Avatar 2: ಅವತಾರ್ 2 ಭರ್ಜರಿ ಟಿಕೆಟ್ ಮಾರಾಟ, ವೀಕೆಂಡ್​ 16 ಕೋಟಿ ಕಲೆಕ್ಷನ್

ಪ್ರಪಂಚದಾದ್ಯಂತ ಅಸಂಖ್ಯಾತ ಜನರು ಅವತಾರ್ ಚಿತ್ರದ ಎರಡನೇ ಭಾಗಕ್ಕಾಗಿ ಕಾಯುತ್ತಿದ್ದಾರೆ. ಬಹು ನಿರೀಕ್ಷಿತ "ಅವತಾರ್ 2" ಬಿಡುಗಡೆಗೆ ಸಿದ್ಧವಾಗುತ್ತಿದೆ. 'ಅವತಾರ್: ದಿ ವೇ ಆಫ್ ವಾಟರ್' 'ಅವತಾರ್' ಚಿತ್ರದ ಮುಂದುವರಿದ ಭಾಗವಾಗಿದೆ. ಈ ಸಿನಿಮಾ ಡಿಸೆಂಬರ್ 16 ರಂದು ಕ್ರಿಸ್‌ಮಸ್ ಸಂದರ್ಭದಲ್ಲಿ ವಿಶ್ವದಾದ್ಯಂತ ಬಿಡುಗಡೆಯಾಗಲಿದೆ.

ಇದು ಅವತಾರ್ ನ ಮುಂದುವರಿದ ಭಾಗವಾಗಿ ಸುಮಾರು 13 ವರ್ಷಗಳ ನಂತರ ಬಿಡುಗಡೆಯಾಗಲಿದೆ. ಈಗ "ಅವತಾರ್ ದಿ ವೇ ಆಫ್ ವಾಟರ್" ಬಿಡುಗಡೆಗೆ ಸಿದ್ಧವಾಗಿರುವ ಈ ಸಿನಿಮಾಗೆ ಇತ್ತೀಚೆಗಷ್ಟೇ ಭಾರತದಲ್ಲೂ ಬುಕ್ಕಿಂಗ್ ಓಪನ್ ಆಗಿದೆ. ಕೆಲವು ಸ್ಥಳಗಳಲ್ಲಿ ಮಾತ್ರ ಬುಕ್ಕಿಂಗ್ ತೆರೆಯಲಾಗಿದೆ.

ಎಂಡ್‌ಗೇಮ್, ಕೆಜಿಎಫ್ 2 ಮತ್ತು ಬಾಹುಬಲಿ 2, ಅವತಾರ್ 2 ಸಾರ್ವಕಾಲಿಕ ಬಿಗ್ ಪ್ರೀ ಬುಕ್ಕಿಂಗ್‌ಗಳಲ್ಲಿ ಒಂದಾಗಿದೆ. ಇದುವರೆಗೆ ಮಾರಾಟವಾದ 2 ಲಕ್ಷ ಟಿಕೆಟ್‌ಗಳಲ್ಲಿ ಪಿವಿಆರ್, ಸಿನಿಪೊಲಿಸ್ - ಸುಮಾರು 1.20 ಲಕ್ಷ ಮುಂಗಡ ಬುಕ್ಕಿಂಗ್ ಆಗಿದೆ.

ಅವತಾರ್: ದಿ ವೇ ಆಫ್ ವಾಟರ್ ಸಿನಿಮಾದ ಸುಮಾರು 4.10 ಲಕ್ಷ ಟಿಕೆಟ್‌ಗಳು ಮಾರಾಟವಾಗಿದ್ದು, ಶೀಘ್ರದಲ್ಲೇ 5 ಲಕ್ಷದ ಗಡಿ ಮುಟ್ಟಲಿದೆ. ಅವತಾರ್: ವೇ ಆಫ್ ವಾಟರ್ ವಾರಾಂತ್ಯದ ಒಟ್ಟು ಗಳಿಕೆ ಸುಮಾರು 16 ಕೋಟಿ ರೂ. 4.10 ಲಕ್ಷ ಟಿಕೆಟ್‌ಗಳಲ್ಲಿ 2.70 ಲಕ್ಷ ಟಿಕೆಟ್‌ಗಳು ಮಲ್ಟಿಪ್ಲೆಕ್ಸ್‌ಗಳಲ್ಲಿ ಅವತಾರ್ 2 ಗಾಗಿ ಮಾರಾಟವಾಗಿವೆ.

ಸದ್ಯಕ್ಕೆ, Avengers: End Game ಆಲ್-ಇಂಡಿಯಾ ಪ್ರೀ ಬುಕ್ಕಿಂಗ್ ರೂ. 80 ಕೋಟಿ ಸಾರ್ವಕಾಲಿಕ ಅತಿ ದೊಡ್ಡ ರೆಕಾರ್ಡ್ ಆಗಿದೆ. ಅವತಾರ್ 2 ಪಟ್ಟಿಯಲ್ಲಿ ಎರಡನೇ ಸ್ಥಾನವನ್ನು ಪಡೆದುಕೊಳ್ಳುವ ಗುರಿಯನ್ನು ಹೊಂದಿದೆ.

ವಿಶ್ವಾದ್ಯಂತ ಚಿತ್ರ 2.2 ಬಿಲಿಯನ್ ಡಾಲರ್ ಕಲೆಕ್ಷನ್ ಮಾಡಿದರೆ ಅದು ಬ್ರೇಕ್ ಈವ್ ಆಗಲಿದೆ ಎನ್ನುತ್ತವೆ ಮೂಲಗಳು. ಚಿತ್ರವೊಂದಕ್ಕೆ ಈ ಮಟ್ಟದ ಪ್ರೀ ರಿಲೀಸ್ ಬ್ಯುಸಿನೆಸ್ ಆಗಿರುವುದು ದಾಖಲೆ ಎನ್ನುತ್ತಿವೆ ಹಾಲಿವುಡ್ ಮೂಲಗಳು. ಆದರೆ ಹಿಂದಿನ ಚಿತ್ರ ಅವತಾರ್ ವಿಶ್ವಾದ್ಯಂತ ರೂ. 2.9 ಬಿಲಿಯನ್ ಡಾಲರ್‌ಗಳನ್ನು ಸಂಗ್ರಹಿಸಿತು. ಸಾರ್ವಕಾಲಿಕ ಅತಿ ಹೆಚ್ಚು ಗಳಿಕೆ ಮಾಡಿದ ಚಲನಚಿತ್ರವಾಯಿತು.

ಈಗಾಗಲೇ ರಿಲೀಸ್ ಆಗಿರುವ ಅವತಾರ್ 2 ಟ್ರೇಲರ್, ಪೋಸ್ಟರ್ ಹಾಗೂ ಟೀಸರ್ ಸಿನಿಮಾದ ನಿರೀಕ್ಷೆಯನ್ನು ಹೆಚ್ಚಿಸಿದೆ. ಇದರೊಂದಿಗೆ ಪ್ರೇಕ್ಷಕರು ಈ ಚಿತ್ರವನ್ನು ಥಿಯೇಟರ್‌ಗಳಲ್ಲಿ ನೋಡಲು ಕಾತರದಿಂದ ಕಾಯುತ್ತಿದ್ದಾರೆ.

ಈ ಟ್ರೈಲರ್ ಕೂಡ ವಿಶುವಲ್ ವಂಡರ್ ಆಗಿರುವುದರಿಂದ ಅಭಿಮಾನಿಗಳು ಈ ಸಿನಿಮಾ ನೋಡಲು ಕಾತುರರಾಗಿದ್ದಾರೆ.