Shruthi Prakash: ಬಿಗ್ ಬಾಸ್ ಸುಂದ್ರಿ ಶ್ರುತಿ ಪ್ರಕಾಶ್ ಕನ್ನಡ ಸಿನಿಮಾಗಳಲ್ಲಿ ಬ್ಯುಸಿ! ನಟಿಯ ಬಗ್ಗೆ ಅಪ್‌ಡೇಟ್ಸ್ ಇಲ್ಲಿದೆ

ಬಿಗ್ ಬಾಸ್ ಸೀಸನ್ 05 ಅಭ್ಯರ್ಥಿ ಶ್ರುತಿ ಪ್ರಕಾಶ್ ಅವರು ನೋಡಲು ತುಂಬಾ ಸುಂದರವಾಗಿದ್ದು, ಕ್ಯೂಟ್ ಲುಕ್‍ನಿಂದ ಕನ್ನಡಿಗರ ಮನಸ್ಸು ಗೆದ್ದಿದ್ದರು.

ಆ ಸೀಸನ್ ನಲ್ಲಿ ಜೆಕೆ ಜೊತೆ ಆತ್ಮೀಯರಾಗಿದ್ದರು ಶ್ರುತಿ ಪ್ರಕಾಶ್. ಚಂದನ್ ಶೆಟ್ಟಿಗೂ ಸಹ ಶ್ರುತಿ ಅವರು ಇಷ್ಟ ಆಗಿದ್ದರು. ಇವರದು ತ್ರಿಕೋನ ಪ್ರೇಮಕಥೆ ರೀತಿ ಇತ್ತು.

ಶ್ರುತಿ ಅವರು ಜನಿಸಿದ್ದು ಕರ್ನಾಟಕದ ಬೆಳಗಾವಿಯಲ್ಲಿ. ಜೈನ್ ಕಾಲೇಜಿನಿಂದ ಪದವಿ ಪಡೆದಿದ್ದಾರೆ. ಪದವಿ ಮುಗಿದ ನಂತರ ಮುಂಬೈನ `ಎಜು' ಮೀಡಿಯಾ ಸಂಸ್ಥೆಯಲ್ಲಿ ಕೆಲಕಾಲ ಸಂಪಾದಕರಾಗಿ ಕೆಲಸ ಮಾಡಿದ್ದಾರೆ.

ಕರ್ನಾಟಕದವರೇ ಆದ್ರೂ ಮಿಂಚಿದ್ದು, ಖ್ಯಾತಿ ಹೊಂದಿರುವುದು ಹಿಂದಿಯಲ್ಲಿ. ಹಿಂದಿಯ ಸಾಥ್ ನಿಬಾನಾ ಸಾಥಿಯಾ ಧಾರಾವಾಹಿ ಮೂಲಕ ಜನಪ್ರಿಯತೆ ಹೊಂದಿದ್ದರು.

ಶ್ರುತಿ ಪ್ರಕಾಶ್ ಅವರು ಹಾಡನ್ನು ತುಂಬಾ ಚೆನ್ನಾಗಿ ಹಾಡ್ತಾರೆ. ಹಿಂದಿಯ ಕ್ಲೋಸ್-ಅಪ್ ವೆಬ್‍ಸಿಂಗರ್ ಸ್ಪರ್ಧೆಯಲ್ಲಿ ಭಾಗವಹಿಸಿ ಸೆಮಿಫೈನಲ್‍ವರೆಗೂ ಹೋಗಿದ್ದರು.

ಶ್ರುತಿ ಅವರು ಕನ್ನಡ ಸಿನಿಮಾ 'ಕಡಲ ತೀರದ ಭಾರ್ಗವ' ಚಿತ್ರದ ಶೂಟಿಂಗ್ ನಲ್ಲಿ ಬ್ಯುಸಿಯಾಗಿದ್ದಾರೆ. ಚಿತ್ರೀಕರಣ ಆಲ್ ಮೋಸ್ಟ್ ಮುಕ್ತಾಯವಾಗಿದೆ. ಈ ಸಿನಿಮಾದಲ್ಲಿ ಶ್ರುತಿ ಪ್ರಕಾಶ್ ನಟಿಯಾಗಿದ್ದಾರೆ.

ಲಂಡನ್ ನಲ್ಲಿ ಲಂಭೋದರ,ಕಸ್ತೂರಿ ಮಹಲ್, ಶ್ರೀ ಭರತ ಬಾಹುಬಲಿ ಮೊದಲಾದ ಚಿತ್ರಗಳಲ್ಲಿ ಶ್ರುತಿ ಪ್ರಕಾಶ್ ನಟಿಸಿದ್ದಾರೆ. ಈಗ 'ಕಡಲ ತೀರದ ಭಾರ್ಗವ' ಸಿನಿಮಾ ರಿಲೀಸ್‍ಗೆ ಕಾಯ್ತಾ ಇದ್ದಾರೆ.

ಹಿಂದಿಯಲ್ಲಿ ಮಿಂಚ್ತಿದ್ದ ನಟಿ ಶ್ರುತಿ ಕನ್ನಡದಲ್ಲಿ ನಟಿಸಿ, ಮತ್ತೆ ಕನ್ನಡಿಗರಿಗೆ ಹತ್ತಿರ ಆಗ್ತಾರಾ ನೋಡಬೇಕು. ಸಿನಿಮಾ ಬಿಡುಗಡೆಗಾಗಿ ಕಾಯ್ತಾ ಇದ್ದಾರೆ.