Actor Rakesh Adiga: 'ಕಾಕ್ರೋಚ್' ಆಗಿ ಬರಲು ರೆಡಿಯಾದ ಬಿಗ್ ಬಾಸ್ ಸ್ಪರ್ಧಿ; ರಾಕೇಶ್ ಅಡಿಗ ಹೊಸ ಸಿನಿಮಾ

ಬಿಗ್ ಬಾಸ್ ಓಟಿಟಿ 2 ನಲ್ಲಿ ಮೋಡಿ ಮಾಡಿದ್ದ ರಾಕೇಶ್ ಅಡಿಗ, ಬಿಗ್ ಬಾಸ್ ಸೀಸನ್ 9ಕ್ಕೂ ಸೆಲೆಕ್ಟ್ ಆಗಿದ್ದರು. ಬಿಗ್ ಬಾಸ್ ಟಿವಿ ಸೀಸನ್‍ನಲ್ಲಿ ಸೈಲೆಂಟ್ ಇದ್ದೇ ಎಲ್ಲರಿಗೂ ಮೋಡಿ ಮಾಡಿದ್ದರು.

ರಾಕೇಶ್ ಅಡಿಗ ಎಲ್ಲರ ಜೊತೆ ಸ್ನೇಹದಿಂದ ಆತ್ಮೀಯರಾಗಿರುತ್ತಿದ್ದರು. ಇವೇರೆ ಗೆಲ್ತಾರೆ ಎಂದು ಎಲ್ಲರೂ ಅಂದುಕೊಂಡಿದ್ದರು. ಆದ್ರೆ ಬಿಗ್ ಬಾಸ್ ಸೀಸನ್ 09ರ ರನ್ನರ್ ಅಪ್ ಆದ್ರು.

ರಾಕೇಶ್ ಅಡಿಗ ಈಗ ಹೊಸ ಸಿನಿಮಾ 'ಕಾಕ್ರೋಚ್' ನಲ್ಲಿ ನಟಿಸುತ್ತಿದ್ದಾರೆ. ಈಗಾಗಲೇ 'ಕಾಕ್ರೋಚ್' ಚಿತ್ರದಲ್ಲಿನ ರಾಕೇಶ್ ಅಡಿಗ ಅವರ ಕ್ಯಾರೆಕ್ಟರ್ ರಿವೀಲ್ ಟೀಸರ್ ಬಿಡುಗಡೆಯಾಗಿದೆ.

2019 ರಲ್ಲಿ ರಿಲೀಸ್ ಆಗಿದ್ದ ನೈಟ್ ಔಟ್ ಫಿಲ್ಮ್ ಬಳಿಕ ರಾಕೇಶ್ ಅಡಿಗ ಯಾವ ಸಿನಿಮಾದಲ್ಲೂ ಕಾಣಿಸಿಕೊಂಡಿರಲಿಲ್ಲ. ಈಗ 4 ವರ್ಷ ಆದ ಮೇಲೆ ಕಮ್ ಬ್ಯಾಕ್ ಮಾಡ್ತಾ ಇದ್ದಾರೆ.

ನಟ ರಾಕೇಶ್ ಅಡಿಗ ಅವರು ಕಾಕ್ರೋಚ್ ಚಿತ್ರದಲ್ಲಿ ಹೀರೋ ಮಾತ್ರ ಅಲ್ಲ. ನಿರ್ದೇಶನವನ್ನೂ ಮಾಡ್ತಾ ಇದ್ದಾರೆ. ಪೂಜಾ ಶ್ರೀ ಎಂಬುವರು ನಿರ್ಮಾಣ ಮಾಡ್ತಾ ಇದ್ದಾರೆ. ಹೆಸರು ವಿಭಿನ್ನವಾಗಿದ್ದು, ಸಿನಿಮಾ ನೋಡಲು ಕಾಯ್ತಾ ಇದ್ದಾರೆ.

ಈ ಚಿತ್ರಕ್ಕಾಗಿ ರಾಕೇಶ್ ಅಡಿಗ ಅವರು 4 ವರ್ಷ ಸಮಯ ತೆಗೆದುಕೊಂಡಿದ್ದಾರೆ. ಸಿನಿಮಾ ತುಂಬಾ ಸಕ್ಸಸ್ ಕಾಣಬೇಕು. ನಾನು ಅಂದುಕೊಂಡಂತೆ ಬರಬೇಕು ಎಂದು ಹೇಳಿದ್ದಾರೆ.

2009 ರಲ್ಲಿ ಜೋಶ್ ಮೂಲಕ ಮೋಡಿ ಮಾಡಿದ್ದ ರಾಕೇಶ್ ಅಡಿಗ ಕಾಕ್ರೋಚ್ ಮೂಲಕ ತುಂಬಾ ಸದ್ದು ಮಾಡಲು ರೆಡಿಯಾಗಿದ್ದಾರೆ. ಅದಕ್ಕೆ ಎಲ್ಲಾ ತಯಾರಿ ನಡೆಸಿಕೊಂಡಿದ್ದಾರೆ.

ಯಾರೇ ಕೂಗಾಡಲಿ, ಮಂದಹಾಸ, ಮನಸಾಲಜಿ, ಅಲೆಮಾರಿ, ನಂದ ಗೋಕುಲ, ಕೋಟಿಗೊಂದ್ ಲವ್ ಸ್ಟೋರಿ, ಪ್ರೀತಿಯಿಂದ, ಡವ್, ಮಂಡ್ಯ ಟು ಮುಂಬೈ ಮುಂತಾದ ಸಿನಿಮಾಗಳಲ್ಲಿ ರಾಕೇಶ್ ಅಡಿಗ ಅಭಿನಯಿಸಿದ್ದಾರೆ.