರ್​ ಇಂಡಿಯಾ ಡಿಲೀಟ್​ ಮಾಡಿತ್ತು.

ಈ ವಿವಾದಿತ ನಟಿ ಈಗ ಮತ್ತೆ ಜಗಳ ಮಾಡಿಕೊಂಡು ಪೊಲೀಸ್​ ಠಾಣೆ ಮೆಟ್ಟಿಲೇರಿ ಮತ್ತೆ ಮನೆ ಸೇರಿದ್ದಾರೆ.