Bigg Boss 8: ಬಿಗ್​ ಬಾಸ್​ ಮನೆಯಿಂದ ಹೊರ ಹೋಗುವ ವಿಷಯ ತಿಳಿಯದ ಶುಭಾ ಪೂಂಜಾ ಒಂದು ಚೀಲ ಮಾನಿವ ಹಣ್ಣು ಬೇಕೆಂದಿದ್ದರು..!

ಮೊಗ್ಗಿನ ಮಸ್ಸು ಖ್ಯಾತಿಯ ನಟಿ ಶುಭಾ ಪೂಂಜಾ ಅವರಿಗೆ ತಮ್ಮ ಆದ ಅಭಿಮಾನಿ ಬಳಗವಿದೆ.

ಶುಭಾ ಪೂಂಜಾ ಬಿಗ್​ ಬಾಸ್​ಗೆ ಎಂಟ್ರಿ ಕೊಡುತ್ತಿದ್ದಂತೆಯೇ ನೆಟ್ಟಿಗರು ಸಾಮಾಜಿಕ ಜಾಲತಾಣದಲ್ಲಿ ಶುಭಾ ಇರೋದ್ರಿಂದ ನಾವು ಬಿಗ್​ ಬಾಸ್​ ನೋಡುತ್ತಿದ್ದೇವೆ ಎಂದೆಲ್ಲ ಪೋಸ್ಟ್​ ಮಾಡುತ್ತಿದ್ದರು.

ಅಂತೆಯೇ ಶುಭಾ ಪೂಂಜಾ ಸಹ ಪ್ರೇಕ್ಷಕರನ್ನು ಬಿಗ್​ ಬಾಸ್​ನಲ್ಲಿದ್ದುಕೊಂಡು ಸಖತ್​ ರಂಜಿಸುತ್ತಿದ್ದರು.

ಮನೆಯಲ್ಲಿ ತುಂಟಾಟ ಹಾಗೂ ಕ್ರೇಜಿ ನಡವಳಿಕೆಯಿಂದ ಸ್ಪರ್ಧಿಗಳ ಮೊಗದಲ್ಲಿ ನಗು ಮೂಡಿಸುತ್ತಿದ್ದರು.

ಇನ್ನು ತಮ್ಮ ಇಷ್ಟ ಕಷ್ಟಗಳು, ಅರ್ಥವಾದ ಭಾಷೆಯಲ್ಲಿ ಮಾತನಾಡುತ್ತಾ, ಬಿಗ್​ ಬಾಸ್​ ಮಾತು ಕೇಳದೆ, ಆಗಾಗ ನಿದ್ದೆ ಮಾಡುತ್ತಾ, ಟಾಸ್ಕ್​ನಲ್ಲಿ ಸೋತಾಗ ಅಳದ ಶುಭಾ ಗೆದ್ದಾಗ ಕಣ್ಣೀರಿಡುತ್ತಾ ಎಲ್ಲ ರೀತಿಯ ಭಾವನೆಗಳನ್ನು ಮುಚ್ಚುಮರೆ ಇಲ್ಲದೆ ವ್ಯಕ್ತಪಡಿಸುತ್ತಿದ್ದರು.

ಇಂತಹ ಶುಭಾ ಅವರಿಗೆ ಮಾವಿನ ಹಣ್ಣು ಅಂದರೆ ತುಂಬಾ ಇಷ್ಟವಂತೆ. ಹಣ್ಣು ಸಿಗದಿದ್ದರೂ ಪರವಾಗಿಲ್ಲ ಮ್ಯಾಂಗೊ ಶೇಕ್​ ಆದರೂ ಕೊಡಿ ಎಂದು ಬಿಗ್​ ಬಾಸ್​ ಮನೆಯಲ್ಲಿ ಪದೇ ಪದೇ ಕೇಳುತ್ತಿದ್ದರು.

ಕಳೆದ ಶನಿವಾರ ಕಡೆಗೂ ಟಾಸ್ಕ್​ನಲ್ಲಿ ಗೆದ್ದು ಶುಭಾಗೆ ಮಾವಿನ ಹಣ್ಣು ತಿನ್ನುವ ಅವಕಾಶ ಸಿಕ್ಕಿತ್ತು.

ಖುಷಿಯಿಂದ ಮಾವಿನ ಹಣ್ಣು ಸವಿದ ಶುಭಾ ಅವರಿಗೆ ಭಾನುವಾರ ಎಲ್ಲರೂ ಮನೆಗೆ ಹೋಗಲಿದ್ದೇವೆ ಎಂದು ತಿಳಿದಿರಲಿಲ್ಲ.

ಮಾವಿನ ಹಣ್ಣು ಸವಿದ ನಂತರ ಶುಭಾ ಪೂಂಜಾ ತಮ್ಮ ಮನೆಯವರಿಗೆ ಒಂದು ಚೀಲ ಮಾವಿನ ಹಣ್ಣು ತಂದಿಡುವಂತೆ ಬಿಗ್ ಬಾಸ್​ ಮನೆಯಲ್ಲಿ ಕ್ಯಾಮೆರಾಗಳ ಬಳಿ ಬಂದು ಮನೆಯವರಿಗೆ ತಿಳಿಸಿದ್ದರು.

ಶುಭಾ ಅವರಿಗೆ ಮಾವಿನ ಹಣ್ಣು ಅಂದರೆ ಅಷ್ಟು ಇಷ್ಟ. ಅದಕ್ಕೆ ಬಿಗ್ ಬಾಸ್​ ಮನೆಯಿಂದ ಯಾವಾಗ ಹೊರಗೆ ಬರುತ್ತೇನೋ ಆಗಲೇ ಕಾರಿನಲ್ಲಿ ಮನೆಗೆ ಹೋಗುವಾಗಲೇ ಮಾವಿನ ಹಣ್ಣು ತಿನ್ನಬೇಕು ಎಂದಿದ್ದರು.

ಮನೆಯವರು ತನ್ನನ್ನು ಮನೆಗೆ ಕರೆದುಕೊಂಡು ಹೋಗುವಾಗಲೇ ಒಂದು ಚೀಲ ಹಣ್ಣು ತನ್ನಿ. ಕಾರಿನಲ್ಲೇ ಮಾವಿನ ಹಣ್ಣು ತಿನ್ನುತ್ತಾ ಮನೆಗೆ ಬರುತ್ತೇನೆ ಎಂದಿದ್ದರು ಶುಭಾ.

ಆದರೆ ಕೊರೋನಾ ಲಾಕ್​ಡೌನ್​ನಿಂದಾಗಿ ಈಗ ಶುಭಾ ಮನೆ ಸೇರಿಕೊಂಡಿದ್ದಾರೆ.

ಭಾನುವಾರವೇ ಕಾರ್ಯಕ್ರಮ ಪೂರ್ಣಗೊಂಡಿದ್ದು, ಬಿಗ್ ಬಾಸ್​ ಮನೆಯ ಸ್ಪರ್ಧಿಗಳು ತಮ್ಮ ತಮ್ಮ ಮನೆಗಳಿಗೆ ತೆರಳಿದ್ದಾರೆ.

ಮನೆಯಿಂದ ಹೊರ ಹೋಗುವ ಮುನ್ನ ಪ್ರತಿ ಸ್ಪರ್ಧಿಯೂ ಕಣ್ಣೀರಿಟ್ಟಿದ್ದಾರೆ.