Vijay Antony: ತಮಿಳು ನಟ ವಿಜಯ್​ಗೆ ಶೂಟಿಂಗ್​ ಸೆಟ್​ನಲ್ಲಿ ಗಾಯ

ಬಿಚ್ಚಗಾಡು ಚಿತ್ರದ ಮೂಲಕ ತೆಲುಗಿನಲ್ಲಿ ಜನಪ್ರಿಯರಾದ ನಟ ವಿಜಯ್ ಆಂಟನಿ. ಸಿನಿಮಾದ ಶೂಟಿಂಗ್ ವೇಳೆ ವಿಜಯ್ ಆಂಟೋನಿ ಅಪಘಾತಕ್ಕೀಡಾಗಿ ಗಂಭೀರವಾಗಿ ಗಾಯಗೊಂಡಿದ್ದಾರೆ.

ಸದ್ಯ ಚಿತ್ರದ ಚಿತ್ರೀಕರಣ ಮಲೇಷ್ಯಾದಲ್ಲಿ ನಡೆಯುತ್ತಿದೆ. ಅಲ್ಲಿ ಶೂಟಿಂಗ್ ವೇಳೆ ವಿಜಯ್ ಆಂಟನಿ ಗಂಭೀರವಾಗಿ ಗಾಯಗೊಂಡಿದ್ದರು. ಚಿತ್ರತಂಡ ಅವರನ್ನು ಮಲೇಷ್ಯಾದ ಆಸ್ಪತ್ರೆಗೆ ಸ್ಥಳಾಂತರಿಸಿದೆ. ಸದ್ಯ ವೈದ್ಯರು ಚಿಕಿತ್ಸೆ ನೀಡುತ್ತಿದ್ದಾರೆ.

ದೋಣಿಯಲ್ಲಿ ದೃಶ್ಯವನ್ನು ಚಿತ್ರೀಕರಿಸುವಾಗ ಈ ಅಪಘಾತ ಸಂಭವಿಸಿದೆ ಎಂದು ಹೇಳಲಾಗಿದೆ. ವೇಗವಾಗಿ ಬಂದ ದೋಣಿಯೊಂದು ನಿಯಂತ್ರಣ ತಪ್ಪಿ ಮತ್ತೊಂದು ದೋಣಿಗೆ ಡಿಕ್ಕಿ ಹೊಡೆದಿದೆ. ಈ ವೇಳೆ ವಿಜಯ್ ಆಂಟನಿ ಗಾಯಗೊಂಡಿದ್ದಾರಂತೆ.

ಆದರೆ ವಿಜಯ್ ಆರೋಗ್ಯ ಸ್ಥಿರವಾಗಿದೆಯಂತೆ. ಈ ಘಟನೆಯಿಂದ ವಿಜಯ್ ಆಂಟನಿ ಕುಟುಂಬ ಬೆಚ್ಚಿಬಿದ್ದಿದೆ. ಮೇಲಾಗಿ ಅವರ ಕುಟುಂಬ ಮಲೇಷ್ಯಾಕ್ಕೆ ತೆರಳಿದೆಯಂತೆ.

ಈ ಚಿತ್ರ ತಮಿಳಿನಲ್ಲಿ ಪಿಚ್ಚೈಕಾರನ್ 2 ಮತ್ತು ತೆಲುಗಿನಲ್ಲಿ ಬಿಚ್ಚಗಾಡು ಎಂದು ಬಿಡುಗಡೆಯಾಗಲಿದೆ. ಇದು ಕನ್ನಡದಲ್ಲಿ ಭಿಕ್ಷುಕ-2 ಮತ್ತು ಮಲಯಾಳಂನಲ್ಲಿ ಪಿಚ್ಚಕಾರನ್-2 ಆಗಿ ಬಿಡುಗಡೆಯಾಗಲಿದೆ. ಪೋಸ್ಟ್ ಪ್ರೊಡಕ್ಷನ್ ಕೆಲಸ ಮುಗಿಸಿ ಚಿತ್ರಮಂದಿರಗಳಲ್ಲಿ ಸಿನಿಮಾ ಸಮ್ಮರ್​ನಲ್ಲಿ ರಿಲೀಸ್ ಆಗಲಿದೆ.

ಚಿತ್ರ 2023 ರ ಬೇಸಿಗೆಯಲ್ಲಿ ಬಿಡುಗಡೆಯಾಗಲಿದೆ ಎಂದು ವಿಜಯ್ ಸೊಷಿಯಲ್ ಮೀಡಿಯಾದಲ್ಲಿ ಘೋಷಿಸಿದ್ದಾರೆ. ಇದಕ್ಕೆ ಸಂಬಂಧಿಸಿದ ಪೋಸ್ಟರ್‌ಗಳನ್ನೂ ಬಿಡುಗಡೆ ಮಾಡಲಾಗಿದೆ.

ಈ ಪೋಸ್ಟರ್ ನಲ್ಲಿ ವಿಜಯ್ ಆಂಟನಿ ಕಣ್ಣಿಗೆ ಕೆಂಪು ಬಟ್ಟೆ ಕಟ್ಟಿಕೊಂಡಿದ್ದಾರೆ. ಅದರ ಮೇಲೆ ಆ್ಯಂಟಿ ಬಿಕಿಲಿ ಎಂದು ಬರೆಯಲಾಗಿದೆ. ಇದು ಚಿತ್ರದ ಮೇಲಿನ ನಿರೀಕ್ಷೆಯನ್ನು ಹೆಚ್ಚಿಸಿದೆ.