ಬಾಲಿವುಡ್​ನಲ್ಲಿ ಬರಲಿದೆ ‘ಮನಿ ಹೈಸ್ಟ್‘​ ಸಿರೀಸ್​?; ಪ್ರೊಫೆಸರ್​ ಪಾತ್ರ ನನಗೆ ಕೊಡಿ ಎಂದ ಖ್ಯಾತ ನಟ!

ಇತ್ತೀಚೆಗೆ ಸಾಕಷ್ಟು ಖ್ಯಾತಿಗಳಿಸಿದ್ದ ‘ಮನಿ ಹೈಸ್ಟ್‘​ ವೆಬ್​ ಸಿರೀಸ್​​ ಬಾಲಿವುಡ್​ಗೆ ರಿಮೇಕ್​​ ಆಗಲಿದೆ ಎಂಬ ಮಾತುಗಳು ಕೇಳಿಬರುತ್ತಿದೆ. ‘ಮನಿ ಹೈಸ್ಟ್‘​ನಲ್ಲಿ ಮುಖ್ಯ ಪಾತ್ರವನ್ನು ನಿರ್ವಹಸಿದ್ದ ಪ್ರೊಪೆಸರ್​ ಪಾತ್ರವನ್ನು ಬಾಲಿವುಡ್​ನ ಈ ನಟನಿಗೆ ಮಾಡಬೇಕೆಂಬ ಆಸೆ ಹುಟ್ಟಿಕೊಂಡಿದೆಯಂತೆ!​​

ಸಾಮಾನ್ಯವಾಗಿ ನಟ-ನಟಿಯರಿಗೆ  ಹೊಸದೊಂದು ಪಾತ್ರವನ್ನು ನಾನು ಮಾಡಬೇಕು ಎಂಬ ಆಸೆಯಿರುತ್ತದೆ. ಆದರಂತೆ ತಾವೆಂದುಕೊಂಡ ಪಾತ್ರ ಸಿಕ್ಕಿದಾಗ ಕಣ್ಣು ಮುಚ್ಚಿಕೊಂಡು ಒಪ್ಪಿಕೊಳ್ಳುತ್ತಾರೆ.

ಇದೀಗ ನಟ ಆಯುಷ್ಮಾನ್ ಖುರಾನಾಗೆ ಪ್ರೊಫೆಸರ್​​ ಪಾತ್ರವನ್ನು ಮಾಡಬೇಕೆಂಬ  ಆಸೆ ಹುಟ್ಟಿಕೊಂಡಿದೆಯಂತೆ. ಪ್ರೊಫೆಸರ್​ ಪಾತ್ರವನ್ನ ನೋಡಿ, ಅವರ ಪಾತ್ರಕ್ಕೆ ಸಿಕ್ಕ ಮನ್ನಣೆಯನ್ನು ನೋಡಿ ಆಯುಷ್ಮಾನ್​ ಆ ಪಾತ್ರ ಅಮಲಿನಲ್ಲಿ ಬಿದ್ದಿದ್ದಾರಂತೆ

ಈ ಬಗ್ಗೆ ಅವರು ಸಾಮಾಜಿಕ ಜಾಲತಾಣದಲ್ಲಿ ಬರೆದುಕೊಂಡಿದ್ದಾರೆ. ಮಾತ್ರವಲ್ಲ, ವಿಡಿಯೋವನ್ನು ಅಪ್ಲೋಡ್ ಮಾಡಿದ್ದಾರೆ. ವಿಡಿಯೋದಲ್ಲಿ ಪ್ರೊಫೆಸರ್ ಹಾಕಿರುವ ಅಂತಹದೇ ಕನ್ನಡವನ್ನು ಧರಿಸಿ ಮನಿ ಹೈಸ್ಟ್​​​ ‘ಬೆಲ್ಲಾ ಚಾವ್‘ ಹಾಡನ್ನು ಪಿಯಾನೋದಲ್ಲಿ ನುಡಿಸಿದ್ದಾರೆ. ಪ್ರೊಫೆಸರ್ ಜಗತ್ತಿಗೆ ನಾನು ಹೋಗಬೇಕು. ಆ ಪಾತ್ರದಲ್ಲಿ ನಾನು ನಟಿಸಬೇಕು ನಿರ್ಮಾಪಕರೇ ಈ ಬಗ್ಗೆ ಗಮನಹರಿಸಿ ಎಂದು ಅವರು ಮನವಿ ಮಾಡಿದ್ದಾರೆ.

ಮನಿ ಹೈಸ್ಟ್​​ ವೆಬ್​ಸೀರಿಸ್​ನಲ್ಲಿ ಬರುವ ಪ್ರಮುಖ ಪಾತ್ರದಲ್ಲಿ ಪ್ರೊಫೆಸರ್ ಕೂಡ ಒಂದು. ಈತನೇ ದರೋಡೆ ಕೋರ ಗುಂಪಿನ ನಾಯಕ. ಕಪ್ಪು ಬಣ್ಣದ ಕನ್ನಡಕ, ಅತೀ ಬುದ್ಧಿವಂತಿಕೆ ಹೊಂದಿರುವ ಪ್ರೊಫೆಸರ್ ನಿರ್ದೇಶನದಂತೆ ದರೋಡೆಕೋರರು ಕೆಲಸ ಮಾಡುತ್ತಿರುತ್ತಾರೆ.

ಆಯುಷ್ಮಾನ್ ಖುರಾನಾ ವಿಭಿನ್ನ ಪಾತ್ರಗಳನ್ನು ಮಾಡುತ್ತಾ ಬಂದಿದ್ದಾರೆ. ಅವರು ಮಾಡಿರುವ ಸಾಕಷ್ಟು ಸಿನಿಮಾಗಳು ಹಿಟ್ ಸಿನಿಮಾಗಳ ಪಟ್ಟಿಯಲ್ಲಿ ಸೇರಿವೆ. ಮಾತ್ರವಲ್ಲದೆ, ಹೊಸ ಕಥೆ, ಒಳ್ಳೆಯ ಪಾತ್ರವನ್ನು ಆರಿಸಿಕೊಂಡು ಸಿನಿಮಾ ಮಾಡುತ್ತಾರೆ.

ಆಯುಷ್ಮಾನ್ ನಟಿಸಿರುವ ಅಂಧಾದುನ್ ಸಿನಿಮಾ ನಟನೆಗೆ ರಾಷ್ಟ್ರ ಪ್ರಶಸ್ತಿ ಸಿಕ್ಕಿದೆ. ಆರ್ಟಿಕಲ್ 15 ಸಿನಿಮಾದಲ್ಲಿ ಇವರ ನಟನೆಗೆ ಫಿಲ್ಮ್​​ಫೇರ್​ ಕ್ರಿಟಿಕ್ಸ್ ಅವಾರ್ಡ್ ದೊರೆತಿದೆ.

ಸದ್ಯ ಬಾಲಿವುಡ್​ನಲ್ಲಿ  'ಮನಿ ಹೈಸ್ಟ್' ವೆಬ್​ ಸಿರೀಸ್​ ರಿಮೇಕ್​ ಆಗಲಿದೆ ಎಂಬ​ ಸುದ್ದಿ ಹರಿದಾಡುತ್ತಿದೆ. ಆದರೆ ಇದು  ಗಾಳಿ ಸುದ್ದಿಯೇ ? ಅಥವಾ ನಿಜವೋ?ಎಂಬುದು ತಿಳಿದು ಬರಬೇಕಿದೆ.