Divya-Aravind: ಪ್ರೇಮಿಗಳ ದಿನದಂದೇ 'ಅರ್ಧಂಬರ್ಧ ಪ್ರೇಮಕಥೆ' ಪೋಸ್ಟರ್ ರಿಲೀಸ್, ಖುಷಿಯಲ್ಲಿ ದಿವ್ಯಾ-ಅರವಿಂದ್!

ಬಿಗ್ ಬಾಸ್‍ನ ಪ್ರೇಮ ಪಕ್ಷಿಗಳು ಎಂದೇ ಗುರುತಿಸಿಕೊಂಡಿದ್ದ ದಿವ್ಯಾ ಉರುಡುಗ ಮತ್ತು ಅರವಿಂದ್ ಕೆ.ಪಿ ಅವರು ಒಟ್ಟಿಗೆ ಅರ್ಧಂಬರ್ಧ ಪ್ರೇಮಕಥೆ ಸಿನಿಮಾ ಮಾಡಿದ್ದಾರೆ.

ಪ್ರೇಮಿಗಳ ದಿನದಂದೇ ಅರ್ಧಂಬರ್ಧ ಪ್ರೇಮಕಥೆ ಸಿನಿಮಾದ ಪೋಸ್ಟರ್ ರಿಲೀಸ್ ಆಗಿದೆ. ಮೊದಲ ಬಾರಿಗೆ ಬೆಳ್ಳಿತೆರೆಯಲ್ಲಿ, ಅರ್ಧಂಬರ್ಧ ಪ್ರೇಮಕಥೆಯಿಂದ ಮೊದಲ ಪೋಸ್ಟರ್ ರಿಲೀಸ್ ಆಗಿದೆ ಎಂದು ಅರವಿಂದ್ ಕೆ.ಪಿ ಹೇಳಿದ್ದಾರೆ.

ಅರ್ಧಂಬರ್ಧ ಪ್ರೇಮಕಥೆ ಎಂಬ ಪ್ರೀತಿಯ ಈ ಪ್ರಯಾಣವನ್ನು ಆಚರಿಸುವ ನಮ್ಮ ಮೊದಲ ಪೋಸ್ಟರ್ ಇದು. ಎಲ್ಲರಿಗೂ ಪ್ರೇಮಿಗಳ ದಿನದ ಶುಭಾಶಯಗಳು ಎಂದು ದಿವ್ಯಾ ಉರುಡುಗ ತಿಳಿಸಿದ್ದಾರೆ.

ಬಿಗ್ ಬಾಸ್ ಸೀಸನ್ 8 ರಲ್ಲಿ ಆತ್ಮೀಯರಾಗಿದ್ದ ಅರವಿಂದ್ ಕೆ.ಪಿ ಮತ್ತು ದಿವ್ಯಾ ಉರುಡುಗ ಒಟ್ಟಿಗೆ ಸಿನಿಮಾ ಮಾಡಿದ್ದಾರೆ. ಸಿನಿಮಾ ಹಾಡು ಜಿಂಗಲಕಾ ಲಕಾ ಲಕಾ ಈಗಾಗಲೇ ಫೇಮಸ್ ಆಗಿದೆ.

ಅರ್ಧಂಬರ್ಧ ಪ್ರೇಮ ಕಥೆಗೆ ಅರ್ಜುನ್ ಜನ್ಯ ಸಂಗೀತ ನೀಡಿದ್ದಾರೆ. ಈ ವಿಶೇಷ ಹಾಡನ್ನ ಸ್ವತಃ ಅರ್ಜುನ್ ಜನ್ಯ ಅವರೇ ಹಾಡಿದ್ದಾರೆ. ಚಿತ್ರದ ನಿರ್ದೇಶಕ ಅರವಿಂದ್ ಕೌಶಿಕ್ ಸಾಹಿತ್ಯ ಬರೆದಿದ್ದಾರೆ.

ಅರ್ಧಂಬರ್ಧ ಪ್ರೇಮ ಕಥೆಯ ಸಿನಿಮಾದಲ್ಲಿ ಅರವಿಂದ್ ಕೆ.ಪಿ. ಅದ್ಭುತವಾದ ಪಾತ್ರವನ್ನೇ ಮಾಡಿದ್ದಾರೆ. ನಾಯಕನನ್ನ ಪರಿಚಯಿಸೋ ಟೀಸರ್ ನೋಡಿದಾಗ, ಅರವಿಂದ್ ಕೆ.ಪಿ. ಇಲ್ಲೂ ಬೈಕ್ ರೇಸರ್ ಪಾತ್ರವನ್ನೆ ಮಾಡ್ತಿರಬಹುದು ಅಂತಲೇ ಅನಿಸುತ್ತದೆ.

ಅರವಿಂದ್ ಕೌಶಿಕ್ ತಮ್ಮ ಈ ಹಿಂದಿನ ಸಿನಿಮಾಗಳಲ್ಲಿ ಬೇರೆ ರೀತಿಯಲ್ಲಿಯೇ ಕಥೆಗಳನ್ನ ಹೇಳಿದ್ದರು. ಆದರೆ ಅರ್ಧಂಬರ್ಧ ಪ್ರೇಮ ಕಥೆ ಚಿತ್ರದಲ್ಲಿ ಹೊಸದನ್ನೆ ಹೇಳೋಕೆ ಮುಂದಾಗಿದ್ದಾರೆ.

ಬಿಗ್ ಬಾಸ್ ಮೂಲಕ ಮೋಡಿ ಮಾಡಿದ್ದ ಜೋಡಿ, ಸಿನಿಮಾ ಮೂಲಕವೂ ಮೋಡಿ ಮಾಡುತ್ತಾ ನೋಡಬೇಕು. ಆಲ್ ದಿ ಬೆಸ್ಟ್ ಎಂದು ಅಭಿಮಾನಿಗಳು ಹೇಳಿದ್ದಾರೆ.