Ajay Devgn: ಕಾಜೋಲ್ ಮುಖ ನೋಡಲು ಕೂಡ ನನಗೆ ಇಷ್ಟವಿರಲಿಲ್ಲ, ಆಕೆ ಸೊಕ್ಕಿನ ಹುಡುಗಿ ಎಂದಿದ್ಯಾಕೆ ಅಜಯ್ ದೇವಗನ್?

ಬಾಲಿವುಡ್​ನ ಅನೇಕ ಜೋಡಿಗಳು ತೆರೆ ಮೇಲೆ ಅಷ್ಟೇ ಅಲ್ಲ ನಿಜ ಜೀವನದಲ್ಲೂ ಪ್ರೀತಿ ಹಾಗೂ ಸಂತೋಷದಿಂದ ಬಾಳುತ್ತಿದ್ದಾರೆ. ಕೆಲವು ಜೋಡಿಗಳು ಸೂಪರ್ ಹಿಟ್ ಜೋಡಿ ಎಂದು ಸಾಬೀತು ಮಾಡಿದೆ. ಕೆಲವರು ತಮ್ಮ ಸಂಬಂಧವನ್ನು ಉಳಿಸಿಕೊಳ್ಳಲು ಸಾಧ್ಯವಾಗಲಿಲ್ಲ. ಆದರೆ ಕಾಜೋಲ್ ಮತ್ತು ಅಜಯ್ ದೇವಗನ್ ಜೋಡಿ, ಬಾಲಿವುಡ್​ ಬೆಸ್ಟ್ ಜೋಡಿಗಳಲ್ಲಿ ಒಬ್ಬರಾಗಿದ್ದಾರೆ.

ಕಾಜೋಲ್ ತನ್ನ ಕಾಮಿಡಿ ಸೆನ್ಸ್​ನಿಂದ ಜೊತೆಗಿದ್ದವರನ್ನು ನಗಿಸುತ್ತಾರೆ. ಅಜಯ್ ಮಾತ್ರ ತುಂಬಾ ಕೂಲ್ ಆಗಿದ್ದು, ಸೈಲೆಂಟ್ ಆಗಿರಲು ಬಯಸುತ್ತಾರಂತೆ. ಇಬ್ಬರೂ ಒಂದು ನಾಣ್ಯದ ಎರಡು ಮುಖಗಳಿದ್ದಂತೆ. ಮೊದಲ ಭೇಟಿಯಲ್ಲೇ ಅಜಯ್ ದೇವಗನ್​ಗೆ ಕಾಜೋಲ್ ಇಷ್ಟವಾಗಲಿಲ್ಲವಂತೆ.

'ಭೋಲಾ' ಸಿನಿಮಾ ಪ್ರಚಾರದ ಕಾರ್ಯಕ್ರಮದಲ್ಲಿ ಮಾತಾಡಿದ ಅಜಯ್ ದೇವಗನ್, ತಮ್ಮ ಮೊದಲ ಭೇಟಿ ಬಗ್ಗೆ ಮಾತಾಡಿದ್ದಾರೆ. 1995ರ 'ಹಲ್ಚಲ್' ಚಿತ್ರದ ಶೂಟಿಂಗ್ ಸಮಯದಲ್ಲಿ ಕಾಜೋಲ್ ಅವರನ್ನು ಮೊದಲ ಬಾರಿಗೆ ಭೇಟಿಯಾಗಿದ್ದೆ. ಅವರ ಬಳಿ ಮಾತಾಡಲು ಕೂಡ ನನಗೆ ಇಷ್ಟವಿರಲಿಲ್ಲ ಎಂದು ಅಜಯ್ ದೇವಗನ್ ಹೇಳಿದ್ದಾರೆ.

ಮೊದಲ ಬಾರಿಗೆ ನಾನು ಕಾಜೋಲ್ ಅವರನ್ನು ಭೇಟಿಯಾದಾಗ ನನಗೆ ಆಕೆ ಸೊಕ್ಕಿನ ಹುಡುಗಿಯಂತೆ ಕಂಡ್ರು, ಜೋರಾಗಿ ಹೆಚ್ಚು ಮಾತಾಡುವ ಕಾಜೋಲ್ ನೋಡಿ ನನಗೆ ಇಷ್ಟವಾಗಿಲ್ಲ. ವ್ಯಕ್ತಿತ್ವದ ವಿಷಯದಲ್ಲಿ ನಾವಿಬ್ಬರೂ ವಿಭಿನ್ನವಾಗಿದ್ದೇವೆ ಎಂದು ಅಜಯ್ ದೇವಗನ್ ಹೇಳಿದ್ದಾರೆ.

ಇಬ್ಬರ ಸ್ನೇಹ ಪ್ರೀತಿಗೆ ತಿರುಗಿತು ಬಳಿಕ ಇಬ್ಬರೂ ಡೇಟಿಂಗ್ ಮಾಡಲು ಶುರು ಮಾಡಿದ್ರು. 1999 ರಲ್ಲಿ, ಇಬ್ಬರೂ ಮಹಾರಾಷ್ಟ್ರದ ಸಂಪ್ರದಾಯದ ಪ್ರಕಾರ ವಿವಾಹವಾಗಿದ್ದಾರೆ. ಈ ದಂಪತಿ ಇಬ್ಬರೂ ಮುದ್ದಾದ ಮಕ್ಕಳಿದ್ದಾರೆ.

ಈ ಸಮಾರಂಭವನ್ನು ಖಾಸಗಿಯಾಗಿ ಇರಿಸಲು ಇಬ್ಬರೂ ನಿರ್ಧರಿಸಿದ್ರು. ದಂಪತಿ ತಮ್ಮ ಮದುವೆ ಬಗ್ಗೆ ಎಲ್ಲೂ ಹೇಳಿರಲಿಲ್ಲ. ಮದುವೆಯ ದಿನವೇ ಇಬ್ಬರ ಗುಟ್ಟಾದ ಮದುವೆ ಸುದ್ದಿ ರಟ್ಟಾಗಿತ್ತು. ಮರುದಿನವೇ ಇಬ್ಬರೂ ಭಾರೀ ಸುದ್ದಿಯಾಗಿದ್ರು.

ಕಾಜೋಲ್ ಹಾಗೂ ಅಜಯ್ ದೇವಗನ್ ಮಗಳು ನ್ಯಾಸಾ ದೇವಗಲ್ ಕೂಡ ಇತ್ತೀಚಿಗೆ ಭಾರೀ ಸುದ್ದಿಯಲ್ಲಿದ್ದಾರೆ. ಸ್ಟಾರ್ ಕಿಡ್ಸ್​ಗಳ ಪಾರ್ಟಿಯಲ್ಲಿ ನ್ಯಾಸಾ ಹೆಚ್ಚಾಗಿ ಕಾಣಿಸಿಕೊಳ್ತಿದ್ದಾರೆ.