Pushpa 2: ಅಲ್ಲು ಅರ್ಜುನ್ ದೇವಿ ಗೆಟಪ್ ಹಿಂದಿದೆ ಇಂಟ್ರೆಸ್ಟಿಂಗ್ ಸ್ಟೋರಿ! ಇದು ಪುಷ್ಪಾ-2 ಬಿಗ್ ಅಪ್‌ಡೇಟ್ಸ್

ಅಲ್ಲು ಅರ್ಜುನ್-ಸುಕುಮಾರ್ ಜೋಡಿಯ ಯಶಸ್ವಿ ಕಾಂಬಿನೇಷನ್​ನಲ್ಲಿ ಮೂಡಿಬಂದ ಪುಷ್ಪ ಚಿತ್ರ ಭಾರೀ ಹಿಟ್ ಆಗಿತ್ತು. ಈ ಸಿನಿಮಾ ಸಕ್ಸಸ್ ಬಳಿಕ ಸುಕುಮಾರ್ ಪುಷ್ಪ ಸೀಕ್ವೆಲ್ ಮಾಡುತ್ತಿದ್ದಾರೆ. ಶೀಘ್ರವೇ ಸಿನಿಮಾ ತೆರೆ ಮೇಲೆ ಬರಲಿದೆ.

ಪುಷ್ಪ 2 ಸಿನಿಮಾವನ್ನು ಅದ್ಧೂರಿಯಾಗಿ ಪ್ಲಾನ್ ಮಾಡಿದ್ದಾರೆ. ಸಿನಿಮಾ ಚಿತ್ರೀಕರಣ ನಡೆಯುತ್ತಿರುವಾಗಲೇ ಈ ಚಿತ್ರದ ಬಗ್ಗೆ ಹೈಪ್ ಕ್ರಿಯೇಟ್ ಮಾಡಲು ಹೊಸ ಹೊಸ ಅಪ್​ಡೇಟ್​​ಗಳನ್ನು ನೀಡಲಾಗುತ್ತಿದೆ. ಇದೀಗ ಅಲ್ಲು ಅರ್ಜುನ್ ಹೊಸ ಪೋಸ್ಟರ್ ಕೂಡ ರಿಲೀಸ್ ಆಗಿದೆ.

ಅಲ್ಲು ಅರ್ಜುನ್ ಹುಟ್ಟುಹಬ್ಬದ ಪ್ರಯುಕ್ತ ಪುಷ್ಪ 2 ಚಿತ್ರದ ಫಸ್ಟ್ ಲುಕ್ ಪೋಸ್ಟರ್ ಬಿಡುಗಡೆ ಮಾಡಿದೆ. ಸಿನಿಮಾ ಟೀಸರ್ ಕೂಡ ಬಿಡುಗಡೆಯಾಗಿದೆ. ಈ ಪೋಸ್ಟರ್​ನಲ್ಲಿ ಅಲ್ಲು ಅರ್ಜುನ್ ಕಾಳಿ ಮಾತೆಯ ಗೆಟಪ್​ನಲ್ಲಿ ಕಾಣಿಸಿಕೊಂಡಿದ್ದು, ಈ ಪೋಸ್ಟರ್​ಗೆ ಭಾರೀ ರೆಸ್ಪಾನ್ಸ್ ಸಿಕ್ಕಿದೆ. ಬನ್ನಿ ಡಿಫರೆಂಟ್ ಲುಕ್ ನಿಂದ ಅಭಿಮಾನಿಗಳ ಮನಗೆದ್ದಿದ್ದಾರೆ.

ಪುಷ್ಪ 2 ಸಿನಿಮಾ ಫಸ್ಟ್ ಲುಕ್ನಲ್ಲಿ ಅಲ್ಲು ಅರ್ಜುನ್ ದೇವಿ ಅವತಾರದಲ್ಲಿ ಕಾಣಿಸಿಕೊಂಡಿದ್ದಾರೆ. ಸೀರೆ, ಕೈಗೆ ಬಳೆ ಧರಿಸಿ, ಕೊರಳಲ್ಲಿ ಬಂಗಾರದ ಜತೆಗೆ ಕೈಯಲ್ಲಿ ಗನ್ ಹಿಡಿದು ಪುಷ್ಪ ಹೊಸ ಅವತಾರದಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಪೋಸ್ಟರ್ ನೋಡಿ ಪ್ರೇಕ್ಷಕರು ಅಚ್ಚರಿಗೊಂಡಿದ್ದಾರೆ.

ಪುಷ್ಪ 2 ಚಿತ್ರಕ್ಕೆ ಅಲ್ಲು ಅರ್ಜುನ್ ಗೆಟಪ್ ನೀಡಿರುವ ಹಿಂದಿನ ಕಥೆ ಸೋಷಿಯಲ್ ಮೀಡಿಯಾದಲ್ಲಿ ಭಾರೀ ಚರ್ಚೆ ಆಗುತ್ತಿದೆ. ಹೊಡೆದಾಟದ ದೃಶ್ಯದಲ್ಲಿ ಅಲ್ಲು ಅರ್ಜುನ್ ಈ ಗೆಟಪ್​ನಲ್ಲಿ ಕಾಣಿಸಿಕೊಳ್ಳಲಿದ್ದಾರಂತೆ. ಈ ಗೆಟಪ್ ಶೂಟಿಂಗ್​ಗಾಗಿ ಸೆಟ್ ಕೂಡ ಅದ್ಧೂರಿಯಾಗಿ ರೆಡಿಯಾಗಿದೆಯಂತೆ.

ತಿರುಪತಿಯಲ್ಲಿ ಪ್ರತಿ ವರ್ಷ ಗಂಗಮ್ಮ ಅಮ್ಮನವರ ಜಾತ್ರೆ ನಡೆಯುತ್ತದೆ. ಈ ಜಾತ್ರೆಯಲ್ಲಿ ಗಂಡಸರು ಹೆಣ್ಣಿನ ವೇಷ ಧರಿಸುವ ಸಂಪ್ರದಾಯ ತಲೆಮಾರಿನಿಂದಲೂ ನಡೆದುಕೊಂಡು ಬಂದಿದೆ. ಪುಷ್ಪ 2 ನಲ್ಲಿ ಸುಕುಮಾರ್ ಅದೇ ರೀತಿ ತೋರಿಸಲಿದ್ದಾರೆ.

ಹಿಂದೆ ತಿರುಪತಿಯ ಸುತ್ತಮುತ್ತಲಿನ ಪ್ರದೇಶಗಳು ಪಾಳೇಗೊಂಡರ ಆಳ್ವಿಕೆಯಲ್ಲಿತ್ತು. ಹಾಗಾಗಿಯೇ ಪಾಳೇಗಾಲ ವಂಶಸ್ಥರು ಅಲ್ಲಿನ ಹೆಣ್ಣು ಮಕ್ಕಳಿಗೆ ಕಿರುಕುಳ ನೀಡಿ ಹಿಂಸಿಸುತ್ತಿದ್ದರು. ರಾಜನ ಆಳ್ವಿಕೆಯಲ್ಲಿ ವಿಚಿತ್ರ ನಿರ್ಬಂಧ ವಿಧಿಸಿದ್ರು

ದುಷ್ಕರ್ಮಿಗಳನ್ನು ಮಟ್ಟ ಹಾಕಲು ಮತ್ತು ಸ್ತ್ರೀ ಜನಾಂಗವನ್ನು ಉಳಿಸಲು ದೇವಿ ಕೈಕಾಲ ಜಾತಿಯಲ್ಲಿ ಗಂಗಮ್ಮನಾಗಿ ಜನಿಸಿದಳು. ಗ್ರಾಮ ದೇವತೆ ಗಂಗಮ್ಮನ ತಾಯಿ ಅಲ್ಲಿನ ಜನರನ್ನು ರಕ್ಷಿಸಲು ಮುಂದಾದರು. ತಾಯಿ ಸುಂದರ ಹುಡುಗಿಯಾಗಿ ಬೆಳೆದ ಬಳಿಕ ಆಕೆ ಗಂಗಮ್ಮನ ತಾಯಿ ಎಂದು ತಿಳಿಯದೆ ಆಕೆಗೆ ತೊಂದರೆ ಕೊಡಲು ಯತ್ನಿಸಿದರು ಈ ವೇಳೆ ಗಂಗಮ್ಮ ತನ್ನ ವಿಶ್ವರೂಪವನ್ನು ಪ್ರದರ್ಶಿಸಿದ್ದಾರೆ ಎನ್ನುವ ಇತಿಹಾಸವಿದೆ.

ಗಂಗಮ್ಮ ಹಲವು ವೇಷ ಧರಿಸಿ ಮೂರು ದಿನ ಅಲೆದಾಡಿದ್ದಾಳೆ. ನಾಲ್ಕನೇ ದಿನ ಗಂಗಮ್ಮ ಆತನ ತಲೆಯನ್ನು ಕಡಿದು ಕೊಂದಳು ಎಂಬುದು ಸ್ಥಳ ಪುರಾಣದಲ್ಲಿ ತಿಳಿಸಲಾಗಿದೆ.