Avatar 2 Twitter Review: ಅವತಾರ್ 2 ಹೇಗಿದೆ? ಸೀಕ್ವೆಲ್ ಅಂದ್ರೆ ಇದಪ್ಪಾ ಅಂದ್ರು ಜನ

ಅವತಾರ್ ಯಾವ ಸಿನಿಮಾ ಪ್ರೇಮಿಯೂ ಮರೆಯಲಾಗದ ಸಿನಿಮಾ. ಈ ಚಿತ್ರ 2009 ರಲ್ಲಿ ಥಿಯೇಟರ್‌ಗಳಲ್ಲಿ ರಿಲೀಸ್ ಆಗಿ ಅದ್ಭುತ ಸೃಷ್ಟಿಸಿತು. ಸಿನಿಮಾ ರಿಲೀಸ್ ಆಗಿ ಅನೇಕ ಅದ್ಭುತಗಳನ್ನು ಸೃಷ್ಟಿಸಿತು. ಇಷ್ಟು ವರ್ಷಗಳ ನಂತರ ಈಗ ಸಿನಿಮಾದ ಸೀಕ್ವೆಲ್ ಅವತಾರ್ 2 ರಿಲೀಸ್ ಆಗಿದೆ.

ಜೇಮ್ಸ್ ಕ್ಯಾಮರೂನ್ ಅವರ ನಿರ್ದೇಶನದಲ್ಲಿ ಮೂಡಿ ಬಂದ ಸಿನಿಮಾ ಬಗ್ಗೆ ವ್ಯಾಪಕ ಮೆಚ್ಚುಗೆ ವ್ಯಕ್ತವಾಗಿದೆ. 'ಅವತಾರ್: ದಿ ವೇ ಆಫ್ ವಾಟರ್' ಡಿಸೆಂಬರ್ 16 ಅದ್ಧೂರಿಯಾಗಿ ಬಿಡುಗಡೆಯಾಗಿದೆ.

ಅವತಾರ್ ತಂಡ ಬಿಡುಗಡೆ ಮಾಡಿರುವ ಟ್ರೈಲರ್​​ಗೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಭಾರೀ ನಿರೀಕ್ಷೆಗಳ ನಡುವೆ ಬರುತ್ತಿರುವ ಈ ಸಿನಿಮಾ ಭಾರತದ ಬಹುತೇಕ ಎಲ್ಲಾ ಪ್ರಮುಖ ಭಾಷೆಗಳಲ್ಲಿ ಬಿಡುಗಡೆಯಾಗಿದೆ. ಈ ಸಿನಿಮಾ 160 ಭಾಷೆಗಳಲ್ಲಿ ಏಕಕಾಲಕ್ಕೆ ಬಿಡುಗಡೆಯಾಗುತ್ತಿದೆ.

ಸಿನಿಮಾಗೆ ಭಾರೀ ಮೆಚ್ಚುಗೆ ವ್ಯಕ್ತವಾಗುತ್ತಿದ್ದು ಅವತಾರ್ ದಿ ವೇ ಆಫ್ ವಾಟರ್ ಹ್ಯಾಶ್​ಟ್ಯಾಗ್ ಈಗ ಟ್ರೆಂಡಿಂಗ್​​ನಲ್ಲಿದೆ. ಸಿನಿಮಾ ನೋಡಿದ ಬಹಳಷ್ಟು ಜನರು ಇದೊಂದು ಅದ್ಭುತ ಸೀಕ್ವೆಲ್ ಎಂದು ಹೊಗಳಿದ್ದಾರೆ.

ಸಿನಿಮಾ ಸ್ವಲ್ಪ ಲಾಂಗ್ ಎನಿಸಿದರೂ ನಿರ್ದೇಶಕ ಜೇಮ್ಸ್ ಕ್ಯಾಮರೂನ್ ಈ ಸಿನಿಮಾವನ್ನು ಚೆನ್ನಾಗಿ ನಿರ್ವಹಿಸಿದ್ದಾರೆ. ಇದೊಂದು ದೃಶ್ಯ ವೈಭವ. ಪ್ರೇಕ್ಷಕರನ್ನು ಮತ್ತೊಂದು ಲೋಕಕ್ಕೆ ಒಯ್ಯುತ್ತದೆ ಎಂದಿದ್ದಾರೆ. ಎಲ್ಲರೂ ನೋಡಲೇಬೇಕಾದ ಚಿತ್ರ ಎಂದು ನೆಟ್ಟಿಗರು ಕಾಮೆಂಟ್ ಮಾಡುತ್ತಿದ್ದಾರೆ.

73 ವರ್ಷದ ನಟ 17 ವರ್ಷದವರಾಗಿ ಹೇಗೆ ನಟಿಸಿದ್ದಾರೆ ಎನ್ನುವುದು ನಿಜಕ್ಕೂ ಅಚ್ಚರಿಯಾಗಿತು. ಇದು ನಿಜಕ್ಕೂ ಅದ್ಭುತವಾಗಿ ಬಂದಿದೆ ಎಂದಿದ್ದಾರೆ ನೆಟ್ಟಿಗರು. ಇನ್ನು ಕೆಲವರು ಇದೊಂದು ದೃಶ್ಯ ವೈಭವ ಎನ್ನುವುದು ಗೊತ್ತಿತ್ತು, ಆದರೆ ಎಮೋಷನಲ್ ಇಷ್ಟು ಡೀಪ್ ಆಗಲಿದೆ ಎನ್ನುವುದನ್ನು ನಿರೀಕ್ಷಿಸಿರಲಿಲ್ಲ, ಹ್ಯಾಟ್ಸಾಫ್​ ಎಂದು ಚಿತ್ರತಂಡಕ್ಕೆ ವಿಶ್ ಮಾಡಿದ್ದಾರೆ.

ಪಾತ್ರಗಳನ್ನು ಸೂಕ್ಷ್ಮವಾಗಿ ತೋರಿಸಲಾಗಿದೆ. ಜಗತ್ತನ್ನು ಬಹಳ ಶ್ರೀಮಂತವಾಗಿ ತೋರಿಸಲಾಗಿದೆ ಎಂದು ಪ್ರೇಕ್ಷಕರು ಹೇಳುತ್ತಾರೆ. ಅವತಾರ್ 2 ಕಥೆ ಮನಮುಟ್ಟುವಂತಿದ್ದು, ಈ ಸಿನಿಮಾವನ್ನು ಚಿತ್ರೀಕರಿಸಿರುವ ರೀತಿ ಅದ್ಭುತವಾಗಿದೆ ಎನ್ನುತ್ತಾರೆ ಪ್ರೇಕ್ಷಕರು.

ಸಿನಿಮಾ ನೋಡಿದ ಬಹಳಷ್ಟು ಮಂದಿ ಇದೊಂದು ಮಾಸ್ಟರ್ ಪೀಸ್ ಎಂದು ಹೊಗಳಿದ್ದಾರೆ. ಸಿನಿಮಾಗೆ ಎಲ್ಲೆಡೆಯಿಂದ ಮೆಚ್ಚುಗೆ ಹರಿದುಬರುತ್ತಿದೆ.