Deepika Das: ದೀಪಿಕಾ ದಾಸ್ ಮನೆಯ ಬೆಕ್ಕು ಪತ್ತೆ, ಶ್ಯಾಡೋ ಕಿಡ್ನ್ಯಾಪ್ ಮಾಡಿದ್ದು ಯಾರು?

ನಟಿ, ಬಿಗ್ ಬಾಸ್ ಸ್ಪರ್ಧಿ ದೀಪಿಕಾ ದಾಸ್ ಮನೆಯ ಬೆಕ್ಕು ಕಾಣೆಯಾಗಿತ್ತು. ನಟಿ ಬೆಕ್ಕು ಹುಡಕಿ ಕೊಡಿ ಎಂದು ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಹಾಕಿಕೊಂಡಿದ್ದರು.

18-02-2023 ಶನಿವಾರ ರಾತ್ರಿಯಿಂದ ಬೆಂಗಳೂರಿನ ಉಲ್ಲಾಳದ ವಿಶ್ವೇಶ್ವರಯ್ಯ ಲೇಔಟ್ 3ನೇ ಬ್ಲಾಕ್‍ನಿಂದ ಬೆಕ್ಕು ಕಾಣೆ ಆಗಿದೆ. ಬೆಕ್ಕಿನ ಹೆಸರು ಶ್ಯಾಡೋ. ಕಪ್ಪು ಬಣ್ಣದ ಬೆಕ್ಕು. ಕತ್ತಿನ ಸುತ್ತ ಕಂದು ಬಣ್ಣವಿದೆ.

ನಮ್ಮ ಶ್ಯಾಡೋ ಪರ್ಷಿಯನ್ ಜಾತಿಗೆ ಸೇರಿದ ಗಂಡು ಬೆಕ್ಕು ಇದಾಗಿದ್ದು, ವಯಸ್ಸು 9 ತಿಂಗಳು. ಹುಡುಕಿಕೊಟ್ಟವರಿಗೆ 10-15 ಸಾವಿರ ರೂಪಾಯಿ ಬಹುಮಾನ ಕೊಡಲಾಗುವುದು ಎಂದು ದೀಪಿಕಾ ದಾಸ್ ಪೋಸ್ಟ್ ಮಾಡಿದ್ದರು.

ದೀಪಿಕಾ ದಾಸ್ ಅವರ ಮನೆಯ ಬೆಕ್ಕು ಪತ್ತೆಯಾಗಿದೆ. ನಿಮಗೆ ಗುಡ್ ನ್ಯೂಸ್ ನಮ್ಮ ಮನೆಯ ಬೆಕ್ಕು ಪತ್ತೆಯಾಗಿದೆ ಎಂದು ದೀಪಿಕಾ ಅವರು ತಿಳಿಸಿದ್ದಾರೆ.

ಶ್ಯಾಡೋಳನ್ನು ಕಿಡ್ನ್ಯಾಪ್ ಮಾಡಿ ಮಂಗಳೂರಿಗೆ ಕಳಿಸಲಾಗಿತ್ತು. ನಾವು ಹೇಗೆ ಆಕೆಯನ್ನು ಹುಡಕಿದ್ವಿ, ಯಾರು ಇದನ್ನು ಮಾಡಿದ್ರು ಎಂದು ಆದಷ್ಟು ಬೇಗ ತಿಳಿಸುತ್ತೇನೆ,. ಶ್ಯಾಡೋ ಹುಡುಕಲು ಸಹಾಯ ಮಾಡಿದ ಎಲ್ಲರಿಗೂ ಧನ್ಯವಾದ ಎಂದು ದೀಪಿಕಾ ತಿಳಿಸಿದ್ದಾರೆ.

ದೀಪಿಕಾ ದಾಸ್ ಗೆ ಪ್ರಾಣಿಗಳೆಂದ್ರೆ ತುಂಬಾ ಇಷ್ಟ. ಅದಕ್ಕೆ ಮನೆಯಲ್ಲಿ ಹಲವು ನಾಯಿ, ಬೆಕ್ಕುಗಳನ್ನು ಸಾಕಿದ್ದಾರೆ.

ದೀಪಿಕಾ ದಾಸ್ ಬೆಕ್ಕು ಹುಡುಕಿ ಕೊಡಿ ಎಂದು ಪೋಸ್ಟ್ ಹಾಕಿದ್ದಾಗ, ಜನ ನಾನಾ ಬಗೆಯ ಕಾಮೆಂಟ್ ಮಾಡಿದ್ದಾರೆ. ಅದರಲ್ಲಿ ಮಂಗಳೂರಿನಲ್ಲಿ ಇರಬಹುದು ಎಂಬ ಸುಳಿವು ಇತ್ತು.

ಸದ್ಯ ದೀಪಿಕಾ ಅವರಿಗೆ ತಮ್ಮ ಶ್ಯಾಡೋ ಸಿಕ್ಕಿರುವುದು ಖುಷಿ ತಂದಿದೆ. ಇನ್ಮುಂದೆ ಜೋಪಾನವಾಗಿ ನೋಡಿಕೊಳ್ಳುವುದಾಗಿ ಹೇಳಿದ್ದಾರೆ.