Pori Moni: ಖ್ಯಾತ ನಟಿ ಮೇಲೆ ಅತ್ಯಾಚಾರ, ಕೊಲೆ ಯತ್ನ; ಪ್ರಧಾನಿ ಬಳಿ ಸಹಾಯ ಕೋರಿದ ಹೀರೋಯಿನ್!

ಕಳೆದ ಒಂದೆರಡು ವರ್ಷಗಳಿಂದ ಭಾರತದಲ್ಲಿ ಮೀಟೂ (Me Too) ಅಭಿಯಾನ ಜೋರಾಗಿ ನಡೆದಿತ್ತು. ಬಾಲಿವುಡ್ ನಟಿಯರೂ ಸೇರಿದಂತೆ ಅನೇಕ ಚಿತ್ರರಂಗದ ನಟಿಯರು ತಮ್ಮ ಮೇಲೆ ನಡೆದ ಲೈಂಗಿಕ ದೌರ್ಜನ್ಯದ ವಿರುದ್ಧ ಧ್ವನಿಯೆತ್ತಿದ್ದರು. ಬೇರೆ ದೇಶಗಳಲ್ಲೂ ನಟಿಯರು ಕೂಡ ಮೀಟೂ ಅಭಿಯಾನಕ್ಕೆ ಬೆಂಬಲ ಸೂಚಿಸಿದ್ದರು. ಇದರಿಂದ ಅನೇಕ ಖ್ಯಾತ ನಟರು, ನಿರ್ದೇಶಕರ ಅಸಲಿ ಮುಖ ಬಯಲಾಗಿತ್ತು.

ಬಾಂಗ್ಲಾದೇಶದ ಖ್ಯಾತ ನಟಿ ಪೋರಿ ಮೋನಿ (ಶಂಸುನ್ನಾಹರ್ ಸ್ಮೃತಿ) ತನ್ನ ಮೇಲೆ ಅತ್ಯಾಚಾರ ನಡೆದಿದೆ ಎಂದು ಫೇಸ್​ಬುಕ್​ನಲ್ಲಿ ಪೋಸ್ಟ್ ಮಾಡಿದ್ದಾರೆ. ಈ ಸುದ್ದಿ ಈಗ ಭಾರೀ ಚರ್ಚೆಗೆ ಗ್ರಾಸವಾಗಿದೆ.

ಬಾಂಗ್ಲಾದೇಶದ ರಿಯಲ್ ಎಸ್ಟೇಟ್ ಉದ್ಯಮಿ ಹಾಗೂ ಢಾಕಾ ಬೋಟ್ ಕ್ಲಬ್​ನ ಎಂಟರ್​ಟೈನ್​ಮೆಂಟ್​ ಮತ್ತು ಕಲ್ಚರಲ್ ಅಫೇರ್ಸ್​ ಕಾರ್ಯದರ್ಶಿಯಾಗಿರುವ ನಾಸೀರ್ ಯು. ಅಹಮದ್ ಎಂಬಾತ ನನ್ನ ಮೇಲೆ ಅತ್ಯಾಚಾರ ನಡೆಸಿದ್ದಾನೆ. ಈ ವಿಷಯವನ್ನು ಹೇಳಿದರೆ ಕೊಲೆ ಮಾಡುವುದಾಗಿ ಜೀವ ಬೆದರಿಕೆಯನ್ನೂ ಹಾಕಿದ್ದಾನೆ ಎಂದು ನಟಿ ಪೋರಿ ಮೋನಿ ಆರೋಪಿಸಿದ್ದಾರೆ.

ನನಗೆ ಜೀವ ಭಯವಿದ್ದು, ನಟಿಯೆಂಬ ಕಾರಣಕ್ಕೆ ಮಾತ್ರವಲ್ಲದೆ ಬಾಂಗ್ಲಾದೇಶದ ಸಾಮಾನ್ಯ ಪ್ರಜೆಯೆಂದು ಪರಿಗಣಿಸಿ ನನಗೆ ರಕ್ಷಣೆ ಕೊಡಿ ಎಂದು ವಿಡಿಯೋ ಮತ್ತು ಫೇಸ್​ಬುಕ್ ಪೋಸ್ಟ್ ಮೂಲಕ ಬಾಂಗ್ಲಾದೇಶದ ಪ್ರಧಾನಿ ಶೇಖ್ ಹಸೀನಾ ಅವರಿಗೆ ನಟಿ ಪೋರಿ ಮೋನಿ ಮನವಿ ಮಾಡಿದ್ದಾರೆ.

ಪ್ರಧಾನಿ ಶೇಖ್ ಹಸೀನಾ ಅವರನ್ನು ಅಮ್ಮಾ ಎಂದು ಕರೆದು ವಿಡಿಯೋ ಮಾಡಿರುವ ನಟಿ ಪೋರಿ ಮೋನಿ, ನನ್ನಂತಹ ಅನೇಕ ಹೆಣ್ಣುಮಕ್ಕಳು ಈ ರೀತಿ ಲೈಂಗಿಕ ದೌರ್ಜನ್ಯವನ್ನು ಎದುರಿಸುತ್ತಿದ್ದಾರೆ. ಅವರ ಪರವಾಗಿ ನಾನು ಧ್ವನಿಯೆತ್ತಿದ್ದೇನೆ. ದಯವಿಟ್ಟು ನನಗೆ ಸಹಾಯ ಮಾಡಿ ಅಮ್ಮಾ ಎಂದು ಕೋರಿದ್ದಾರೆ.

ನನಗೆ ಎಲ್ಲಿ ನ್ಯಾಯ ಸಿಗುತ್ತದೆ? ನ್ಯಾಯಕ್ಕಾಗಿ ಕಳೆದ 4 ದಿನಗಳಿಂದ ನಾನು ಎಲ್ಲ ಕಡೆಯೂ ಅಲೆದಿದ್ದೇನೆ. ಆದರೆ, ನಾಸೀರ್ ಪ್ರಭಾವಿಯಾಗಿರುವುದರಿಂದ ನನಗೆ ಎಲ್ಲೂ ನ್ಯಾಯ ಸಿಕ್ಕಿಲ್ಲ. ನಾನು ನಟಿ, ಯುವತಿ ಎಂಬುದೆಲ್ಲದಕ್ಕಿಂತ ಮಿಗಿಲಾಗಿ ನಾನೂ ಒಬ್ಬಳು ಮನುಷ್ಯಳು. ನನಗಾದ ಅನ್ಯಾಯವನ್ನು ನಾನು ಹೇಳಲೇಬೇಕಾಗಿದೆ ಎಂದು ಪೋರಿ ಮೋನಿ ಫೇಸ್​ಬುಕ್ ಪೋಸ್ಟ್ ಮಾಡಿದ್ದಾರೆ.

ಬಾಂಗ್ಲಾದೇಶದ ಕ್ಲಬ್ ಒಂದರಲ್ಲಿ ನನ್ನ ಮೇಲೆ ನಾಸೀರ್ ಅತ್ಯಾಚಾರವೆಸಗಿದ್ದಾನೆ. ಅಲ್ಲದೆ, ಕೊಲೆ ಮಾಡಲೂ ಪ್ರಯತ್ನಿಸಿದ್ದಾನೆ ಎಂದು 28 ವರ್ಷದ ಬಾಂಗ್ಲಾ ನಟಿ ಪೋರಿ ಮೋನಿ ದೂರು ನೀಡಿದ್ದಾರೆ.

ಈ ದೂರಿನ ಹಿನ್ನೆಲೆಯಲ್ಲಿ ಪೊಲೀಸರು ಉದ್ಯಮಿ ನಾಸೀರ್​ ಸೇರಿದಂತೆ ಇನ್ನೂ ನಾಲ್ವರನ್ನು ಬಂಧಿಸಿದ್ದಾರೆ.

ಭಾನುವಾರ ರಾತ್ರಿ ಸುದ್ದಿಗೋಷ್ಠಿಯನ್ನೂ ಕರೆದಿದ್ದ ನಟಿ ಪೋರಿ ಮೋನಿ ತಮ್ಮ ಮೇಲಾದ ಲೈಂಗಿಕ ದೌರ್ಜನ್ಯವನ್ನು ಬಿಚ್ಚಿಟ್ಟಿದ್ದರು. ನನಗೆ ಅಮ್ಮ ಇಲ್ಲ. ಹೀಗಾಗಿ, ಪ್ರಧಾನಿಯವರನ್ನೇ ಅಮ್ಮ ಎಂದು ಪರಿಗಣಿಸಿ ಅವರ ಬಳಿ ನನ್ನ ನೋವನ್ನು ಹೇಳಿಕೊಳ್ಳುತ್ತಿದ್ದೇನೆ ಎಂದು ಪೋರಿ ಹೇಳಿದ್ದರು.

ನಾನು ಕ್ಲಬ್​ಗೆ ಹೋಗಿದ್ದಾಗ ನನ್ನ ಸ್ನೇಹಿತ ನಾಸೀರ್​ ಅವರನ್ನು ಪರಿಚಯ ಮಾಡಿಸಿದ್ದ. ಅದಾದ ಮಾರನೇ ದಿನವೇ ನನ್ನ ಮೇಲೆ ಅತ್ಯಾಚಾರ ನಡೆಸಿದ ನಾಸೀರ್ ಮಹಮದ್ ನನ್ನನ್ನು ಕೊಲೆ ಮಾಡಲು ಪ್ರಯತ್ನಿಸಿದ್ದ. ಇದಕ್ಕೆ ನನ್ನ ಗೆಳೆಯ ಕೂಡ ಸಹಾಯ ಮಾಡಿದ್ದ ಎಂದು ಪೋರಿ ಮೋನಿ ಹೇಳಿದ್ದರು.

ಬಾಂಗ್ಲಾ ಭಾಷೆಯ 25ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ನಟಿಸಿರುವ ಪೋರಿ ಮೋನಿ 2015ರಲ್ಲಿ ಚಿತ್ರರಂಗಕ್ಕೆ ಕಾಲಿಟ್ಟರು.

2020ರಲ್ಲಿ ಫೋರ್ಬ್ಸ್​ ಮ್ಯಾಗಜಿನ್ ಬಿಡುಗಡೆ ಮಾಡಿದ್ದ ಏಷ್ಯಾ ಫೆಸಿಫಿಕ್ ಅತ್ಯಂತ ಪ್ರಭಾವಶಾಲಿ ಸೆಲೆಬ್ರಿಟಿಗಳ ಪಟ್ಟಿಯಲ್ಲೂ ಪೋರಿ ಮೋನಿ ಸ್ಥಾನ ಪಡೆದಿದ್ದರು.

ಬಾಲ್ಯದಲ್ಲೇ ತಂದೆ-ತಾಯಿಯನ್ನು ಕಳೆದುಕೊಂಡ ಪೋರಿ ಮೋನಿ ಬಳಿಕ ತಮ್ಮ ಅಜ್ಜ-ಅಜ್ಜಿಯ ಮನೆಯಲ್ಲಿ ಬೆಳೆದರು.

2012ರಲ್ಲಿ ಪಿಯುಸಿ ಮುಗಿಸಿದ ಬಳಿಕ ಮಾಡೆಲಿಂಗ್ ಶುರು ಮಾಡಿದ ಪೋರಿ 2015ರಲ್ಲಿ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟರು.

25ಕ್ಕೂ ಹೆಚ್ಚು ಸಿನಿಮಾ, ಅನೇಕ ಜಾಹೀರಾತುಗಳಲ್ಲೂ ನಟಿ ಪೋರಿ ಮೋನಿ ಕಾಣಿಸಿಕೊಂಡಿದ್ದಾರೆ.

2012ರಲ್ಲಿ ಸೌರವ್ ಕಬೀರ್ ಎಂಬುವವರನ್ನು ಮದುವೆಯಾಗಿದ್ದ ಪೋರಿ ಬಳಿಕ 2019ರಲ್ಲಿ ವಿಚ್ಛೇದನ ಪಡೆದಿದ್ದರು.

2020ರಲ್ಲಿ ಪೋರಿ ಮೋನಿ ರಂಗಭೂಮಿ ನಿರ್ದೇಶಕ ಕಮ್ರುಜ್ಜಾಮನ್ ರೋನಿ ಎಂಬುವವರನ್ನು ಮದುವೆಯಾಗಿದ್ದಾರೆ.

ಬಾಂಗ್ಲಾದೇಶದ ನಟಿ ಪೋರಿ ಮೋನಿ

ಬಾಂಗ್ಲಾದೇಶದ ನಟಿ ಪೋರಿ ಮೋನಿ

ಬಾಂಗ್ಲಾದೇಶದ ನಟಿ ಪೋರಿ ಮೋನಿ

ಬಾಂಗ್ಲಾದೇಶದ ನಟಿ ಪೋರಿ ಮೋನಿ

ಬಾಂಗ್ಲಾದೇಶದ ನಟಿ ಪೋರಿ ಮೋನಿ

ಬಾಂಗ್ಲಾದೇಶದ ನಟಿ ಪೋರಿ ಮೋನಿ

ಬಾಂಗ್ಲಾದೇಶದ ನಟಿ ಪೋರಿ ಮೋನಿ

ಬಾಂಗ್ಲಾದೇಶದ ನಟಿ ಪೋರಿ ಮೋನಿ

ಬಾಂಗ್ಲಾದೇಶದ ನಟಿ ಪೋರಿ ಮೋನಿ

ಬಾಂಗ್ಲಾದೇಶದ ನಟಿ ಪೋರಿ ಮೋನಿ

ಬಾಂಗ್ಲಾದೇಶದ ನಟಿ ಪೋರಿ ಮೋನಿ

ಬಾಂಗ್ಲಾದೇಶದ ನಟಿ ಪೋರಿ ಮೋನಿ

ಬಾಂಗ್ಲಾದೇಶದ ನಟಿ ಪೋರಿ ಮೋನಿ

ಬಾಂಗ್ಲಾದೇಶದ ನಟಿ ಪೋರಿ ಮೋನಿ

ಬಾಂಗ್ಲಾದೇಶದ ನಟಿ ಪೋರಿ ಮೋನಿ

ಬಾಂಗ್ಲಾದೇಶದ ನಟಿ ಪೋರಿ ಮೋನಿ