BBK8: ಬಿಗ್ ಬಾಸ್​ ಮನೆಯಲ್ಲಿ ಮೊದಲ ದಿನವೇ ಪ್ರಶಾಂತ್​ ಸಂಬರಗಿ-ಚಕ್ರವರ್ತಿ ಫೋಟೋ ಸುಟ್ಟ ಸ್ಪರ್ಧಿಗಳು..!

ಬಿಗ್ ಬಾಸ್​ ಮನೆಯಲ್ಲಿ ಮೊದಲ ದಿನವೇ ದ್ವೇಷದ ಬೆಂಕಿ ಹೊತ್ತಿ ಉರಿದಿದೆ.

ಬಿಗ್ ಬಾಸ್​ ಮನೆಯಲ್ಲಿರುವ ಸ್ಪರ್ಧಿಗಳು ಮನೆಗೆ ಕಾಲಿಡುತ್ತಿದ್ದಂತೆಯೇ ಪ್ರಶಾಂತ್​ ಸಂಬರಗಿ ಅವರ ಫೋಟೋವನ್ನು ಸುಟ್ಟು ಹಾಕಿದ್ದಾರೆ.

ರಘು, ನಿಧಿ, ಅರವಿಂದ್​ ಹಾಗೂ ಇತರೆ ಸ್ಪರ್ಧಿಗಳು ಪ್ರಶಾಂತ್​ ಅವರ ಫೋಟೋಗಳನ್ನು ಸುಟ್ಟು ಹಾಕಿದ್ದಾರೆ.

ಕೇವಲ ಪ್ರಶಾಂತ್​ ಸಂಬರಗಿ ಅವರ ಫೋಟೋ ಮಾತ್ರವಲ್ಲ ಚಕ್ರವರ್ತಿ ಚಂದ್ರಚೂಡ್​ ಅವರ ಚಿತ್ರವನ್ನೂ ಸುಡಲಾಗಿದೆ.

ದಿವ್ಯಾ ಉರುಡುಗ ಅವರು ದಿವ್ಯಾ ಸುರೇಶ್​ ಅವರ ಫೋಟೋವನ್ನು ಬೆಂಕಿಗೆ ಹಾಕಿದ್ದಾರೆ.

ಅಷ್ಟಕ್ಕೂ ಮನೆಯಲ್ಲಿ ಏನು ನಡೆಯುತ್ತಿದೆ ಅಂತೀರಾ..? ಅದು ಬಿಗ್ ಬಾಸ್​ 8ರ ಸೆಕೆಂಡ್​ ಇನ್ನಿಂಗ್ಸ್​ನ ಮೊದಲ ದಿನವೇ ಮನೆಯಲ್ಲಿ ನಾಮಿನೇಶನ್​ ಪ್ರಕ್ರಿಯೆ ನಡೆದಿದೆ.

ಈ ಪ್ರಕ್ರಿಯೆಯಲ್ಲಿ ನಿಧಿ ಸುಬ್ಬಯ್ಯ ಅವರು ಪ್ರಶಾಂತ್​ ಅವರನ್ನು ನೀವು ನನ್ನ ಸ್ನೇಹಿತರೇ ಅಲ್ಲ ಎಂದೂ ಹೇಳಿದ್ದಾರೆ. ಜೊತೆಗೆ ಪ್ರಶಾಂತ್ ಸಂಬರಗಿ ಅವರನ್ನು ನಾಮಿನೇಟ್​ ಮಾಡಿದ್ದಾರೆ.

ಅರವಿಂದ್​ ಅವರು ಮಂಜು ಅವರ ಫೋಟೋ ಸುಟ್ಟಿದ್ದು, ನಿನ್ನನ್ನು ಫ್ರೆಂಡ್​ ಅಂತ ಅಂದುಕೊಂಡಿದ್ದೆ. ಆದರೆ.... ಎನ್ನುತ್ತಲೇ ನಾಮಿನೇಟ್​ ಮಾಡಿದ್ದಾರೆ.

ಹೊರಗಿನಿಂದ ಮತ್ತೆ ಮನೆಗೆ ಬಂದ ಮೇಲೆ ಸ್ಪರ್ಧಿಗಳ ಸಂಬಂಧ ಹಾಗೂ ವರ್ತನೆಯಲ್ಲಿ ಸಾಕಷ್ಟು ಬದಲಾವಣೆಗಳಾಗಿವೆ.

ಮನೆಯಲ್ಲಿ ಮೊದಲ ದಿನವೇ ಗೇಮ್​ ಪ್ಲಾನ್​, ಜಗಳ, ಮನಸ್ತಾಪದ ಬೆಂಕಿ ಹೊತ್ತಿ ಉರಿಯಲಾರಂಭಿಸಿದೆ.

ಮಂಜು ಹಾಗೂ ದಿವ್ಯಾ ಸುರೇಶ್​ ಅವರ ಸಂಬಂಧದಲ್ಲೂ ಸಾಕಷ್ಟು ಬದಲಾವಣೆಗಳಾಗಿವೆ.

ಪ್ರಿಯಾಂಕಾ ತಿಮ್ಮೇಶ್ ಹಾಗೂ ಚಕ್ರವರ್ತಿ ಚಂದ್ರಚೂಡ ಅವರ ಸ್ನೇಹ ಹೇಗಿರಲಿದೆ ಅನ್ನೋದು ಇಂದಿನ ಸಂಚಿಕೆಯಲ್ಲಿ ತಿಳಿಯಲಿದೆ.

ಮನೆಗೆ ಮತ್ತೆ ಮರಳಿದ್ದಕ್ಕೆ ಶುಭಾ ಪೂಂಜಾ ಸಖತ್​ ಖುಷಿಯಾಗಿದ್ದಾರೆ.

ರಘು ಹಾಗೂ ಪ್ರಶಾಂತ್​ ಸಂಬರಗಿ ಅವರ ಸಂಬಂಧಕ್ಕೆ ಮೊದಲ ದಿನವೇ ಬೆಂಕಿ ಬಿದ್ದಿದೆ.

ಮತ್ತೆ ಶಮಂತ್​ ಮೊದಲಿನಂತೆ ಸೈಲೆಂಟಾಗಿಯೇ ಅದೃಷ್ಟವನ್ನು ನಂಬಿಕೊಂಡು ಇರುತ್ತಾರಾ ಅಥವಾ ಈಗಲಾದರೂ ಆಟ ಆಡೋಕೆ ಶುರು ಮಾಡ್ತಾರಾ ಅನ್ನೋದನ್ನ ತಿಳಿಯೋಕೆ ವೀಕ್ಷಕರು ಕಾತರರಾಗಿದ್ದಾರೆ.