Bhumika Chawla: ಈ ನಟಿಯ ಕೈ ತಪ್ಪಿತು ಎರಡು ಸೂಪರ್ ಹಿಟ್ ಸಿನಿಮಾ! ಬಾಲಿವುಡ್ ಬಗ್ಗೆ ಭೂಮಿಕಾ ಚಾವ್ಲಾಗೆ ಬೇಸರ

ಸಿನಿಮಾ ಇಂಡಸ್ಟ್ರಿಯಲ್ಲಿ ಇಂತಹ ಘಟನೆಗಳು ಸಾಮಾನ್ಯವಾಗಿದೆ. ಆದರೆ, ಒಮ್ಮೊಮ್ಮೆ ಹಾಗೆ ಮಿಸ್ ಆಗುವ ಚಿತ್ರಗಳು ಸೂಪರ್ ಹಿಟ್ ಆಗಿಬಿಟ್ಟರೆ ಸಿನಿಮಾ ಕೈ ತಪ್ಪಿದ ನಟಿಯರಿಗೆ ಆಗುವ ನೋವು ಅಷ್ಟಿಷ್ಟಲ್ಲ. ಸಂದರ್ಶನವೊಂದರಲ್ಲಿ ನಟಿ ಭೂಮಿಕಾ ಆಡಿದ ಮಾತುಗಳು ಇದೀಗ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.

ಹಿಂದಿಯಲ್ಲಿ ನಟಿ ಭೂಮಿಕಾ, ಸಲ್ಮಾನ್ ಖಾನ್ ಜೊತೆ ನಟಿಸಿದ ತೇರೆ ನಾಮ್ ಚಿತ್ರ ಸೂಪರ್ ಹಿಟ್ ಆಗಿದೆ. ಈ ಸಿನಿಮಾ ಸಕ್ಸಸ್ ಬಳಿಕ ಭೂಮಿಕಾ ಕೆಲ ಬಾಲಿವುಡ್ ಸಿನಿಮಾಗಳಲ್ಲಿ ನಟಿಸಿದ್ರು, ಶಾಹಿದ್ ಕಪೂರ್ ಹಾಗೂ ಕರೀನಾ ಕಪೂರ್ ನಟಿಸಿದ ಸಿನಿಮಾ ಜಬ್ ವಿ ಮೆಟ್’ ಸಿನಿಮಾಗೆ ನಟಿ ಭೂಮಿಕಾ ಸಹಿ ಹಾಕಿದ್ದರಂತೆ, ಆದ್ರೆ ಕಾರಣಾಂತರಿಂದ ಸಿನಿಮಾದಿಂದ ನಟಿ ಹೊರಗಿಳಿದ್ರು.

ಬಾಲಿವುಡ್ ಸೂಪರ್ ಹಿಟ್ ಮೂವಿ ಮುನ್ನಾಭಾಯ್ ಎಂಬಿಬಿಎಸ್ ಸಿನಿಮಾದಲ್ಲಿ ನಟಿಸುವ ಅವಕಾಶ ಬಂದಿತ್ತು, ನಾನು ಕೂಡ ಸಹಿ ಮಾಡಿದೆ. ಕೊನೆ ಕ್ಷಣದಲ್ಲಿ ಪಾತ್ರ ನನ್ನ ಕೈತಪ್ಪಿತು ಎಂದು ನಟಿ ಭೂಮಿಕಾ ಬೇಸರ ಹೊರ ಹಾಕಿದ್ದಾರೆ. ಜೊತೆಗೆ ಸಿನಿಮಾ ಇಂಡಸ್ಟ್ರಿಯಲ್ಲಿ ಇದೆಲ್ಲಾ ಕಾಮನ್ ಎಂದಿದ್ದಾರೆ.

ಬಾಲಿವುಡ್ನಲ್ಲಿ ಹೇಳಿಕೊಳ್ಳುವ ಯಶಸ್ಸು ಸಿಗದ ಹಿನ್ನೆಲೆ ಭೂಮಿಕಾ ಸೌತ್ ಸಿನಿಮಾದತ್ತ ಮುಖ ಮಾಡಿದ್ರು. ಭೂಮಿಕಾ ಚಾವ್ಲಾ 'ಯುವಕುಡು' ಸಿನಿಮಾ ಮೂಲಕ ತೆಲುಗು ಸಿನಿಮಾ ಇಂಡಸ್ಟ್ರಿಗೆ ಎಂಟ್ರಿ ಕೊಟ್ಟರು.

ಆ ನಂತರ ತೆಲುಗಿನ ಟಾಪ್ ಹೀರೋಗಳ ಜೊತೆ ನಟಿಸಿ ಸೈ ಎನಿಸಿಕೊಂಟಿದ್ದಾರೆ. ಖುಷಿ ಸಿನಿಮಾ ಬಳಿಕ ನಂತರ ಭೂಮಿಕಾ ಅತಡು, ಸಿಂಹಾದ್ರಿ, ಸಾಂಬಾ, ವಾಸು ಸಿನಿಮಾ ಮಾಡಿದ್ದಾರೆ.

ಖುಷಿ ಜೊತೆಗೆ ಭೂಮಿಕಾ ಹಾಗೂ ಮಹೇಶ್ ಬಾಬು ಜೊತೆ ಅತಡು, NTR ಜೊತೆಗಿನ ಸಿಂಹಾದ್ರಿ ಸಿನಿಮಾ ಭೂಮಿಕಾಗೆ ಹೆಚ್ಚಿನ ಜನಪ್ರಿಯತೆ ತಂದು ಕೊಟ್ಟಿದೆ. ಪವನ್ ಕಲ್ಯಾಣ್, ಮಹೇಶ್ ಬಾಬು ಮತ್ತು NTR ನಂತಹ ಸೂಪರ್ ಸ್ಟಾರ್​ಗಳ ಜೊತೆ ಭೂಮಿಕಾ ಮಿಂಚಿದ್ರು.

ಭರತ್ ಠಾಕೂರ್ ಅವರೊಂದಿಗಿನ ವಿವಾಹದ ನಂತರ, ಭೂಮಿಕಾ ಹಲವಾರು ವರ್ಷಗಳ ಕಾಲ ಸಿನಿಮಾ ಇಂಡಸ್ಟ್ರಿಯಿಂದ ದೂರವಿದ್ದರು. ಆ ನಂತರ ಬಾಲಿವುಡ್​ಗೆ ಹೋಗಿ ಕೆಲ  ಸಿನಿಮಾ ಮಾಡಿದರು.

ಧೋನಿ ಸಿನಿಮಾ ಮೂಲಕ ಭೂಮಿಕಾ ರೀ ಎಂಟ್ರಿ ಕೊಟ್ಟರು. ಈ ಚಿತ್ರದ ಮೂಲಕ ಭೂಮಿಕಾ ಚಾವ್ಲಾ ಮತ್ತೆ ಫಾರ್ಮ್​ಗೆ ಮರಳಿದರು. ಇತ್ತೀಚೆಗೆ ಸಲ್ಮಾನ್ ಖಾನ್ ಮತ್ತು ವೆಂಕಟೇಶ್ ಅಭಿನಯದ 'ಕಿಸಿ ಕಾ ಭಾಯ್ ಕಿಸಿ ಕಾ ಜಾನ್' ಚಿತ್ರದಲ್ಲಿ ವೆಂಕಟೇಶ್​ಗೆ ಜೋಡಿಯಾಗಿ ಭೂಮಿಕಾ ನಟಿಸಿದ್ದಾರೆ.