Unstoppable 2: ಬಾಲಯ್ಯ ಶೋ ವಿಡಿಯೋ ಕದ್ದವರಿಗೆ ಹೈಕೋರ್ಟ್ ಶಾಕ್​! ಪ್ರಭಾಸ್ ಎಪಿಸೋಡ್ ಕಟ್!

ನಂದಮೂರಿ ಬಾಲಕೃಷ್ಣ ನಡೆಸಿಕೊಡ್ತಿರುವ ಅನ್​ ಸ್ಟಾಪಬಲ್ ಶೋಗೆ ಭರ್ಜರಿ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಅನೇಕ ನಟ-ನಟಿಯರು ಈ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದು, ಅಭಿಮಾನಿಗಳಿಗೆ ತಿಳಿಯ ಅನೇಕ ವೈಯಕ್ತಿಕ ವಿಚಾರವನ್ನು ಹಂಚಿಕೊಂಡಿದ್ದಾರೆ.

ಅನ್ ಸ್ಟಾಪಬಲ್ ನ ಮೊದಲ ಸೀಸನ್ ಸೂಪರ್ ಹಿಟ್ ಆದ ಬಳಿಕ 2ನೇ ಸೀಸನ್ ಕೂಡ ಜನ ಮನ ಗೆದ್ದಿದೆ. ಬಾಲಯ್ಯ ಅವರು ಸಿನಿಮಾ ಮಾತ್ರವಲ್ಲ ರಾಜಕೀಯ ಗಣ್ಯರನ್ನು ಸಂದರ್ಶನ ಮಾಡಿದ್ರು ಈ ಶೋಗೆ ನಿರೀಕ್ಷೆಗೂ ಮೀರಿದ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ.

ಆನ್​ ಲೈನ್​ ಸ್ಕ್ಯಾಮರ್ ಗಳು ಈ ಕಾರ್ಯಕ್ರಮದ ಕ್ಲಿಪ್ ಗಳನ್ನು ಪೈಸಿಟ್ ಮಾಡುವ ಮೂಲಕ ಹಣ ಗಳಿಸಿದ್ದಾರೆ. ಇದಕ್ಕೆ ಸಂಬಂಧಿಸಿದಂತೆ ಅರ್ಹ ಮೀಡಿಯಾ ಮತ್ತು ಬ್ರಾಡ್ಕಾಸ್ಟಿಂಗ್ ಪ್ರೈವೇಟ್ ಲಿಮಿಟೆಡ್ ದೆಹಲಿ ಹೈಕೋರ್ಟ್ ನಲ್ಲಿ ಅರ್ಜಿ ಸಲ್ಲಿಸಿದೆ. ಅನಧಿಕೃತವಾಗಿ ಪ್ರಸಾರ ಮಾಡುತ್ತಿರುವ ಯೂಟ್ಯೂಬ್ ಚಾನೆಲ್ ಗಳು ಮತ್ತು ಪ್ರಸಾರ ಮಾಧ್ಯಮಗಳ ವಿರುದ್ಧ ಕ್ರಮ ಕೈಗೊಳ್ಳಲಾಗಿದೆ.

ಈ ಕುರಿತು ತನಿಖೆ ಕೈಗೆತ್ತಿಕೊಂಡ ದೆಹಲಿ ಹೈಕೋರ್ಟ್, ಸಾಮಾಜಿಕ ಜಾಲತಾಣಗಳಲ್ಲಿ ಅನ್ಸ್ಟಾಪಬಲ್ ಶೋ ಅನಧಿಕೃತ ಲಿಂಕ್ಗಳನ್ನು ಪ್ರಸಾರ ಮಾಡಬಾರದು ಹಾಗೂ ಈಗಾಗಲೇ ಪ್ರಸಾರವಾಗುತ್ತಿರುವ ಎಲ್ಲ ಲಿಂಕ್ ಗಳನ್ನು ಡಿಲೀಟ್ ಮಾಡಬೇಕು ಎಂದು ನೋಟಿಸ್ ನೀಡಿದೆ.

ಇತರ ಸೈಟ್ ಗಳಲ್ಲಿ ಆಹಾ OTT ಯಲ್ಲಿನ ವಿಡಿಯೋ ಪೋಸ್ಟ್ ಮಾಡುವುದರಿಂದ ಕಂಪನಿಗೆ ನಷ್ಟವಾಗಿದೆ. ಈ ಹಿನ್ನಲೆಯಲ್ಲಿ ಇತ್ತೀಚೆಗಷ್ಟೇ ಆರಂಭವಾದ ಪ್ರಭಾಸ್ ಎಪಿಸೋಡ್ ಗೆ ಸಂಬಂಧಿಸಿದಂತೆ ಅನಧಿಕೃತವಾಗಿ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿರುವ ಲಿಂಕ್ ಗಳು ಒಂದೊಂದಾಗಿ ರಿಮೂವ್ ಆಗ್ತಿದೆ.

ಎಲೆಕ್ಟ್ರಾನಿಕ್ಸ್ ಮತ್ತು ಇಂಟರ್ನೆಟ್ ಪೂರೈಕೆದಾರರು ಅನಧಿಕೃತ ಲಿಂಕ್ಗಳನ್ನು ತೆಗೆದುಹಾಕುವ ಕೆಲಸವನ್ನು ಪ್ರಾರಂಭಿಸಿದ್ದಾರೆ. ಬಹುತೇಕ ಲಿಂಕ್ ಗಳನ್ನು ತೆಗೆಯಲಾಗಿದೆ ಎಂದು ತಿಳಿದುಬಂದಿದೆ. ಅದಕ್ಕಿಂತ ಮುಖ್ಯವಾಗಿ, ಅವರು ಪ್ರಭಾಸ್ ಎಪಿಸೋಡ್ ಪೈರಸಿ ಲಿಂಕ್ ಗಳ ಬಗ್ಗೆ ವಿಶೇಷ ಕಾಳಜಿ ವಹಿಸುತ್ತಿದ್ದಾರೆ.

ಬಾಲಯ್ಯ ನಡೆಸಿಕೊಡುತ್ತಿರುವ 2ನೇ ಸೀಸನ್​ಗೆ ಭಾರೀ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಇತ್ತೀಚೆಗಷ್ಟೇ ಪ್ರಭಾಸ್ ಪ್ರತಿ ಎಪಿಸೋಡ್ ಅನ್ನು ಪ್ರತ್ಯೇಕವಾಗಿ ಪ್ಲಾನ್ ಮಾಡಿ ಎಪಿಸೋಡ್ ಬಿಡುಗಡೆ ಮಾಡಿದ್ದರು. ಪ್ರಭಾಸ್ ಎಪಿಸೋಡ್ ಬಗ್ಗೆ ಜನರ ಕುತೂಹಲಕ್ಕೆ ತೆರೆ ಬಿದ್ದಿದೆ

ಪ್ರಭಾಸ್ ಶೋ ನೋಡಲು ಜನ ಒಮ್ಮೆಲೆ ಬಂದ ಹಿನ್ನೆಲೆ ಆಹಾ ಒಟಿಟಿ ಕೆಲ ಕಾಲ ಸ್ಟಕ್ ಆಗಿತ್ತು. ತಾಂತ್ರಿಕ ದೋಷವನ್ನು ಸರಿಪಡಿಸಿದ ಆಹಾ ತಂಡವು ಸ್ಟ್ರೀಮಿಂಗ್ ಅನ್ನು ಒದಗಿಸಿತು. ಈ ಎಪಿಸೋಡ್ ದಾಖಲೆಯ ವೀಕ್ಷಣೆಗಳನ್ನು ಪಡೆಯುತ್ತಿದೆ.

ಪ್ರಭಾಸ್ ಮತ್ತು ಗೋಪಿಚಂದ್ ಅತಿಥಿಗಳಾಗಿರುವ ಈ ಸಂಚಿಕೆ 100 ನಿಮಿಷಗಳಿದೆ. ಇದನ್ನು ಎರಡು ಭಾಗಗಳಾಗಿ ವಿಂಗಡಿಸಲಾಗಿದೆ. ಮೊದಲ ಭಾಗಕ್ಕೆ 'ಅನ್ ಸ್ಟಾಪಬಲ್ 2 ವಿತ್ NBK - ದಿ ಬಿಗಿನಿಂಗ್' ಎಂದು ಶೀರ್ಷಿಕೆ ನೀಡಲಾಗಿದ್ದು, ಈ ಸಂಚಿಕೆಯು ಡಿಸೆಂಬರ್ 29 ರಿಂದ ರಾತ್ರಿ 9 ಗಂಟೆಗೆ ಸ್ಟ್ರೀಮ್ ಆಗಿದೆ. ಸದ್ಯದಲ್ಲೇ ಎರಡನೇ ಭಾಗ ಕೂಡ ಆಹಾ ಒಟಿಟಿಯಲ್ಲಿ ಸ್ಟೀಮ್ ಆಗಲಿದೆ.